ǦYLYMİ KÖRME KÖRINISTERI
Tamyz keŋesıne jinalǧandar aldymen Kongress-holl foiesınde qoiylǧan körmenı tamaşalady.
Qalalyq Bılım basqarmasy men «Astana daryny» öŋırlık ǧylymi-praktikalyq ortalyǧy oqu täsılın jetıldıruge baǧyttalǧan jaŋa akparattyq-innovasiialyq tehnologiialardy, qalalyq bılım beru mekemelerınıŋ jetıstıkterı men mūǧalımder arasyndaǧy täjıribelık bailanystardy körsetu maqsatynda körme galereiasyn ekıge bölıp ötkızdı. Körermenderdı pedagogikalyq bölımmen tanystyru üşın zalǧa 9 LED-ekran ornatylyp, onda daryndy oquşylardyŋ ǧylym salasyndaǧy jetıstıkterı, bılım jüiesındegı innovasiia, «e-learning» jobasynyŋ bolaşaǧy, oqu üderısıne engızılgen «Mäŋgılık el – qazaq halqynyŋ ūlttyq ideiasy» atty baǧdarlama, «Jasyl el» programmasy, «Myŋ bala» jäne «Pedagogikalyq mūrajai» avtorlyq jobalary, profildık oqytu, «Köptıldılık – zaman talaby» mäselesı jäne 2013-2014 oqu jylynda ŪBT-dan joǧary nätijege jetıp, bılım sapasy boiynşa üzdık dep tanylǧan 10 köşbasşy mektep jaily video-siujetter körsetıldı. Al, täjıribe galereiasy aiasynda «Ǧasyrdan ǧasyrǧa» intellektualdyq baiqauynyŋ jeŋımpazdary «Qazaq dalasyndaǧy soǧystar men qaqtyǧystar», «Ejelgı türık mifterı», «Şeberler qalasy», «Älemdık alyp aǧaş turaly aŋyz» jäne «Qazaq dalasyndaǧy sot jüiesı» taqyrybynda tarihi sahnalyq qoiylymdar qoidy. Sondai-aq, mektep oquşylary alaştyŋ ardaqty tūlǧalary Abai Qūnanbaiūly, Ahmet Baitūrsynov, Şoqan Uälihanov pen Ybyrai Altynsarinnıŋ beinesın somdap, körermennıŋ zor yqylasyna bölendı. Al, «Körkemöner» galereiasynyŋ sänın keltırgen Menedjment jäne biznes kolledjı men Basqaru kolledjınde oqityn şeber studentter qolynan şyqqan Astana säuletınıŋ suretterı men oiu-örnek ündese tıgılgen ūlttyq kiımder körgen közdıŋ jauyn alady.
Otbasylyq tärbieleu instituty bolsa, mazmūny san türlı özektı taqyrypty qamtityn «Otbasylyq tärbie» jurnalyn keluşılerge tegın taratty jäne psihologiialyq oiyn jürgızdı. Adamdar köp surettıŋ ışınen bıreuın taŋdap alyp, beinelengennıŋ bärın öz oiymen äŋgımelep berdı. Bır ǧana surettı är adam ärqily qabyldap, ärtürlı tüsındıredı. Psihologtardyŋ aituynşa, osy ädıs adamǧa öz jan düniesıne tereŋırek üŋılıp, özın-özı tanuǧa kömektesedı eken.
Körmede būdan bölek bılım salasyna innovasiiany engızumen ainalysatyn «Polymedia» jäne «Interactive Kazakhstan» kompaniialarynyŋ önımderı de qamtyldy. Alǧaşqysy – Astanada filialyn aşqan reseilık kompaniia. Körmege olar funksiiasy ärtürlı ekı interaktivtı displei äkelgen: biznes kelısımderge arnalǧan jäne mekteptegı interaktivtı taqtanyŋ ornyn almastyratyn displei. Reseide būl tehnologiialar bılım salasynda keŋınen qoldanylsa, Astanada äzırşe tek Nazarbaev universitetınde bar eken. Aty atalǧan ekınşısı Qazaqstanǧa interaktivtı taqtalardy ornatqan eŋ alǧaş kompaniia bolatyn. Al, bügıngı künı memleketımızdegı mektepterdıŋ basym köpşılıgı fizika, himiia, biologiia pänderınıŋ laboratoriialyq sabaqtardy tiımdı jürgızu üşın būl kompaniianyŋ sandyq zerthana jūmystary qūrylǧylaryn da belsendı paidalanady. «Koreialyq ärıptesterımız öndırgen teledidar, ekran ärı kompiuter qyzmetın atqaratyn panel äkeldık. Qaraǧandydaǧy «Bolaşaq» kolledjı būǧan tapsyrys berdı. Osy körmege qatysu arqyly būl paneldı Astanada tanystyryp otyrmyz. Sonymen bırge, multimediialyq podiumdy jūrt nazaryna ūsyndyq. Podiumnan alysqa ūzamai, sensory arqyly ekranda körsetıletın sabaqty tolyq basqaruǧa bolady. Dybysyn basqaru, tüsın özgertu, jazu qosu siiaqty t.b mümkındıkterı bar. Mektepterde de, ülken jiyndarda da mūny qoldanu yŋǧaily» dedı «Interactive Kazakhstan» kompaniiasynyŋ direktory Nūrlan Qūraqbai. Sonymen qatar, oquşylardy pänge qyzyqtyryp, sabaqty 3D formatynda ötkızuge de bolady eken. Videoǧa jazylǧan oqu materialdaryn tälım aluşylar 3D-közıldırıgımen arnaiy taqtadan köre alady. Būl jaratylystanu baǧytyndaǧy därısterdı este saqtaudyŋ eŋ tiımdı joly bolar edı.
Körmede ŪBT daiyndyǧyna arnalǧan test kıtapşalary men oqu kıtaptary da satyldy. Olarǧa sūranys öte köp ekendıgın baiqau da qiynǧa soqpady. Tamyz keŋesı aiaqtalǧan soŋ, mūǧalımder sol jerdegı buma-buma kıtaptardy arqalap, köŋılge türlı maqsat-josparlardy qondyryp, oqu jylyna jaŋa serpınmen ketıp bara jatqandai körındı.
Mädina JAQYP