Keşırım kımderge jasalady?
Elbasy «Qazaqstan Respublikasy Täuelsızdıgınıŋ jiyrma bes jyldyǧyna bailanysty raqymşylyq jasau turaly» zaŋǧa qol qoiǧany belgılı. Ortalyq kommunikasiialar qyzmetı alaŋynda ötken jiynda zaŋ aiasynda azamattardyŋ qai sanatyna keşırım berıletını tüsındırıldı. Belgılı bolǧandai, biyl 28 myŋ adamǧa keşırım beru josparlanuda.
Aita keteiık, atalmyş zaŋ azamattardyŋ äleumettık osal sanattaryna raqymşylyq jasaudy közdeidı. Olardyŋ qataryna kämeletke tolmaǧandar, jüktı äielder, kämeletke tolmaǧan balalary nemese mügedek balalary bar äielder, sondai-aq kämeletke tolmaǧan balalardyŋ jalǧyz ata-anasy bolyp tabylatyn er adamdar, I, II jäne III toptaǧy mügedekter, elu jastaǧy jäne ol jastan asqan äielder, alpys jastaǧy jäne ol jastan asqan er adamdar, Ūly Otan soǧysynyŋ qatysuşylary men mügedekterıne jäne olarǧa teŋestırılgen adamdar, äskeri jäne internasionaldyq boryşyn oryndau kezınde qaza tapqan äskeri qyzmetşılerdıŋ jesırlerı kıredı.
Sonymen qatar, zaŋ şeŋberınde sottalǧan adamdardyŋ jekelegen sanattary üşın jaza merzımınıŋ ötelmegen bölıgın aiyppūlmen nemese bas bostandyǧyn şekteumen auystyru nemese ony qysqartu räsımın qoldanu mümkındıgı paida bolady.
Jiynda raqymşylyq jasau aktısı qoldanylmaityn azamattar turaly da aityldy. Terroristık jäne ekstremistık qylmys jasaǧandar, residivister; ömır boiyna bas bostandyǧynan aiyruǧa jazalanǧan, sondai-aq keşırım jasau tärtıbımen ölım jazasy bas bostandyǧynan aiyruǧa auystyrylǧan adamdar, būryn raqymşylyq jasalǧan nemese keşirim jasalǧan jäne qaitadan qasaqana qylmystar jasaǧan adamdar; qylmystyq toptar qūramynda qylmys jasaǧany üşın sottalǧan, sondai-aq qylmystyq zaŋda belgılengen bırqatar özge de qylmystar jasaǧan adamdar raqymşylyqqa ılınbeidı. Jalpy, aldaǧy alty ai ışınde 28 myŋǧa juyq adamǧa keşırım berıledı dep kütılude.
«Täuelsızdıgımızdıŋ 25 jyldyǧyn atap ötu qarsaŋynda Memleket basşysy bastama jasaǧan raqymşylyq jasau turaly zaŋ jobasy azamattyq jäne saiasi qūqyqtar turaly halyqaralyq aktınıŋ qaǧidattary men BŪŪ-nyŋ qylmystyq sot törelıgı salasyndaǧy basqa da qūjattaryn ıske asyrudy jalǧastyratyn memlekettıŋ jaŋa saiasatynyŋ jarqyn ülgısı» deidı QR Parlamentı Mäjılısınıŋ deputaty Qanat Musin.
Gülmira AIMAǦANBET