Köşe jaryq, jol tegıs

Köktem şyǧa elorda äkımşılıgı jol jöndeu jūmystaryna belsene kırıstı. Biyl qala boiynşa 150 köşenı jöndeu jūmystary josparlanǧan. Aita keteiık, būl joldar bırneşe kriteriiler boiynşa taŋdaldy.Bırınşı, būryn asfalt bolmaǧan joldar esepke alyndy. Mūndai joldardyŋ köbı eldı mekenderde ornalasqan, josparlanǧan 150 köşenıŋ 100-ı osylarǧa tiesılı. Ekınşı, jaŋa avtobus baǧyttaryn ıske qosatyn köşe men qozǧalysy joǧary köşeler qamtylǧan. Üşınşı, tūrǧyndarmen kezdesu barysynda adamdar äleumettık nysandarǧa aparatyn köşelerdı asfalttaudy sūraǧan. Osy joldar tızımge ılındı.
Nūr-Sūltan qalasynyŋ äkımı Altai Kölgınov keşe «Köktal» jäne «Agroqalaşyq» eldı mekenderındegı bırqatar köşelerdıŋ jol qūrylysy jūmys­taryn baryp kördı.
Jalpy, osy ekı eldı mekendegı 33 köşe jöndeledı. Kezdesu barysynda tūrǧyndar qala basşysyna jaryqtandyru, jylytu, kärız mäselelerı boiynşa bırqatar mäselelerdı köterdı. Elorda äkımı keibır mäseleler boiynşa şeşımdı sol jerde qabyldap, qalǧandaryn josparǧa bekıtudı tapsyrdy.
Sondai-aq qala äkımı öz sözınde önerkäsıptık sektor men eldı mekenderdı gazdandyru 3 kezeŋde ötetındıgın aitty. Biylǧy jylytu mausymynda «kögıldır otynǧa» bırqatar eldı meken qosylady.