«Nūr Otan» partiiasynyŋ Astana qalalyq filialy köşpelı qoǧamdyq qabyldau ötkızdı. Qabyldauda bolǧan azamattar bılım, densaulyq, jūmyspen qamtu, baspana, zeinetaqy sekıldı şeşımın tappai kele jatqan äleumettık mäselelerge kömek körsetuın sūrady.
«Azamattardyŋ partiiamyzǧa degen senımı jyldan-jylǧa ūlǧaiyp kele jatyr. Mūny qabyldauǧa kelıp jatqan ötınışterden-aq baiqauǧa bolady. Tek osy jyldyŋ üş aiynyŋ özınde ǧana «Nūr Otan» partiiasynyŋ Astana qalalyq filialyna tört jarym myŋnan astam adam ötınışpen keldı. Bırı ömırıne araşa ızdese, bırı «barmaǧan jerım, aşpaǧan esıgım qalmady, eşkım jūmysqa alǧysy kelmeidı» dep mūŋ-mūqtajdaryn aityp kelıp jatady. Eŋ quanyştysy, būl aryz-şaǧymdardyŋ basym bölıgı oŋ şeşımın tabuda. Bügıngı köşpelı qabyldaudyŋ özıne jüzden astam keldı. Olarǧa 24 türlı memlekettık organ ökılderı bılım, densaulyq, qūqyq qorǧau syndy äleumettık mäseleler boiynşa tüsındıru jūmystaryn jürgızıp, qūqyqtyq keŋes berdı» deidı «Nūr Otan» partiiasy Astana qalalyq filialy töraǧasynyŋ bırınşı orynbasary Edıl Mamytbekov.
Qabyldauda bolǧandardyŋ bırı – Vasilii Gromov esımdı qariia. «Qabyldauǧa kommunaldyq mäsele boiynşa kırgen edım. Bırden partiia ökılderı «Astana Su arnasynyŋ» mamandaryna jolyqtyrdy. Olar sol jerde otyryp mäselemdı äp-sätte şeşıp berdı» deidı ol.
Ärine, qoǧam bolǧan soŋ halyq arasynda äleumettık mäselelerdıŋ kezdesıp qaluy – zaŋdy qūbylys. Bıraq olardyŋ barlyǧy ärtürlı sebeptermen şeşımın tappai qalyp jatady. Astananyŋ memlekettık organdary qalanyŋ är şetınde ornalasqandyqtan olarǧa jetem degenşe kemı jarty kün ötedı. Köbınde ūzyn-sonar kezek te bolady. Osyndai sebeptermen köptegen azamattardyŋ, äsırese, mümkındıgı şekteulı qariialardyŋ mäselelerı şeşımın tappai qalyp jatady. Onyŋ üstıne qarapaiym adamdardyŋ memlekettık jäne jekemenşık ūiymdardyŋ basşylaryna ötınışterın tıkelei jetkızu mümkındıgı bola bermeidı. «Osy olqylyqty şeşu maqsatynda azamattardy keŋsede emes, audandarǧa baryp, tıpten, köşelerge şyǧyp qabyldaular ötkızıp tūramyz. Memlekettık mekemelerdıŋ bırınşı, ekınşı basşylary da
osynda. Kelgen azamattarǧa prokuraturadan bastap jergılıktı äkımşılık mamandary keŋes berıp jatyr. Būl – halyq üşın öte paidaly şara. Jinalǧan şaǧymdar boiynşa ülken monitoring jasalady. Äkımşılıkpen bırlesıp şara qoldanylady. Köşpelı qoǧamdyq qabyldau aldaǧy uaqytta dästürlı türde jalǧasyn tabady» dep atap öttı Astana qalalyq mäslihatynyŋ deputaty Ashat Oralov.
Bürkıt NŪRATAI
