Keşe Beibıtşılık pen kelısım saraiynda Astana äkımdıgı men Saratov oblysy ükımetınıŋ arasyndaǧy yntymaqtastyq turaly memorandumǧa saltanatty türde qol qoiyldy. Būǧan Astana qalasy äkımınıŋ orynbasary Vasilii Krylov pen Saratov oblysynyŋ gubernatory Valerii Radaev qatysty.
Qūjatta ekonomikanyŋ eŋ maŋyzdy buyndary sanalatyn jaŋa investisiialar tartu men aqparat, täjıribe almasuǧa jol aşatyn sauda-ekonomikalyq bailanystarǧa basa köŋıl bölıngen. Sonymen qatar, önerkäsıptık öndırıs, qūrylys industriiasy men önerkäsıp käsıporyndarynyŋ önımderın jetkızudı özara tiımdı türde jüzege asyrudy qarastyratyn säulet jäne kommunaldyq şaruaşylyq pen jol-kölık infraqūrylym salasy da qamtylǧan.
Agroönerkäsıp keşenındegı özara ıs-äreket qaita öŋdeuşı öndırısterdı modernizasiialau üşın ǧylymdy qajet etetın jäne progressivtı tehnologiialardy engızuge negız bolady. Bılım jäne ǧylym salasy da nazardan tys qalmaq emes, osy saladaǧy yntymaqtastyq taraptardyŋ bılım mekemelerı arasynda tyǧyz bailanys ornatuǧa jäne täjıribe almasuǧa mümkındık beredı. Sondai-aq, qūjatta densaulyq saqtau jäne äleumettık damu salasy da qamtylǧan. Al būl salada özara innovasiialyq tehnologiialardy engızu täjıribesımen almasu jäne halyqqa medisinalyq kömek körsetudı ūiymdastyru jüiesın jetıldıru josparlanyp otyr.
Jastar saiasaty, mädeniet, dene tärbiesı jäne turizm salalaryndaǧy yntymaqtasu da bırlese otyryp, türlı ıs-şaralardy köptep ūiymdastyruǧa mūryndyq bolmaqşy. Būl – Astana men Saratov oblysynyŋ jastary arasyndaǧy dostyq qarym-qatynasty damytuǧa mümkındık beretın joba.
Qūjatta körsetılgen osy mındetterdıŋ barlyǧy Saratov oblysynyŋ ükımetı men Astana qalasy äkımdıgınıŋ arasyndaǧy 2014-2016 jyldarǧa arnalǧan kelısım aiasynda ıske asady dep kütılude.
Nūrislam QŪSPANǦALİ
