Astana sekıldı alyp şahar tırşılıgıne qatysty barlyq qūjattar qalalyq mäslihat arqyly ötedı. Elorda äkımdıgınıŋ ekonomikalyq jäne äleumettık baǧdarlamalary, qala biudjetı mäslihatta talqylanyp baryp qabyldanady. Mūnyŋ syrtynda mäslihatqa Astana tūrǧyndarynan san türlı ötınışter men aryz-şaǧymdar tüsıp jatady. Bır sözben aitqanda, mäslihat qalanyŋ maŋyzdy mäselelerın şeşude jetekşı rölderdıŋ bırın atqarady. Osy ıste mäslihatqa sailanǧan äiel deputattar er azamattardan qalyspaidy. Mäslihat sessiialaryna, tūraqty komissiialardyŋ otyrystaryna, qoǧamdyq tyŋdaularǧa qatysyp jürıp, oǧan ünemı kuä bolyp jatamyz.
Osydan tura üş jyl būryn elımızde türlı deŋgeidegı mäslihattardyŋ sailauy öttı. Altynşy şaqyrylymdaǧy Astana qalasy mäslihatyna jiyrma bes deputat sailansa, sonyŋ altauy äielder boldy. Iаǧni, mäslihattyŋ 25 paiyzǧa juyǧy näzık jandy arulardan tūrady. Olardyŋ arasynda mūǧalımder, därıgerlermen qatar käsıpker äielder de bar. Ärqaisynyŋ artynda myŋdaǧan sailauşy tūr. Äiel deputattar er ärıptesterımen qatar Astananyŋ örkendeuıne öz ülesterın qosyp, halyqtyŋ müddesın qorǧap kele jatyr. Äielderdıŋ halyqaralyq künı qarsaŋynda eşqaisysyn böle-jarmai, solar turaly az-kem söz sabaqtaǧandy jön kördık.
№84 mektep-liseiınıŋ direktory Zäure Jüsıpova şirek ǧasyrdan berı Astanada eŋbek etıp jatyr. Sonyŋ ışınde besınşı şaqyrylymdaǧy qalalyq mäslihattyŋ deputaty boldy. Kelesı sailauda da halyq oǧan senım bıldırıp, qaita sailady. Zäure Ǧinaiatqyzy – mäslihattyŋ zaŋdylyq, qūqyqtyq tärtıp jäne qoǧammen jūmys jönındegı tūraqty komissiiasynyŋ müşesı.
Bızdı ol, äsırese, ūltjandylyǧymen tartady. Bırde deputattardyŋ reidı kezınde Alaş tasjoly atauy qalanyŋ şetıne ketıp qalǧanyna şamdanǧany bar. Sonda ıştei riza bolǧanbyz. Ärine, mūǧalım bolǧan soŋ ūrpaq tärbiesı, mektepter mäselelerın de ünemı köterıp jatady. Qalada orta bılım beru oryndarynyŋ jetıspei jatqany, mektepterge jol sekıldı infraqūrylymdy tartu jūmystary tiıstı deŋgeide emestıgı jasyryn emes. Būl mäseleler talqylanǧanda aşy dauysynyŋ şyqqanyn da estıdık.
Būl tūrǧyda mäslihattaǧy qyzmet boiynşa da, alǧan mamandyǧy boiynşa da ärıptesı Ramziia Ömırbaevamen ündesedı. №17 mektep-gimnaziianyŋ direktory Ramziia Faatqyzy da deputattyq qyzmette bıraz täjıribe jinaǧan adam. Osyǧan deiın ekınşı şaqyrylymdaǧy qalalyq mäslihattyŋ deputaty boldy. Mäslihatta söilegen sözınen ony qalanyŋ äleumettık-mädeni damu mäselelerı tolǧandyratyny baiqalady. Jaqynda «Astana – adaldyq alaŋy» jobasy aiasynda mektepterdegı oqu synyptaryn keŋeitudı qoldaǧan alǧaşqy basşylardyŋ bırı bolyp, öz kabinetın bosatyp berdı.
Gülnar Danbaeva – Astana qalasynyŋ tumasy. Qalalyq mäslihat deputaty qyzmetın ol törtınşı şaqyrylymnan berı atqaryp otyr. Bıraz jyldan berı jeke käsıpkerlıkpen ainalysatyn Gülnar Amanjolqyzy – tuǧan jerınıŋ patrioty. Qazır özı basqaratyn korporativtık qor da «Astana» atauyn alǧan.
№5 qalalyq auruhananyŋ bas därıgerı Altynşaş Tabuldina medisina salasyndaǧy özektı mäselelerdı köteredı. Sonyŋ ışınde därıgerlerdı daiarlaudyŋ sapasyna qatysty däleldermen söilegenın estıgen edık. Medisina qyzmetkerlerınıŋ jalaqysy köŋıl könşıtpeitını de ötırık emes. Astanaǧa syrttan emdeluşıler köp keletını de belgılı bolyp otyr. Altynşaş Jūmaşqyzynyŋ pıkırınşe, būl mäselede Astananyŋ Qoǧamdyq densaulyq saqtau basqarmasy elordamen şekaralas jatqan oblystarmen bailanys ornatu kerek. Sonda jūmys ta dūrys jüredı. Mūny jön söz emes dep aita almaimyz.
Qalalyq mäslihattyŋ eŋ belsendı deputattardyŋ bırı – Qaraqat Abden. Är sessiiada, är otyrysta onyŋ söilemegen kezı joq. Bılım, densaulyq saqtau mäselelerınen bastap, ärtürlı mäselelerdı köteredı. Ūrpaq tärbiesı turaly köp tolǧanady.
«Qazaq qyzy» qoǧamdyq bırlestıgıne jetekşılık etetını tegın emes. Özı kötergen mäselelerdıŋ şeşıluın de ünemı qadaǧalap otyrady. Mäselen, Prigorodnyi tūrǧyn alabyndaǧy №24 orta mektepke oquşylardy avtobuspen aparu mäselesın bırneşe märte qozǧady. Aqyry būl mäsele sätımen şeşılıp, deputat ata-analar men mektep basşylyǧynan alǧys aldy.
İrina Manjanova – qūrylys, kommunaldyq-şaruaşylyq salalarynyŋ jılıgın şaǧyp, maiyn ışken deputat. Tiıstı saraptamalardy jasap, nysandar qūrylysyndaǧy olqylyqtardy atap körsetkenın talai körgenbız. Alǧan mamandyǧy mūǧalım bola otyryp, bizneske ikemdelgennıŋ ülgısın osy deputattan kördık.
Tüiındep aitqanda, qalalyq mäslihatta är aluan mäselenı kötere bıletın osyndai äiel deputattar bar. Bız olardyŋ ana, jar retındegı tūlǧalaryna toqtalmai, tek qyzmetterındegı özımız baiqaǧan erekşelıkterın jazdyq. Merekelerıŋız qūtty bolsyn! Eldıŋ, Astanamyzdyŋ örkendeuıne qyzmet ete berıŋızder, deputat arular!
