Jaŋa oqu jyly da jaqyndap qaldy. Osy kezeŋde ata-ana balalaryn mektepke daiyndauǧa kırısedı. Keşe elordada «Mektepke jol» qaiyrymdylyq aksiiasy bastaldy. Qaiyrymdylyq şara aiasynda äleumettık osal sanattaǧy balalarǧa kömek körsetıledı. Ol üşın kömekke mūqtaj ata-analardan «Menıŋ Atamekenım» portalyndaǧy «Mektepke jol» atamekenim.kz platformasyna ötınışter qabyldanady.
«Būl platforma mūqtaj adamdar men qaiyrymdylyq jasauşylar arasyndaǧy tıkelei bailanysty qamtamasyz etedı. Qazırgı uaqytta portalda Nūr-Sūltannan 3229 ötınış tırkelgen. Kezek boiynşa mesenattar men käsıpkerler otbasylarǧa kömek körsetedı» dep atap öttı qalalyq Bılım basqarmasynda.
Tızımdegı alǧaşqy on otbasyǧa 15 tamyzda planşetter ūsynylady. Aita keteiık, jyl basynan berı aksiia aiasynda 4203 mūqtaj oquşyǧa 42 million teŋgeden astam qarajatqa kömek körsetılgen.
Şaraǧa qatysuǧa niettıler kämeletke tolmaǧandardyŋ qūqyqtaryn qorǧau bölımıne myna telefondar arqyly habarlasa alady: 8 701 187 68 68, 8 778 381 68 39.
«Sitibank» AQ bastamasymen, BŪŪ qorymen (IýNİSEF) bırlese otyryp, alty jäne odan da köp bala tärbielep otyrǧan otbasylardan şyqqan, erekşe qajettılıkterı bar säbiler men auyr syrqatty jetkınşekterge kömek körsetıp, qala boiynşa 40 balaǧa noutbuk tegın taratyldy.
