NAQ-NAQ
Kün raiy köp özgermeidı
Demalys künderı Astanada aua raiy qatty özgermeidı. Senbı men jeksenbınıŋ tünı aitarlyqtai aiazdy bolady, alaida kündız azdap jylynady.
Senbı künı elordada kün būlttanǧanmen, jaŋbyr jaumaidy. Soltüstık-şyǧystan jyldamdyǧy sekundyna 5-10 metr jel soǧady. Synap baǧanasy tünde -7-9°C-qa deiın tömendeidı, kündız -2-0°C suyq bolady. Jeksenbı künı köşpelı būlt şyǧady, jaŋbyr jaumaidy. Şyǧystan jyldamdyǧy sekundyna 5-10 metr jel esedı. Aua temperaturasy tünde -7-9°C salqyn, kündız +1+3°C jyly bolady.
Mändı mäjılıs
«Nūr Otan» HDP-nyŋ Astanadaǧy Ortalyq apparatynda partiia Saiasi keŋesınıŋ zaŋnama jäne norma şyǧarmaşylyǧy jönındegı komissiiasynyŋ otyrysy öttı.
Onda «Azaptaularǧa jäne basqa da qatygez, adamgerşılıkke jatpaityn jäne ar-namysty qorlaityn ıs-äreketter men jazalau türlerınıŋ aldyn aluǧa baǧyttalǧan ūlttyq aldyn alu tetıgın qūru» mäselesı talqylandy.
Kesel körsetkışı kemıdı
Astanada qaterlı ısıkpen auyratyndar sany kemıdı. Qazır ol 100 myŋ adamǧa şaqqanda 169,4-tı qūraidy.
Būl 2011 jylmen salystyrǧanda 3,2%-ǧa (100 myŋ adamǧa – 175,1) kemıgen. Sonymen qatar, ol respublikadaǧy ortaşa körsetkışten de (100 myŋ adamǧa – 188,4) az. Elordalyq medisina qyzmetkerlerınıŋ aituynşa, qaterlı ısıkten ölım-jıtım 2012 jyly 0,5%-ǧa tömendep, 100 myŋ adamǧa şaqqanda 81,3-tı qūrady
Sansöilem
2013 jyldyŋ qaŋtar-aqpan ailarynda tūrǧyn üi qūrylysyna baǧyttalǧan investisiia kölemı 5085,1 mln teŋge boldy. Būl 2012 jyldyŋ qaŋtar-aqpan ailarymen salystyrǧanda 107,7 paiyzǧa artyq.
Keşe…
M.Gorkii atyndaǧy akademiialyq Orys drama teatrynda belgılı vengr jazuşysy ärı vengr teatrynyŋ negızın qalaǧan İştvan Erkennıŋ «Tot, maior jäne basqalar» nemese «Tottar janūiasy» komediiasynyŋ premerasy öttı.
Bügın…
L.N.Gumilev atyndaǧy EŪU-dıŋ oqu-äkımşılık korpusynda 11.00-den 14.00-ge deiın turizm salasyndaǧy bos jūmys ornynyŋ järmeŋkesı ötedı. Bos jūmys oryndary järmeŋkesı ışkı turizmdı damytu jönındegı «Menıŋ elım» qauymdastyǧymen bırge ötkızıledı.
Erteŋ…
«Jastar» saraiynda saǧat 19.00-de Mümkındıkterı şekteulı jandarǧa arnalǧan festival aiasynda dekorativtık-qoldanbaly öner şyǧarmaşylyǧynyŋ körmesı ötedı.
Änuar älem chempionatyna barady
Qazaqstandyqtar Esberg qalasynda ötken «Danish Open-2013» halyqaralyq turnirınde mümkındıgı şekteulı sportşylar arasynda joǧary şeberlık ülgısın körsettı.
Osy jyldyŋ tamyz aiynda Kanadada ötetın älem chempionatyna ırıkteu bolyp tabylatyn turnirge on elden eŋ myqty sportşylar qatysty. Qazaqstandyq komandada alty atlet bolsa, olardyŋ üşeuı – elordalyq «Qaisar» klubynyŋ tärbielenuşılerı. Balalar barlyǧy 23 medalge ie boldy. Olardyŋ 9-y – altyn, 11-ı – kümıs, 3-euı – qola medal.
Sonymen qatar, ırıkteu kezeŋınıŋ barlyq normativterın oryndaǧan astanalyq Änuar Ahmetov pen Jambyl oblysynyŋ ökılı Zulfiia Ǧabidullina älem chempionatyna joldama aldy.
Közınen mügedek 20 jasar Änuar Ahmetov bırneşe jyl qatarynan joǧary körsetkışterge qol jetkızıp keledı. Būl joly ol 50 jäne 100m qaşyqtyqqa jügırıp, top jardy. S-12 erkın klasynda 50 m arqasymen jyljyp, 200 metrdı baǧyndyrdy. Ol osy jerden tört altyn alǧan bolatyn. Sonymen qosa onyŋ qorjynynda üş kümıs medal bar ekendıgın de aitqan jön. «Qaisar» klubynyŋ taǧy bır ökılı Mihail Eremenko S-6 klasynda (SPODA) arqasymen jyljuda 100 metrlık qaşyqtyqta ekı ret ekınşı bolyp keldı. Osy sanatta öner körsetetın Siiazbek Däliev Daniiadan qola jülde alyp keldı. Astana qalasyndaǧy «Qaisar» sport klubynyŋ aǧa jattyqtyruşysy, jüzuden QR Eŋbek sıŋırgen sport şeberı Vladimir Zagorodniidıŋ aituynşa, turnirde bäsekelestık öte ülken bolǧan.
VI Astana ekonomikalyq forumy ötedı
Mamyrda Astanaǧa Nobel syilyǧynyŋ on laureaty keledı. Atap aitqanda, biylǧy 22-24 mamyr aralyǧynda BŪŪ-nyŋ qoldauymen elordada VI Astana ekonomikalyq forumy jäne Düniejüzılık daǧdarysqa qarsy konferensiia ūiymdastyrylady. Būl şara Elbasy Nūrsūltan Nazarbaevtyŋ bastamasymen tūŋǧyş ret ötkızıledı.
Ol älemdık daǧdarysty eŋseru tūrǧysynda jospar jasauǧa negızdelgen. Alǧaşqy Astana ekonomikalyq forumyna 40 memleketten 500 ökıl kelgen bolsa, V AEF-qa 100 elden 8 myŋnan asa qatysuşy keldı. Biylǧy VI Astana ekonomikalyq forumyna qatysu üşın şeteldıkterge 8 myŋnan asa şaqyrtu jıberıldı. Osy oraida qazırgı kezde 60 memlekettıŋ märtebelı tūlǧalary, Nobel syilyǧynyŋ 10 laureaty, 40-tan asa ırı korporasiia basşylary, sonymen qatar 11 memleket jäne ükımet basşylary, 15 ministr men ortalyq bankterdıŋ basqaruşylary, halyqaralyq ūiym jetekşılerı qatysuǧa niet bıldırıp otyr.
Eŋ Üzdıkter ekşeldı
Elordada elımızdıŋ üzdık jūmys beruşısıne taǧaiyndalǧan «Senım-2012» baiqauynyŋ jeŋımpazdary marapattaldy. Jeŋımpaz jüldelerı «Adam resurstaryn basqaru: Üşınşı myŋjyldyq HR trendterı» atty halyqaralyq konferensiia barysynda tapsyryldy.
Sonymen, «Eŋ ozat jūmys beruşı ūlttyq kompaniia» – «Qazaqtelekom» AQ, «Eŋ ozat jūmys beruşı öŋır» – «CP Hotels Atyrau» kompaniiasy» JŞS (Atyrau) men «Qostanai mineraldary» AQ (Qostanai), «Astana men Almatydaǧy eŋ ozat jūmys beruşı» – «Prime Aviation» AQ men «Astana qonaq üiı» AQ, «Eŋ üzdık jūmys beruşı transūlttyq kompaniia» – «Prokter end Gembl Qazaqstan» JŞS atandy.
Sondai-aq, «Üzdık HP-joba» atalymynda «Qazaqtelekom» AQ – «TOP 50: «Qazaqtelekom» talanttardy basqaru» jobasy, «Prokter end Gembl Qazaqstan» JŞS – «P&G Vibrant Living – qyzmetkerlerdıŋ tiımdı jūmys ısteuı men jeke ömırın ūştastyrudyŋ keşendı baǧdarlamasy», «Qazaqstan temır joly» ŪK» AQ – «İnnovasiialyq HR tetıkter: 4 jüie – www.zhastemir.kz innovasiialyq ideialardyŋ aqparattyq inkubatory jäne korporativtık äleumettık jelısı» üşın marapattaldy. Al, «Bogatyr kömır» JŞS «Lean Six Sigma ädıstemesın engızu» jobasynyŋ tiımdılıgı üşın «Üzdık HR joba» atalymy boiynşa respublikalyq «HR-menedjerler qauymdastyǧy» qoǧamdyq bırlestıgınıŋ arnauly syilyǧyna ie boldy. Sondai-aq osy atalymda «KEGOS» AQ «KEGOS» AQ Dinastiialary» jobasy üşın Äleumettık ärıptestık ortalyǧynyŋ arnauly syilyǧyn aldy.
Qarǧyn su qalamyzǧa jaiylmaidy
Äzımbek BASQANBAEV, «Astana-tazalyq» JŞS direktory:
– Su tasqynyna qarsy qandai ıs-şaralar jürgızılıp jatyr?
– Aua raiynyŋ kündız kürt jylynuy men tünde salqyndap, mūzdyŋ qatuyna bailanysty qaladaǧy barlyq menşık ielerı nysandar men ǧimarattardy, tūrǧyn üi qorlaryn qardan tazalap jatyr. Su tasqynyna qarsy baǧyttalǧan jūmystar jüielı jürgızılude. Äsırese erıgen qar suynyŋ jinaluyna jol bermeu üşın qarqyndy ıs-şaralar atqaryluda.
–Bırınşı kezekte qandai aumaqtar tazalanyp jatyr?
– Köktem jaqyndaǧanda sai-salany su alyp, qatyp qalǧan mūz erip, tūrǧyndardyŋ jaqyn jerdegi aialdamalarǧa, qoǧamdyq oryndarǧa jetuı qiyn bolmas üşın aldymen balabaqşa, mektep, emdeu mekemelerı, sondai-aq jeke sektorlardyŋ aumaqtary tazalanyp jatyr.
– Qanşa adam, avtotehnika jūmyldyryldy?
– 400 jol jūmysşysy, 200 «KamAZ» kölıgı, 45 su soratyn maşina, mūzdy erıtıp aǧyzatyn kölıkterımız bar. Sondai-aq, sebuge 600 myŋ qap qūm daiyndap qoidyq. Qaladaǧy üş audanda 3 dispetcherlık punktımız bar. Tūrǧyndar soǧan habarlasa alady.
– Osy uaqytqa deiın qanşa qar şyǧaryldy?
– Biyl qysta 4 mln 100 myŋ tekşe metr qar şyǧaryldy. Byltyrǧyǧa qaraǧanda bırneşe ese köp. Ötken jyly 2 mln tekşe metr qar şyǧardyq. Soŋǧy ekı künde 85 myŋ tekşesı tasyldy. Kündızgı uaqytta – 180, tünde 220 «KamAZ» kölıkterı jūmyldyrylady.
Kiberqylmys jönınde keŋestı
Kiberqylmys – kompiuterlık tehnologiialardy qoldanu salasynda jasalatyn qylmys. Ūlttyq qauıpsızdıkke qater töndıretın kiberqylmyskerlerge tosqauyl qoiuǧa bır ǧana memlekettıŋ küşı jetpeidı.
Küresudıŋ tiımdı tetıkterı äzırge nätijesız bolǧandyqtan, būl mäsele halyqaralyq deŋgeide köterılıp jür. Ǧalam ekonomikasyna jyl saiyn milliardtaǧan dollar şyǧyn äkeletın atalmyş tüitkıl Astanada da talqylandy. Qarjy polisiiasy akademiiasynda AQŞ, Türkiia, Ukraina jäne elımızdıŋ qūqyq qorǧau organdary ökılderı jinalyp, kiberqylmysqa tosqauyl qoiudyŋ joldaryn qarastyrdy. Europadaǧy Qauıpsızdık jäne Yntymaqtastyq Ūiymy ūiymdastyrǧan būl seminarǧa AQŞ-tyŋ Federaldy Barlau Biurosynyŋ (FBR) mamandary arnaiy qatysty. Sebebı, elektrondy jüiede jasalatyn qylmystarǧa qarsy älemdegı eŋ alǧaşqy ortalyq osy ūiym janynan 1999 jyly aşylǧan bolatyn.
Jiynda aqparattyq tehnologiialar qaryştap damyǧan saiyn virtualdy jüiedegı qylmystardyŋ da sany artqany aityldy. Şetelden kelgen meimandar özgenıŋ jeke elektrondy poştasyn būzu, qūpiia qūjattardy ūrlau, banktegı şottardy qoldy qylu, ūialy telefondar men tölem qabyldaityn terminaldardan aqşa ūrlau, kino önımderın zaŋsyz köşıru sekıldı äreketterdı älemdık sipattaǧy qylmys dep baǧalady.
Erkejan SÄTIMBEK