Nūrsūltan NAZARBAEV: BÜGINGI ARMİIаMYZ – BATYR BABALAR MŪRAGERI
Keşe Qazaq elı monumentınıŋ aldynda Elbasy N.Nazarbaevtyŋ qatysuymen QR Qaruly küşterınıŋ qūrylǧan künıne bailanysty äskeri şeru bolyp öttı.
Jalpy sany 2,5 myŋnan astam adam, 250 qūrlyqtyq tehnika men 75 äue tehnikasy qatysqan şeru QR Joǧary Bas qolbasşysy Nūrsūltan Nazarbaevtyŋ sözımen bastaldy. Ol beibıtşılık pen tūraqtylyqtyŋ besıgıne ainalǧan elımızdıŋ bolaşaǧyna zor senımmen qarau kerektıgın aitty.
«Ata-babalarymyz keiıngı ūrpaqqa däuırlerge jalǧasqan daŋq jolyn erlık qasietın bızge miras ettı. Bızdıŋ bügıngı armiiamyz – tarihymyzdaǧy batyr babalardyŋ mūragerı. Qaruly küşterımız elımızdıŋ qūdıretın äigılep, aibynyn asyrady. Sızder Otanymyzdyŋ şebı bütın, şekarasy berık boluyna qyzmet etesızder. Bügıngı qasiettı jerımız kökte de, jerde de, suda da senımdı qorǧalǧan. Elımızdıŋ armiiasy – naǧyz bes qaruy sai armiia. Bügıngı äskeri şeru osynyŋ dälelı bolsa kerek. Bızdıŋ äskeri doktrinamyz beibıtşılık jaǧdaidaǧy qorǧanysqa baǧyttalǧan. Körşı elderdıŋ barşasymenen dostyq qarym-qatynastamyz. Şekaramyzdy tolyǧymen aiqyndap, bekıttık. Degenmen, är memleket özınıŋ täuelsızdıgın, jerınıŋ tūtastyǧyn jan aiamai qorǧai bıluı tiıs! Bız de, Qazaqstan solai boluy kerek. Otan qorǧauşylar merekesı qūtty bolsyn!» dedı Elbasy.
Şerude otandyq äskeri-öndırıstık zauyttarda qūrastyrylyp, qaita jaŋǧyrtylǧan tehnikalar tanystyryldy. Būl künı elımızdıŋ zamanaui qorǧanys önerkäsıbı 350-den astam tank, 40-tan astam BMP, 110-nan astam BTR-dy ūsynyp otyr. Olardyŋ qūrastyru jūmystary tolyqtai qazaqstandyq zauytta jüzege asty.
Sondai-aq, N.Nazarbaev: «Ekı künnen keiın Ūly Jeŋıs künın atap ötetın bolamyz. Tarihtaǧy eŋ qasırettı soǧysqa 1 800 000 otandasymyz attandy. Onyŋ jartysyna juyǧy maidan dalasynan qaitpai qaldy. 500-den astam jerlesımız Keŋes Odaǧynyŋ Batyry atandy. Kelesı jyly Jeŋıstıŋ 70 jyldyǧyna orai elımızdıŋ barşa öŋırlerınde ärbır batyrdy eske tüsırıp, taǧzym etuımız qajet. Qas dūşpanǧa qarsy atylǧan on oqtyŋ toǧyzy Qazaqstannyŋ qorǧasyny men jezınen qūiyldy. Ol jeŋıs bızge atalardyŋ qanymen, analardyŋ terımen keldı. Erlık eşqaşan halyqtyŋ jadynda ūmytylmaidy. Bız ata-babalardy ūlyqtap, esımderın ūrpaq jadynda jaŋǧyrta beruımız kerek. Bügınde Qazaqstanda 6700-ge juyq Ūly Otan soǧysynyŋ ardagerlerı bar. Bız ärbır ardagerdı qūrmet tūtyp, qoldai bıluımız qajet. Batyr babalardyŋ erlık joldary ūrpaq sabaqtasytyǧyna ūlasyp, «Qazaqstan-2050» strategiiasynyŋ basty tıregı, jaŋa qazaqstandyq patriotizmnıŋ negızı boluǧa tiıs» dep, İvan Panfilov, Bauyrjan Momyşūly, Qasym Qaisenov, Mänşük Mämetova, Äliia Moldaǧūlova, Sergei Luganskii, Saǧadat Nūrmahanbetov, Raqymjan Qoşqarbaev, Nūrken Äbdırov, Talǧat Bigeldinov siiaqty taǧy da basqa azamattardyŋ mäŋgılık aŋyzǧa ainalǧanyn aityp öttı.
Sonymen qatar, äskeri şerudıŋ soŋyna qarai äuede samǧaǧan ūşaqtar Astananyŋ simvolyna ainalǧan «Bäiterektıŋ» sūlbasyn beinelep, körermenderge erekşe köŋıl küi syilady.
Nūrislam QŪSPANǦALİ
