Memlekettıŋ otbasy saiasaty – Qazaqstannyŋ äleumettık saiasatynyŋ ajyramas bölıgı. Ärı ol otbasynyŋ ömır süru sapasyn, jaǧdaidy jaqsartuǧa baǧyttalǧan ūiymdastyruşylyq, ekonomikalyq, qūqyqtyq, ǧylymi, aqparattyq jäne kadrlyq qamtamasyz etu ūstanymdary, baǧalary men şaralary jüiesın bıldıredı.
Memlekettık saiasattyŋ maqsaty – otbasyn qoldau, nyǧaitu jäne qorǧau, otbasy müşelerınıŋ fizikalyq, intellektualdyq, ruhani, adamgerşılık damuyna qolaily jaǧdai jasau, ana boludy, äkelıktı jäne balalyq şaqty qorǧau. Qazaqstan 1979 jyly 18 jeltoqsanda äielderge qatysty kemsıtuşılıktıŋ barlyq türın joiu turaly konvensiiaǧa qosyldy. Osy halyqaralyq qūqyqtyq aktınıŋ 3-babynda: «Äielderge adam qūqyqtary men negızgı bostandyqtaryn erlermen teŋdık negızınde ıske asyruyna jäne paidalanuyna kepıldık beru üşın qatysuşy memleketter barlyq salalarda, jäne ışınara alǧanda saiasi, äleumettık, ekonomikalyq jäne mädeni salalarda äielderdıŋ jan-jaqty damuy men progresın qamtamasyz etu üşın barlyq tiıstı zaŋnamalyq şaralardy qosa qabyldaidy» dep körsetıledı.
2012-2022 jyldarǧa arnalǧan genderlık teŋdık strategiiasynyŋ qabyldanuy men jüzege asyryluy äielderdıŋ ǧana emes, erlerdıŋ de qūqyqtary men mümkındıkterı mäselelerıne teŋ därejede qarauǧa mümkındık berdı. Genderlık strategiiany ıske asyrudyŋ aiaqtaluy memlekettık genderlık saiasattyŋ jaŋa kezeŋın tūraqty damudyŋ halyqaralyq tendensiialarymen, ūlttyq strategiialyq basymdyqtarymen jäne äleumettık saiasattyŋ jaŋa prinsipterımen bailanystyruǧa mümkındık tuǧyzdy. Osylaişa, qazırgı zamanǧy tūraqty otbasynyŋ qalyptasuy men genderlık teŋdıkke qol jetkızu jaǧdaiyn qalyptastyru būl qoǧamdy äleumettık jaŋǧyrtudyŋ ajyramas prosesı ekendıgı aiqyn bolyp otyr. 2016 jylǧy 6 jeltoqsanda Qazaqstanda 2030 jylǧa deiıngı otbasylyq jäne genderlık saiasat tūjyrymdamasy bekıtıldı. Tūjyrymdama QR Konstitusiiasy, «Qazaqstan-2050» strategiiasy, «100 naqty qadam» ūlt jospary, Qazaqstannyŋ älemdegı eŋ damyǧan 30 eldıŋ qataryna kıru tūjyrymdamasy, äielderge qatysty diskriminasiianyŋ barlyq türın joiu turaly Bırıkken Ūlttar Ūiymynyŋ konvensiialary jäne basqa da ratifikasiialanǧan halyqaralyq şarttar men kelısımder negızınde äzırlendı. Bızdıŋ elımızde otbasy, äielder men balalar mäselelerı, qoǧamdaǧy otbasynyŋ maŋyzyn tüsınu, onyŋ jaŋa ūrpaqty tärbieleudegı rölı, äleumettık tūraqtylyq pen progrestı qamtamasyz etu, otbasy men balalardyŋ müddesın eskeru qajetın moiyndau, sondai-aq, olardy äleumettık qoldaudyŋ arnaiy şaralaryn qabyldau mäselelerı boiynşa jetkılıktı zaŋnamalyq baza qūryldy.
Astana qalasynyŋ Almaty audandyq soty genderlık saiasat mäselelerı boiynşa tanystyru jäne tüsındıru sipatyndaǧy räsımderdı belsendı türde jüzege asyrady, osy jūmysqa būqaralyq aqparat qūraldary tartylady, sudialar maqalalar men materialdar jariialaidy, qoǧamnyŋ, onyŋ ışınde qūqyqtyq qoǧamdastyqtyŋ qatysuymen ärtürlı ıs-şara (seminar, döŋgelek üstel, därıs jäne t. b.) ötkızedı.
Aizada SERDÄLI, L.Gumilev atyndaǧy Euraziia ūlttyq
universitetınıŋ studentı
