Elbasy Nūrsūltan Nazarbaev Tūŋǧyş Prezident künıne arnalǧan baiandamasynda Qazaqstan halqynyŋ täuelsızdıkke jetken jolynyŋ tarihi tüiının jäne asa maŋyzdy üş kezeŋın atap öttı.
Bırınşı kezeŋ – bızdıŋ memleketımızdıŋ tūŋǧyş absoliuttık egemendı memlekettık aktı retınde Semei poligonyn jabu turaly Jarlyqty bekıtuı.
Ekınşı kezeŋ – 1991 jyldyŋ 1 jeltoqsanynda halqymyzdyŋ tarihynda tūŋǧyş ret ötken Qazaqstannyŋ Prezidentıŋ jalpyhalyqtyq sailauy.
Üşınşı kezeŋ – «Qazaqstan Respublikasynyŋ memlekettik täuelsizdigi turaly» Konstitusiialyq zaŋnyŋ qabyldanuy.
Şynynda da, osy üş şeşım Qazaqstan taǧdyryndaǧy onyŋ keiıngı baǧytyn anyqtaǧan jäne ärbır qazaqstandyqtyŋ maqtanyş etetın jetıstıkter men jeŋısterge negız boldy. Är qazaqstandyq üşın eŋ basty, ömırlık maŋyzdylyǧy bar oqiǧa, ärine, 1991 jyldyŋ 16 jeltoqsanyndaǧy «Qazaqstan Respublikasynyŋ memlekettik täuelsizdigi turaly» Konstitusiialyq zaŋy qabyldanǧan kezeŋ bolyp tabylady. Atalǧan Zaŋnyŋ 6-şy babynda belgılengendei, tarihi taǧdyr ortaqtastyǧy qazaq ūltymen bırıktırgen respublikanyŋ barlyq ūlttarynyŋ azamattary Qazaqstannyŋ birtūtas halqyn qūraidy, būl halyq Qazaqstan Respublikasyndaǧy egemendiktiŋ birden-bir iesi jäne memlekettık bilıktıŋ qainar közi bolyp tabylady, Qazaqstan Respublikasynyŋ Konstitusiiasy men zaŋdary negizinde tikelei de, sondai-aq, özı sailaityn memlekettik organdar arqyly da memlekettik ökımet biligin jüzege asyrady.
Qazaqstannyŋ köp ūltty halqy osyndai zaŋdy köpten berı kütken bolatyn. Atalǧan Konstitusiialyq Zaŋ saiasi qūqyqtyq jäne ekonomikalyq qaita qūrudaǧy ırgetasy bolyp, Qazaqstannyŋ täuelsızdıgı men egemendıgıne negız boldy.
Mysaly, 1993 jyldyŋ 28 qaŋtarynda Qazaqstan Respublikasynyŋ bırınşı Konstitusiiasy qabyldandy. 1995 jyldyŋ 30 tamyzynda jalpyhalyqtyq referendumda Qazaqstan Respublikasynyŋ jaŋa Konstitusiiasy qabyldandy. Damyǧan memleket qūruda 1997 jyldyŋ qazanynda qabyldanǧan «Qazaqstan – 2030» Strategiiasy negız boldy.
Jalpy, egemendı Qazaqstannyŋ 21 jyl ötken kezeŋınde Qazaqstannyŋ äleumettık-ekonomikalyq tūraqty damuyn qamtamasyz etu üşın, memlekettık jäne qoǧamdyq instituttardyŋ damuyna arnalǧan köptegen maŋyzdy Zaŋ aktılerı qabyldanǧan bolatyn.
Memleket basşysy aitqandai, elımız üşın ötken ekı onjyldyq saiasi jäne ekonomikalyq tūrǧyda öte maŋyzdy reformalardyŋ jüzege asuymen, jaŋa memlekettıŋ ornyǧuymen, älem elderımen qarym-qatynasty nyǧaitumen bailanysty asa serpındı kezeŋ bolǧany anyq.
Bügınde qazaqstandyqtar ötken künderge köz jügırtıp, bızdıŋ Qazaqstan özınıŋ 21 jyl täuelsızdıgınde, halyq özınıŋ yntaly eŋbegınıŋ arqasynda, Köşbasşysy N.Nazarbaevpen bırge barlyq salada orasan nätijelerge qol jetkızıp, sapanyŋ jaŋa satysyna şyqqanyn körıp jür. Bügıngı taŋda, Qazaqstandy täuelsız memleket retınde bükıl älem tanidy. Qazaqstan özınıŋ saliqaly saiasatynyŋ arqasynda dünie jüzınde laiyqty ornyn aldy.
Bügıngı künde bız, qazaqstandyqtar, halyqaralyq alaŋda qūrmet etetın egemendı memleket qūrdyq. Bız qauıpsızdıktı jäne eldıŋ aumaqtyq tūtastyǧyn qamtamasyz etemız. Bız ainalamyzdaǧy körşılerımızben dostyq qarym-qatynastamyz. Qazaqstannyŋ qazırgı zaman talap etetın sūraqtarǧa laiyqty deŋgeide jauap beruge mümkındıgı bar.
Eŋ bastysy, bügın qazaqstandyqtar bala-şaǧasynyŋ jäne nemerelerınıŋ keleşegın qauıptenbei, bolaşaqqa senımdılıkpen qarai alady. Bız olarǧa küştı jäne örkendegen memleket tabys etuımız kerek jäne bızdıŋ halyq özınıŋ Köşbasşysy N.Nazarbaevtyŋ bastamasymen jaŋa jetıstıkter men jeŋısterge ūmtyluda.
Däl osyny tarih bızge, atamekenımız Qazaqstan üşın jauapkerşılıktı salyp bızdıŋ zamanǧa täuelsızdıgımızdıŋ basynda tūruǧa mümkındık berdı. Qazaqstannyŋ jaŋa tarihynda qūqyqtyq memleket qūru barysynda ädılet organdary belsendı qatysyp, jas memlekettıŋ qalyptasuyna jäne nyǧaiuyna, qūqyqtyq saiasatyn ıske asyruda öz ülesın qosyp keledı.
Osy mereke bızge, barşa qazaqstandyqtarǧa, örkendeudıŋ bırlıktıŋ, yntymaqtyŋ jäne tatulyqtyŋ kepılı bola bersın.
Qanat MUSİN,
Astana qalasy Ädılet departamentınıŋ bastyǧy
