Jyl saiyn ötetın «Astana Piano Passion» halyqaralyq klassikalyq muzyka festivalı jäne jas pianister baiqauy biyl üşınşı märte şymyldyǧyn türmek. Bairaqty şaraǧa ötınımderdı qabyldau bastalyp kettı. Baiqaudyŋ körkemdık jetekşısı – Reseidıŋ Halyq ärtısı, belgılı pianist Denis Masuev. Al öner dodasynyŋ jülde qory 60 000 AQŞ dollaryna jetıp jyǧylady.
Qatysuşylardyŋ ötınımderı 1 jeltoqsan – Tūŋǧyş Prezident künı qabyldana bastady. Baiqaudyŋ aqtyq syny kelesı jyly 24 säuır men 2 mamyr aralyǧynda ūiymdastyrylmaq. Şaranyŋ arnaiy saitynda baiqauǧa qatysudyŋ talaptary men şarttary tolyqtai körsetılgen, erejelerı jariialanǧan. Mūnda bır aita keterlıgı, şaranyŋ ötkızıluıne aitarlyqtai özgerıster engızılmegen, tek jartylai finaly men finaldyŋ ötu künı özgertılgen.
Prezident Nūrsūltan Nazarbaevtyŋ Qazaqstan halqyna arnaǧan dästürlı Joldauynda: «…Barşa qazaqstandyq mädeniettıŋ damuyna jaŋa serpın beru kerek» degenı esımızde. Klassikalyq festival ärbır qazaqstandyq üşın fortepianolyq önerdıŋ älemdık jūldyzdarynyŋ konsertterın tamaşalauǧa mümkındık beredı. Atalǧan jas pianister baiqauy Qazaqstannyŋ daryndaryn tärbielep ösıredı jäne jastardy muzykamen ainalysuǧa tartady. «Astana Piano Passion» III halyqaralyq jas pianisterdıŋ festival-baiqauyn ūiymdastyrudyŋ da maqsaty osyǧan saiady. Sonymen qatar, ūlttyq fortepianolyq mekteptı nyǧaituǧa, şeteldık oryndauşylarmen täjıribe almasuǧa septesedı.
Ösıp kele jatqan jas ūrpaqty ruhani tärbieleu baǧytynda klassikalyq fortepianolyq muzykany nasihattau da, Qazaqstannyŋ daryndy jas muzykanttarynyŋ şyǧarmaşylyq jolynyŋ alǧaşqy aiaqqa tūru kezeŋıne qoldau körsetu de ūiymdastyruşylardyŋ basty nazarynda.
Qatysuşylardyŋ önerın halyqaralyq qazylar alqasy qūramyna kıretın, älemdık ataqqa ie bedeldı pianister, aituly halyqaralyq baiqaulardyŋ muzykalyq prodiuserlerı baǧalaityn bolady. Ümıtkerler on segız jastan aspauy tiıs. Şaraǧa qatysu tegın, būǧan qosa, ūiymdastyru komitetı qatysuşy men ony alyp jüruşı bır adamnyŋ jolaqysy men Astana qalasynda tūru aqysyn töleidı.
Jas oryndauşylardy Astana qalasynyŋ äkımı atynan ekı arnaiy syilyq, baiqaudyŋ körkemdık jetekşısı atynan – «Crescendo», «Annecy Classic» (Fransiia, Ansi qalasy), «Zvezdy na Baikale» (İrkutsk qalasy, Resei) arnaiy syilyqtary, halyqaralyq festivaldarǧa qatysu, Suzdal qalasyndaǧy jazǧy lagerge baru joldamalary, qazaqstandyq kompozitor şyǧarmasyn üzdık oryndauşyǧa arnalǧan arnaiy syilyq kütıp tūr. Sondai-aq, baiqaudyŋ laureattary atanǧan qatysuşylardyŋ mūǧalımderıne de syi-siiapat taǧaiyndalǧan.
Irıkteu tury arnaiy komissiianyŋ qatysuymen 2015 jyldyŋ 1-20 nauryz aralyǧynda ötedı. Baiqauǧa qatysuşylar ırıkteu turynyŋ qorytyndysy boiynşa anyqtalady. Jartylai finalǧa otyz şaqty jas muzykant jıberıledı. Baiqauǧa qatysuǧa ötınım beru, şaraǧa qatysty basqa da jaŋalyqtar www.astana-app.kz saitynda jariialanady.
Ashat RAIQŪL
