ASTANA TAŊDAUY – 2012
Astana tūrǧyndary arasynda üzdık mamandyq ielerın taŋdau jalǧasuda. Öz salasynyŋ bılgırı retınde «Uchaskelık inspektor» nominasiiasyna ūsynylǧandardyŋ bırı – Nūrlan Ömırbekov.
Elorda tek qoǧamdyq-saiasi ortalyq qana emes, tärtıptıŋ de biık ülgısın körsetuı tiıs. Osy rette tuyndaityn eŋ basty mäsele – qoǧamdyq tärtıp pen qauıpsızdık. Al, ony qadaǧalaityn – tärtıp saqşylary. Nūrlan Üsıpbekūly – №17 polisiia bölımşesınıŋ uchaskelık inspektory. Astana taŋdauy baiqauyna ūsynylǧan nebärı üş ümıtkerdıŋ bırı. 2004 jyldan berı ışkı ıster salasynda eŋbek etıp kele jatqan azamat soŋǧy üş jyldan berı osy bölımşede qyzmet etedı. Onyŋ aituynşa, inspektorlarǧa qūqyqbūzuşylyqtyŋ aldyn alu, ony boldyrmau, türlı qylmystardyŋ jolyn kesu jüktelgen. Azamattar kündelıktı ömırde kezdesetın türlı jaǧdailarmen(ūrlyq, töbeles, janjal, alaiaqtyq) qūqyq qorǧau organdaryna habarlasady. Būl mäseleler boiynşa, eŋ aldymen, oqiǧa ornyna uchaskelık inspektor attanady. Mereke künderı astanalyqtar toi toilap jürgende, polisiia qyzmetkerlerı sol merekenıŋ köŋıldı ötuınıŋ qauıpsızdıgın qamtamasyz etedı. «Polisiia bölımşesınde qūqyqbūzuşylyqpen ainalysatyn adamdar tırkeude tūrady. Olardyŋ köbı –būryn sottalǧandar men otbasy şyrqyn būzatyndar, naşaqorlar, jüike jüiesı aurularymen auyratyndar. Tıptı, kämelettık jasqa tolmaǧandar da bar. Bölımşege künıne ortaşa eseppen 20-dan asa şaǧym tüsedı» deidı Nūrlan Ömırbekov bızben äŋgıme barysynda.
Astana taŋdauy baiqauyna özın kım ūsynǧanynan müldem beihabar Nūrlan qoǧamdyq qauıpsızdık qyzmetkerlerınıŋ jūmysy öte auyr ekenın alǧa tartty.
Maǧan qarasty aumaqta on myŋdai adam tūrady. Qala ülkeigen saiyn, menıŋ aumaǧymdaǧy halyq sany da köbeiude. Mäselen, Seifullin köşesı boiynda memlekettık baǧdarlama boiynşa salynǧan köptegen üiler paidalanyluǧa berıldı. Bızde tärtıp saqşylary az bolǧanyna qaramastan, auqymdy jūmysty köterıp kelemız. Öitkenı, bızge tiıstı aumaqtaǧy halyq sany erejede körsetılgen şamadan äldeqaida artyq, – deidı ol.
Nūrlan Ömırbekovtı «Astana taŋdauy – 2012» baiqauyna ūsynǧan adam ol turaly qala äkımdıgınıŋ saityna mynadai mälımet qaldyrypty:
«Ol üş jyldan berı PİK pen jergılıktı tūrǧyndarmen bırlese otyryp, öz mındetın mınsız oryndap kele jatyr. Kündelıktı erınbei, tärtıptıŋ saqtaluyna bar küşın salady. Juyrda tūrǧyndarmen bırge ülken jinalys jasap, onda äkımşılık zaŋ būzuşylyqtar jaily keŋırek tüsınıkteme berıp öttı. Nūrlan astanalyq uchaskelık inspektorlar arasynan üzdık dep tanylyp, basqa jas jıgıtterge ülgı bolady dep senemız».
Onyŋ aituynşa, özı baqylaityn aumaq bügınde qalypty. Ondaǧy üisız jürgen jandar men qaiyr sūraityn özge ūlt adamdaryn oŋaltu ortalyǧyna jetkızgen. Uaqyty tym az Nūrlan kelgen boida özıne qarasty aumaqta ekı mäşinenıŋ terezesın belgısız bıreuler syndyryp ketkenın aitty. Sol jerde kuägerlerdıŋ bärınen sūrau alyp, ıstı jalǧastyru üşın tergeu tobynan kelgen qyzmetkerlerge tapsyrǧanyn jetkızdı.
«Nūrlan üş jyldan berı bızde qyzmet etıp keledı. Ony būl konkursqa ūsynǧan – halyqtyŋ özı. Halyqpen etene jūmys ıstep, olardyŋ alǧysyna bölengen jandardyŋ bırı. Jalpy, qoǧamdyq qauıpsızdık pen tärtıptı saqtauda eŋbek etıp jürgen inspektorlar kün bolsyn, tün bolsyn öz jūmystarynyŋ jauapkerşılıgın sezıne bılıp, ärı qalyŋ jūrttyŋ senımınen şyǧuǧa tyrysady» deidı №17 polisiia bölımşesınıŋ bastyǧy Syrymbet Serkebaev.
Gülmira AIMAǦANBET
