Bılım synaǧynyŋ Astana qalasyna qatysty qorytyndysy şyǧaryldy.
Mamandar nätije köŋıl könşıterlık dep otyr. Dese de, bas qaladaǧy biylǧy ŪBT-nyŋ u-şuy älı basyla qoiǧan joq.
Esterıŋızde bolsa, testıleudıŋ alǧaşqy künı «oqulyqta joq oǧaş sūraqtar kezdestı» dep, synaqty synap şyqqandar da, «namysymdy taptady», «şpargalka» ızdep, ış kiımıme qol saldy» dep, jylap şyqqandar boldy. Bır aita keterı, atalǧan derekterdıŋ bärı däleldenıptı. Synaqty qorytyndylau jiynynda ministrlık ökılderı keleŋsız jaitqa kınälılerdıŋ jazalanǧanyn aitty.
Istıŋ aqyry bıreulerdıŋ sögıs aluymen, endı bıreulerdıŋ jūmystan quyluymen aiaqtaldy.
Testıleuge jauaptylardyŋ būlaişa şekten tys «jauaptylyq tanytuyna» sebep te joq emes.
Bügınde student atanǧandardyŋ arasynda ŪBT kezınde «şpargalkany» asqan şeberlıkpen qoldanǧanyn ūialmai «jyr» etıp jürgenderı jetedı.
Byltyr ǧana Qyzylorda oblysy Jaŋaqorǧan audanynda osy «şpargalkanyŋ» arqasynda tülekterı tügeldei jüzden kem emes ball jinaǧany este.
Mıne, osy jaǧdailar ministrlıkke de, jergılıktı bılım jüiesı basşylaryna da ülken syn bolsa kerek.
Amal qanşa, qaltasyndaǧy qaǧazyna emes, basyndaǧy bılımıne sensın degennen özge oiy joq «tekseruşıler» aiaq astynan osylaişa kınälınıŋ kebın kiıp qala berdı.
Derekközderıne süiensek, Astana boiynşa ŪBT-ny 3549 oquşy, dästürlı emtihandy 497 tülek tapsyrǧan.
Syrqattanuyna bailanysty,3 oquşy testıleuge kele almapty.Olar şılde aiynda biyl oquǧa tüsudı josparlap otyrǧan būrnaǧy jyldardaǧy tülektermen bırge keşendı testıleuge qatysa alady.
Halyqaralyq olimpiadalar men ǧylymi jarystardyŋ 125 jeŋımpazy men jüldegerı Bılım jäne ǧylym ministrlıgınıŋ būiryǧymen ŪBT-dan bosatylypty.
Astana qalasy boiynşa ortaşa ball – 78,46-ny qūrap otyr.
Eŋ tömengı mejenı 752 oquşy, iaǧni tülekterdıŋ 21,19 paiyzy eŋsere almaǧan.
Äzırge eŋ üzdık 10 mekteptıŋ aldyŋǧy şebınde ortaşa baly 108,4 degen körsetkışpen Daryndy balalarǧa arnalǧan «Zerde» mektebı tūr. Odan keiın Qyzdarǧa arnalǧan qazaq-türık liseiı – 102,68 ball, ūldarǧa arnalǧan qazaq-türık liseiı – 102,4 baldy baǧyndyrǧan. №6 gimnaziia – 94,69 ball, «Kögıldır parus» – 94,33 ball, «Astanalyq» liseiı – 93,5 ball, «Nūr Orda» qazaq-türık liseiı – 92,02 ball, №38 mektep-liseiı – 91,93 ball, №50 mektep-liseiı – 91,24 ball jäne №3 mektep-liseiı – 92,02 ball jinaǧan.
Astanadaǧy eŋ joǧarǧy körsetkış – 125 balǧa qyz balalarǧa arnalǧan Qazaq-türık liseiınıŋ tülegı Äsel Qysyqovanyŋ qol jetkızgenın būǧan deiın jazǧanbyz.
«Altyn belgıden» ümıtker 178 tülektıŋ äzırge 68-ı öz bılımderın tolyq rastai alǧan. Astana qalasy Bılım basqarmasynyŋ mamandarynyŋ aituynşa testıleudıŋ jalpy qorytyndy nätijelerı men elorda mektepterınıŋ ortaşa baldary Respublikalyq apelliasiialyq komissiia jūmysyn aiaqtaǧan soŋ belgılı bolady.
Madina RAHYMBAEVA,
Ä.Marǧūlan atyndaǧy №40 orta mekteptıŋ tülegı, «Altyn belgı» iegerı:
Test tapsyrǧanǧa deiın 125 ball alamyn degen ümıtım boldy. Bıraq biylǧy test sūraqtaryna bıraz kürdelı sūraqtar engızılgendıkten, bes pän boiynşa 119 ball jinadym. Aldaǧy uaqytta fizika salasyna qatysty mamandyqty taŋdaǧaly otyrmyn.
Maǧan berılgen tapsyrmanyŋ arasynda mektep baǧdarlamasynan tys sūraqtar bolǧan joq. Keibıreuler aityp jürgen «Abylai hannyŋ atynyŋ qanşa tısı bar?», «Şoqan Uälihanovtyŋ jeidesınıŋ tüimesı neşeu?» deitın oqulyqta joq saualdar mende de, men tanityn tülekterde de kezdesken joq.
Sol künı S.Seifullin atyndaǧy Qazaq Agrotehnikalyq universitetınıŋ ǧimaratynda menımen bırge test tapsyrǧan oquşylar men olardyŋ ata-analary tarapynan esıkte tūrǧan polisiia qyzmetkerlerıne qatysty şaǧymdar öte köp aityldy. Bıraq, jeke öz basym mūndai jaǧdaimen betpe-bet kelgen joqpyn. Jalpy, menıŋ oiymşa, bıryŋǧai testıleu barysynda tekseru jūmystary qajet. Būl oquşynyŋ kömekşı materialdarǧa emes, özıne senıp, bılımın däleldeitın sät. Alaida, balalardyŋ psihologiiasyna kerı äserın tigızetın şekten tys tekserısterdıŋ qajetı joq.
Şynar DOSAN
