Qarjylyq daǧdarys jaǧdaiyna qaramastan, elorda äkımdıgı qala tūrǧyndaryn baspanasyz qaldyrmaidy. Qajet bolsa, qala halqynyŋ igılıgı üşın ala taŋnan tynbai eŋbek etıp jürgen qūrylysşylarǧa da uaqytşa bolsa da, baspana salyp beruge daiyn. Keşe
qala äkımdıgınde Qūrylys basqarmasynyŋ mamandary arnaiy baspasöz mäslihatyn ötkızıp, äleumettık nysandar men tūrǧyn üi qūrylysynyŋ jūmystary qarqyndy jürgızılıp jatqanyn atap öttı.
Arendalyq baspana köbeiedı
Qūrylys basqarmasynyŋ basşysy Talǧat Rysbekovtıŋ aituynşa, 2020 jylǧa deiıngı öŋırlerdı damytu baǧdarlamasy ıske asyryla bastaǧan künnen bastap bügınge deiın barlyǧy
4 056 päterden tūratyn 16 tūrǧyn üi keşenı paidalanuǧa berılgen. «Bügınge deiın paidalanuǧa berılgen päterlerdıŋ jalpy audany 215,5 myŋ şarşy metr bolyp otyr. Onyŋ 158,33 myŋ şarşy metrı, iaǧni 2 927 päter tūrǧyn üi qūrylys jinaq jüiesı arqyly bolsa, 27,0 myŋ şarşy
metr bolatyn taǧy 672 päter jas otbasylarǧa arnalǧan arendalyq tūrǧyn üi baǧyty boiynşa berıldı. Qalǧany jalpy kezekte tūrǧandarǧa arnalǧan arendalyq baspana baǧyty boiynşa alyp otyr. Sonymen qatar, biyl atalmyş baǧdarlama aiasynda taǧy 801 päter paidalanuǧa berıletın bolady. Keler jyly da 1800 baspana tapsyru josparlanyp otyr» deidı Astana qalalyq Qūrylys basqarmasynyŋ basşysy Talǧat Rysbekov.
Bügınde jalpy qala boiynşa tūrǧyn üi kezegınde tūrǧandardyŋ sany 43 myŋǧa juyqtaǧan. Basqarma mamandary mäselenı şeşu maqsatynda elordanyŋ Qūrylys basqarmasy Qazaqstannyŋ tūrǧyn üi qūrylys jinaq bankı jüiesı arqyly nesielık jäne jergılıktı atqaruşy organdar esebınen kezekte tūrǧandarǧa arnalǧan arendalyq baspana jobasyn qolǧa alyp otyrǧanyn mälım ettı. Biyldyŋ özınde osy joba negızınde jalpy audany 53,13 myŋ şarşy metr bolatyn 984 päterlık 3 köpqabatty tūrǧyn üi keşenınıŋ qūrylysy bastalypty. Būl päterlerdıŋ 530-y Astanada jergılıktı atqaruşy organdar qatarynan kezekte tūrǧan azamattarǧa bölınse, 311-ı Qazaqstannyŋ tūrǧyn üi qūrylys jinaq bankı jüiesı negızınde halyqtyŋ äleumettık älsız toptaryna arnap salynyp otyr. Qalǧany qarapaiym tūrǧyn üi kezegınde tūrǧan eŋbek azamattaryna ülestırıledı. Atalǧan tūrǧyn üi keşenderın tapsyru merzımı 2017 jylǧa josparlanǧan. Būl joba da 2020 jylǧa deiıngı öŋırlerdı damytu baǧdarlamasy şeŋberınde ıske asyrylmaq. «Bügıngı künı 2 tūrǧyn üi keşenınıŋ qūrylysyna jobalyq-smetalyq qūjattama äzır tūr. Sonymen qatar, qūrylysşylardy da baspanamen qamtu mäselesın qoiyp otyrmyz. Qalada qūrylysşylar tūratyn tūtas bır audan kerek. Ol jerlerde qūrylysşylar üşın uaqytşa jatyn oryndar salynady. Öitkenı qūrylysşylar qazır negızınen salynyp jatqan nysandarda tūruǧa mäjbür. Bügınde sanitarlyq qyzmet mamandary ol oryndardyŋ zaŋ talaptaryna sai nemese sai emestıgın tekserıp jatyr. Eger ūsynysymyz qabyldanatyn bolsa, memleketten eş şyǧyn ketpeidı. Jobaǧa investorlar tartylady. Qūrylysşylar qalada ärlı-berlı qaŋǧymaityn bolady. Keşke deiın jūmystaryn ıstep, taŋerteŋ qaita jūmys oryndaryna oralady. Būl qylmystyq ahualǧa da oŋ äserın beretın bolady» deidı Qūrylys basqarmasynyŋ basşysy.
Apatty üiler azaidy
Arnaiy baspasöz mäslihatynda Qūrylys basqarmasy basşysynyŋ orynbasary Erjas Aituǧanov qaladaǧy apatty üiler mäselesınıŋ de ret-retımen şeşılıp jatqanyn aitty: «Bırneşe jyldan berı apatty üiler mäselesımen «Elorda damu» kompaniiasy ainalysyp keledı. Pilottyq joba negızınde qolǧa alynǧan būl bastama öz nätijesın berıp otyr. «Elorda damu» pilottyq jobany ıske asyru
şeŋberınde 5 204 päterden tūratyn jalpy audany 375 myŋ şarşy metr 44 tūrǧyn üidı paidalanuǧa tapsyrdy,
onyŋ ışınde jalpy qūny 12,6 mlrd teŋgenı qūraityn 1 638 päter aqysyz negızde kommunaldyq menşıkke berıledı. Aǧymdaǧy jylǧy 9 aida tapsyrylǧan 1 849 päterdıŋ
1 049-y päter osyndai apatty üilerden köşırılgen tūrǧyndarǧa tiesılı».
Jiynda, sonymen qatar, üleskerler mäselesı, öz ısıne jauapsyz qaraityn merdıgerler jäne olarmen küres jaiy söz boldy. «Qarjy jetedı, qūrylys jūmystarynyŋ der kezınde tapsyryluyna kei jaǧdaida jauapsyz merdıgerler kedergı keltırıp otyr. Tender kezınde san türlı amal tauyp jeŋıp alady da, artynşa mındettelgen şaruany oryndamai ketedı. Ziianyn qarapaiym halyq pen memleket şegedı. Avtorlyq jäne tehnikalyq baqylau qyzmetterı bar. Qūrylys salasy kündelıktı baqylaudan eş tüsken emes» dedı Qūrylys basqarmasy basşysynyŋ orynbasary Erjas Aituǧanov. Tüiındep aitqanda, Astana qūrylysy kıdırmeitın qala bolyp tūr.
Bürkıt NŪRASYL
