Respublikalyq «Mektepke jol» aksiiasy aiasynda Astana qalasy Bılım basqarmasy men «Dar» qoǧamdyq qory bırlese otyryp, jalǧyzbasty ana Gülzamira Almahanqyzyna qolūşyn sozdy.
Segız jasar qyzy Aizadaǧa tuǧannan mikrosefaliia diagnozy qoiylǧan. Anasy jūmys ıstemei, ünemı balanyŋ qasynda otyrady. Öitkenı, därıgerlerdıŋ aituynşa, oǧan kündelıktı kütım kerek. «Balaǧa meiırım syila!» ūranymen ötıp jatqan aksiia maqsaty balany mektepke daiarlau ǧana emes, sonymen qatar jaǧdaiy naşar otbasylarǧa kömek körsetu bolǧandyqtan, būl otbasyǧa azyq-tülık pen azyn-aulaq kiım-keşek berıldı. «Demeuşılıktıŋ arqasynda özgenıŋ jyluyn sezınıp, älı de jaqsy adamdardyŋ bar ekenıne közımız jettı» deidı Gülzamira.
«Kömekke zäru otbasylar köp. Bız solardyŋ bırınşısıne ǧana baryp qaittyq. Qaiyrymdylyq jasauǧa äzır atymtai jomarttar tarapynan ūsynys tüsse, olarǧa äleuetı naşar toptardyŋ tızımın berıp, üi-üidı aralaimyz» deidı Bılım basqarmasy Kämeletke tolmaǧandardyŋ qūqyqtaryn qorǧau bölımınıŋ basşysy Läzzat Jaqsylyqqyzy. Qazırdıŋ özınde audan äkımdıkterı, «Nūr Otan» partiiasy men qalalyq meşıtter sauaby mol ıske jūmyla kırısude. Al, jaqynda osy şara şeŋberınde Bılım jäne ǧylym ministrlıgı 4 otbasy men 20 balaǧa demeuşılık jasamaq. Sondai-aq, 16-23 tamyz aralyǧynda qalalyq alaŋda «KZ» qoǧamdyq qorynyŋ ūiymdastyruymen bıryŋǧai mektep formasy men oqu qūraldaryn tömen baǧamen satatyn järmeŋke ötedı dep kütılude.
