Talap – qatty, mındet – naqty
Keşe qalalyq mäslihatta Qoǧamdyq keŋestıŋ otyrysy bolyp öttı. Jiyndy aşqan keŋes töraǧasy Sansyzbai Esılov jinalǧandardy kün tärtıbınde qaralatyn äkımdıktıŋ normativtık-qūqyqtyq aktılerınıŋ jobalarymen tanystyrdy.
Eŋ aldymen Densaulyq saqtau basqarmasy basşysynyŋ orynbasary Säule Nūraşeva «Qosymşa därı-därmekpen qamtamasyz etu turaly» Astana qalasy mäslihatynyŋ 2011 jylǧy 7 jeltoqsandaǧy şeşımıne tolyqtyrular engızu turaly» normativtık-qūqyqtyq aktı jobasyn tanystyrdy. Nūraşevanyŋ aituynşa, Astana qalasynda Behterev auruy özektı bolyp otyr. Ädette 35-40 jastaǧy adamdarǧa tän būl auru türı keiıngı kezderı 15-30 jas aralyǧyndaǧy admdarda paida bola bastaǧan. «Astana qalasynda Behterev auruy diagnozymen 18 jastan bastap 149 adam esepke alynǧan, onyŋ 20 paiyzy infliksimab, adalimumab preparattary sekıldı gendık-injenerlık biologiialyq terapiiaǧa mūqtaj. Būl preparattar tegın berıletın därılık zattar men medisinalyq maqsattaǧy tızımınde joq. Sondai-aq, Astanada jyl basynan berı 9 balaǧa «mukovissidoz» diagnozy qoiyldy. Olardyŋ törteuıne 300 mg/5 ml ampuladaǧy tobramisin preparatymen qamtu turaly ūsynys engızılgen. Būl därı de tegın därı tızımınde joq» deidı Säule Quanyşqaliqyzy. Qoǧamdyq keŋes müşelerı «Qosymşa därı-därmekpen qamtamasyz etu» turaly Astana qalasy mäslihatynyŋ 2011 jylǧy 7 jeltoqsandaǧy şeşımıne (infliksimab jäne tobramisin preparatyn qosu turaly) tolyqtyru engızu turaly erejesın bırauyzdan maqūldady.
Osydan keiın Kommunaldyq şaruaşylyq basqarmasy basşysynyŋ orynbasary Nūrman Soltambekov Astana qalasynyŋ aumaǧyndaǧy jasyl ekpelerdı kütıp-ūstau jäne qorǧau, abattandyru qaǧidasy turaly erejesımen tanystyrdy.
«Qaǧidat erejesı boiynşa jeke tūlǧalar ısten şyqqan, qūramynda synaby bar şamdar men qūrylǧylardy arnaiy konteinerlerge aparyp tastauy tiıs. Tūrǧyndardy mındetteu üşın ondai konteinerlerdı tolyq ornatu kerek. Bıraq ondai konteinerler qala boiynşa älı qoiylyp bıtken joq. Mäselen, öz üiımnıŋ ainalasynan ondai arnaiy oryn körgen joqpyn. Aldymen adamdarǧa jaǧdai jasap alyp baryp, sodan keiın talap qoiǧan dūrys şyǧar. Sonymen qatar, oiyn alaŋdaryndaǧy qūmsalǧyştarǧa qatysty kemşılık bar. Zaŋ boiynşa aiyna bır ret auystyryluy tiıs. Bıraq ıs jüzınde ondai joq. Osynda tūrǧanyma 20 jyl boldy, qūm auysqanyn körgen joqpyn. Zaŋda körsetılgen eken, talapty küşeitu kerek. Bolmasa, müldem alyp tastaŋyzdar!» dep, qoǧamdyq keŋes müşesı Vladislav Sergeev öz ūsynysyn bıldırdı.
Tek Sergeev qana emes Soltambekov ūsynǧan qūjattan üilespeitın tūsy köp ekenın aityp naqty sūraqtar qoiyp jatty.
Qoǧamdyq keŋeste, sonymen qatar, eskizdık jobalar, mädeniet jäne sport salasyndaǧy memlekettık qyzmet reglamentı turaly erejeler qaraldy.
Bürkıt NŪRASYL