Esıl audany äkımdıgınde QR Memlekettık qyzmet ısterı ministrlıgı Astana qalasy boiynşa departamentınıŋ ūiymdastyruymen jiyn öttı. «Azamattardyŋ qūqyqtary men zaŋdy müddelerın qorǧau qyzmetın jüzege asyrudaǧy qyzmettık etika jäne joǧary ruhani-adamgerşılık ahual» taqyrybynda ötken şaraǧa qūqyq qorǧau organdarynyŋ ökılderı qatysty.
Jiyn barysynda qūqyq qorǧau organdarynyŋ qoǧamdaǧy rölı, sot bilıgı arasyndaǧy adamgerşılık ahualdy qalyptastyru, qūqyq qorǧau organdarynyŋ imidjı men olarǧa degen azamattardyŋ senımın nyǧaitu, sybailas jemqorlyqtyŋ aldyn alu mäselelerı qaraldy.
Jiynda söz alǧan Astana qalasy boiynşa Sottar äkımşısınıŋ basşysy mındetın atqaruşy Aibol İbragimov sot bilıgın jetıldıru boiynşa atqarylyp jatqan jūmystarǧa toqtaldy.
– Bügınde sot jüiesınıŋ aldynda tūrǧan basty mındet – sybailas jemqorlyqpen küres jäne onyŋ aldyn alu. Myŋdaǧan adamnyŋ taǧdyryna jauap beretındıkten, qatelık jasauǧa jol joq. Osy jūmystardy jetıldıruge bailanysty 2014 jyly ışkı qauıpsızdık qyzmetı qūrylǧan edı. Qauıpsızdık qyzmetı Astana sottarynda sybailas jemqorlyqtyŋ aldyn alu üşın tūraqty türde ıs-şaralar ötkızıp keledı. Sot jüiesınde kezdesetın qūqyq būzuşylyqtyŋ aldyn aludy közdeidı, – dedı Astana qalasy boiynşa Sottar äkımşısınıŋ basşysy mındetın atqaruşy A. İbragimov.
Onyŋ aituynşa, innovasiialyq tehnologiialardy paidalanu sot jüiesınde körsetıletın qyzmet türlerın jetıldıruge septıgın tigızdı. Mäselen, «Sot kabinetı», «Sot qūjattarymen tanysu», «Sotqa şaqyrtular», «Sot şeşımderı» sekıldı taǧy basqa qyzmetter halyqqa qoljetımdı bolyp keledı. Būl öz kezegınde jūmystyŋ tiımdılıgın körsetude.
Sonymen qatar, Kölıktegı ortalyq ışkı ıster departamentı Qauıpsızdık qyzmetı basqarmasynyŋ basşysy Altynbek Şüiınşaliev qyzmet barysynda kezdesetın ädeptılık mäselelerıne nazar audardy. Organ qyzmetkerlerınıŋ mınez-qūlyq qaǧidalaryn odan ärı jetıldıru, qyzmetşılerdıŋ ädepsız mınez-qūlyq jaǧdailarynyŋ aldyn aluǧa, olardyŋ mınez qūlqynyŋ negızgı standarttaryna tolyq tüsınıkteme berdı. Sybailas jemqorlyqqa qarsy zaŋnama talaptaryn qūrmetteudı qalyptastyru qajettıgın de alǧa tartty.
Gülmira AIMAǦANBET
