Astana qalasy ortalyqtandyrylǧan kıtaphanalar jüiesınıŋ ūiymdastyruymen ortalyq balalar jäne jasöspırımder kıtaphanasynda belgılı telejürgızuşı, prodiuser, tarihi tūlǧalar turaly derektı filmderdıŋ avtory Maiia Bekbaevamen kezdesu öttı.
Halyqaralyq äielder künıne orailastyrylǧan şarany aşqan ortalyqtandyrylǧan kıtaphanalar jüiesınıŋ direktory Gülbadan Mädıbaeva atalmyş kezdesu kıtaphanaşylar men oqyrmandardyŋ tılegımen ötıp otyrǧanyn atap öttı. Telejürgızuşı öz tarapynan jūmysy jaily aita kele, biyl tūlǧalardyŋ mereitoiyna orai bırneşe derektı film tüsırgenın, atap aitqanda, Mänşük Mämetova, Maǧjan Jūmabaev, Mūhtar Äuezov jaily tuyndylar körermenge jol tartqanyn jetkızdı. Olardy avtordyŋ YouTube arnasynan tamaşalauǧa bolady. Qazır biylǧy 135 jyldyǧyna orai Ämıre Qaşaubaev jaiynda derektı filmnıŋ tüsırılımı jürıp jatyr.
Maiia Bekbaeva balalyq şaǧy turaly aitqanda, kıtapqa qūmarlyǧyn anasy oiatqanyn, tabandylyq äke qanymen kelgenın, tarihqa qyzyǧuyna jūbaiynyŋ äserı bolǧanyn aitty. Al atasy, Ūly Otan soǧysyna qatysuşy Asylhan Bekbaev halyqty aǧartu ısımen ainalysyp, köp jyl Semeidegı pedagogikalyq institutty basqarǧan. Tarihi tūlǧalar jaiynda derektı filmderdı tüsıruıne atasynyŋ äŋgımelerı de yqpalyn tigızdı.
Derektı film jobasymen ainalysa bastaǧanyna on jylǧa juyqtap qalǧanyn aitqan telejürgızuşı osy uaqytqa deiın 100-den astam film tüsırgenın, bastapqyda saiasi quǧyn-sürgınge ūşyraǧan Säken Seifullin, Älihan Bökeihan, Ahmet Baitūrsynūly tūlǧalaryn alǧanyn, arhivtık qūjattardy qaidan alatynyn aitty.
– Būryn köptegen qūjat, naqty qylmystyq ıster Reseidıŋ Federaldy qauıpsızdık qyzmetınıŋ arhivınde edı. Sol uaqytta olarǧa qol jetkızuge bolatyn. Qazır bılmeimın, bıraq būl ıs qiyndap kettı dep estimın. Al elımızde bastapqyda Ūlttyq arhivten köp derek aldym. Būl ıste arhivtıŋ sol kezdegı direktory, tarihşy Marat Äbsemetovtıŋ kömegı köp tidı. Alǧaşqy spikerım de sol kısı edı. Almatydan da qūjattar aldyrdym. Sonyŋ bırı – Jūmat Şaninnıŋ ısı. Bıraq maǧan qūjattardy alyp kelgen adamdar onyŋ üstınen «domalaq aryz» jazǧandardyŋ aty-jönın körsetpei, kölegeilep tūrdy. Zaŋ boiynşa boluy kerek, olardyŋ esımın aşuǧa bolmaidy eken. Sebebı olardyŋ ūrpaǧy aramyzda jür. Sosyn maǧan tarihşylar kömektesedı. Derektı filmderdegı sol derekterdı «Habar» telearnasy senzurasyz efirge ötkıze me? Men üşın maŋyzdysy sol edı. Öitkenı osy arna sol jobanyŋ tapsyruşysy boldy. Sonda filmder kesılmei şyqqanyna taŋǧaldym, – dedı Maiia Bekbaeva.
Kezdesu barysynda qonaqqa elımızde kıtaphana ısın örkendetuge mol üles qosqan Roza Berdıǧalieva turaly derektı film tüsıru ūsynyldy. Maiia Bekbaevanyŋ «Mänşük Mämetova: «halyq jauynyŋ» qyzy» derektı filmı körsetılıp, oqyrmandar «Äiel kelbetı…» kıtap körmesımen tanysty.
