ŪBT: Biylǧy körsetkış joǧary
QR Ükımetı janyndaǧy Ortalyq kommunikasiialar qyzmetınde QR Bılım jäne ǧylym ministrlıgınıŋ ökılderı biylǧy Ūlttyq bıryŋǧai testıleu qorytyndylary boiynşa brifing ötkızdı.
On üş jyl ışınde ŪBT-ǧa 1 million 587 myŋ mektep bıtıruşı qatysqan. Būl tülekterdıŋ jalpy sanynyŋ 77 paiyzyn qūraidy eken. Biylǧy jyly ūlttyq emtihan elımız boiynşa 165 punktte öttı. Mektep tämamdaǧan 121 myŋ oquşynyŋ ışınde oǧan qatysuǧa 87 myŋ tülek ötınış bergen. Onyŋ ışınde qazaq tılınde oqyǧandar – 83 330 bolsa, orys tılınde bılım alǧandar – 23 984.
– Testıleuge 84 079 mektep bıtıruşı qatysty. Bırneşe ret tärtıp būzǧan 38 oquşy testıleuden şyǧaryldy jäne nätijelerı joiyldy. Testıleu barysynda şektı 50 baldy 14 252 tülek jinai almady. 52 982 baladan tyiym salynǧan zattar tabyldy. ŪBT – ūiymdasqan deŋgeide öttı. Biylǧy ortaşa ball – 81,2 ball. Ötken jyly 79,4 ball bolǧan edı, – deidı QR BǦM Bılım jäne ǧylym salasyndaǧy baqylau komitetı töraǧasynyŋ mındetın atqaruşy Läzzat Bölebaeva.
Onyŋ aituynşa, biyl eŋ joǧary 125 baldy 19 tülek jinaǧan. Ötken jyly 5 oquşy ǧana osy därejege köterılgen eken. Sonymen bırge ūlttyq synaqqa qatysqan «Altyn belgıge» ümıtker 4 768 oquşynyŋ 2 371-ı öz bılımderın aqtaǧan. Al 16 565 bala 100 balldan artyq körsetkışke qol jetkızgen.
Sondai-aq, Respublikalyq appeliasiialyq komissiiaǧa test tapsyrmalarynyŋ mazmūny boiynşa 547 ötınış tüsken. Onyŋ 141-ı qanaǧattandyrylǧan. «Biylǧy jyly şektı deŋgeiden öte almaǧan tülekter Joǧarǧy oqu oryndarynyŋ aqyly bölımıne tüsu üşın, qaita keşendı testıleuden öte alady. Atalǧan testıleuge qatysu üşın ötınışter 1-8 tamyz aralyǧynda qabyldanady. Testıleu 19-24 tamyz aralyǧynda ötkızıledı» – dep, tüiındedı sözın komitet töraǧasynyŋ mındetın atqaruşy.
Azamat ESENJOL