GFR bırqatar ırı kompaniialary Qazaqstanǧa investisiia saluǧa daiyn
QR Prezidentı N. Nazarbaevtyŋ tıkelei şeteldık investisiialardy tartu boiynşa jūmysty belsendıru turaly tapsyrmasy aiasynda QR Premer-Ministrınıŋ orynbasary – İndustriia jäne jaŋa tehnologiialar ministrı Äset İsekeşev basqarǧan qazaqstandyq delegasiia jūmys saparymen GFR-ǧa keldı. Berlindegı ekonomikalyq forumda Qazaqstandaǧy germandyq biznestı ärı qarai damytu boiynşa josparlar talqylandy.
Ekı kündık baǧdarlama boiynşa ekonomikalyq forum, Iskerlık keŋes jäne «ITB Berlin-2014» halyqaralyq turistık körmesı sekıldı 3 ırı şaraǧa qatysu, sondai-aq Germaniia Ükımetınıŋ müşelerımen jäne Qazaqstanda jūmys ısteitın eŋ ırı nemıs konsernderınıŋ, injiniringtık kompaniialar men instituttarynyŋ jäne äleuettı investorlardyŋ basşylarymen 15 ekı jaqty kezdesudı ötkızu josparlanǧan.
Germaniianyŋ Vise-kanslerı – Ekonomika jäne energetika federaldyq ministrı Zigmar Gabrielmen kezdesu barysynda taraptar önerkäsıp, energetika, geologiia jäne jer qoinauyn paidalanu, ǧylym jäne innovasiialar salalaryndaǧy, sondai-aq «İndustriia 4.0» Germaniiany önerkäsıptık damytudyŋ jaŋa strategiiasy töŋıregınde (4-şı önerkäsıptık revoliusiia) ärıptestıktı belsendıru mäselelerın talqylady.
Äset İsekeşevtıŋ aituynşa, ekı eldıŋ yntymaqtastyǧyn damytuǧa memleket basşylarynyŋ kelısımderı eleulı küş berdı.
«Ötken jyly ekı jaqty saudanyŋ kölemı daǧdarysqa deiıngı körsetkışterden asyp, 6,5 mlrd. euroǧa jettı. GFR-dyŋ Ortalyq Aziia men Kavkazdyŋ 8 elımen bükıl tauar ainalymynyŋ 60% Qazaqstanǧa tiesılı. Bızdı jyl saiyn keŋeiıp jatqan sauda-ekonomikalyq yntymaqtastyqtyŋ oŋ dinamikasy quantady. Sonymen qatar, menıŋ oiymşa, germandyq kompaniialar öz üşın Respublikamyzdyŋ äleuetın tolyq aşa almady», – dep belgıledı vise-premer ekonomikalyq forumda söz söilegen kezde jäne anaǧūrlym belsendı jūmysqa şaqyrdy.
Öz kezegınde, «Siemens», «Lanxess», «CLAAS Global Sales GmbH», «METRO AG», «Bosch GmbH», «Knauf», «HeidelbergCement» ökılderı QR-da jūmys jasap jatqan jäne josparlanǧan jobalardy körsettı.
Qazaqstanda jaŋa jobalardy jüzege asyruǧa özınıŋ qyzyǧuşylyǧy turaly «MAGNA EUROPA» (avtoönerkäsıp üşın qosalqy bölşekterdı öndıru), «EVONIC» (himiia önerkäsıbı), «REM», «ROGESSA», «SGL Group», «ARUBIS», «QUAESTA CAPITAL», (barlyǧy – TKMK-de), «SALZGITTER» (metall öŋdeu) kompaniialary aitty.
Aita keterlık, Qazaqstan jäne Germaniia arasyndaǧy bırlesken jobalardyŋ jalpy qorjyny 92 jobany qamtidy, būl rette 72 joba boiynşa tek soŋǧy 4 jyldyŋ ışınde kelıstı (iaǧni, ÜİİDMB jüzege asyru bastalǧaly). Osy uaqytta jalpy somasy 700 mln. euro qūraityn 12 joba jüzege asyryldy.
Mysaly, Linde Group kompaniialarynyŋ toby ArcelorMittal bolat qūiu konsernınıŋ qazaqstandyq zauyty üşın tehnikalyq gazdardy öndıru üşın aua böluşı qondyrǧyny jasady. Būl önerkäsıptık joba tek eŋ zamanaui tehnologiialarmen ǧana jūmys jasamai, qyzmetşılerdıŋ käsıptık bılımımen de ainalysady.
«Funke-Kunststoffe» quattylyǧy jylyna 1 mln. astam şarşy m qūraityn tereze profilderınıŋ öndırısın Qazaqstanǧa köşırdı. Osy käsıporyn ışkı naryqtyŋ mūqtajdyǧyn tolyq qanaǧattandyruǧa jäne önımdı Reseige eksportqa şyǧaruǧa mümkındık beredı.
«Metro Keş end Kerri» kompaniiasy Qazaqstanda 8 sauda ortalyǧyn aşty, būl rette 1500 jūmys oryn qūryldy. Sauda-bölşek saudada önım sapasynyŋ jaŋa standarttary, tiımdı menedjment jüielerı engızıldı. Jaqyn arada Atyrau jäne Aqtau qalalarynda taǧy 2 jaŋa sauda ortalyǧy salynbaq.
Ärtürlı satylarda jalpy somasy 1,7 mlrd. euro qūraityn 15 joba ıske asyryluda. Mysaly:
– Haidelberg («HeidelbergCement») konsernı Kaspii teŋızınıŋ janynda sement zauytyn saluda (160 mln. euro, 1000 jūmys orny);
– «Simens AG» jäne «QTJ» ŪK» AQ 242 mln. euro somasyna Qazaqstannyŋ temır joldaryn elektrifikasiialau boiynşa jobany ıske asyruda;
– «Shemianlagenbau Chemnitz GmbH» (C.A.C.) kompaniiasy Aqtau, Pavlodar jäne Taraz qalalarynda himiialyq klasterlerdı jasau jäne joǧary tehnologiialyq jabdyqpen jaraqtandyru boiynşa jūmys jasauda.
Äset İsekeşev käsıpkerlermen kezdesu kezınde habarlaǧandai, Qazaqstan industriialandyrudyŋ 2020 jylǧa deiıngı ekınşı besjyldyǧynyŋ baǧdarlamasyn äzırledı, onyŋ asynda el üşın būrynǧydai maşina jasau, himiia, metallurgiia salalary basym bolyp tabylady. Iаǧni, Germaniianyŋ artyqşylyqtary bar salalar.
Sapardyŋ ekınşı künı qazaqstandyq delegasiia «ITB Berlin-2014» halyqaralyq turistık körmesıne baryp, QR İJTM jäne IýNVTO (BŪŪ Düniejüzılık turistık ūiymynyŋ qysqartylǧan atauy) arasynda «EKSPO-2017» aiasynda turizm salasyndaǧy yntymaqtastyq turaly memorandumǧa qol qoidy.
