Bügınde Astanaǧa jan-jaqtan jūmys ızdep aǧylǧan jastar köp. Ärine, olardyŋ qatarynda jasy egde tartyp qalǧan kısıler de kezdesedı. Barlyǧy da kün körıstıŋ qamymen bas qalaǧa atbasyn tıreidı.
Taiauda auyldan synyptas dosym keldı. Jyl saiyn jaz bastalysymen qara küzge deiın elordaǧa kelıp jūmys ısteidı. Söitıp, jaz boiy tapqan näpaqasyn jinap auylǧa aparady. Oǧan şöp şabady, otyn alady. Qalǧanyn qys boiy azyq qylady. Jylda osy ädet qaitalanady. Äiteuır, dosym qatardan qalmai kün körıp kele jatqanyna şükırşılık etedı. Mūndai mysaldardy jüzdep keltıruge bolady.
Ärine, elordaǧa jūmys ızdep kelgenderdıŋ barlyǧyna eşkım bırden syily tabaq ūsynbaidy. Qalaǧa tırkelgen qūjaty bolmaǧandyqtan, dūrys jūmys tabyla berılmeidı. Tabylǧannyŋ özınde eŋbekaqylary uaqytyly berılmeidı. Sosyn şaqşadai basy şaradai bolyp, amalsyzdan dymy qūridy. Kündelıktı jūmysqa jaldanuǧa mäjbür bolady. Kündelıktı jūmys demekşı, bız astanalyq bazar maŋaiynan jūmys ısteuge jaldanyp tūrǧan soqtaldai azamattardy jiı köremız. Olar bıreu emes, ekeu emes, top-tobymen tūrady. Jäne azyn-aulaq aqşa üşın taŋerteŋnen keşke deiın tūruǧa bar.
Erterekte student kezımızde senbı-jeksenbı künderı osylai jaldanyp jūmys ıstep, auyldaǧy ata-anamyzǧa salmaq salmauǧa tyrysatynbyz. Ol kezde jūmys ızdegender qaladaǧy Furmanov köşesı boiynda tūratyn. Qazır ol äigılı bişı apamyz Şara Jienqūlova köşesı dep atalady. Qyzyq, ötken joly osy köşenıŋ boiymen ötıp bara jatyp, sol orynda bır top adamnyŋ tūrǧanyn körıp, älı de onyŋ bar ekenıne közım jettı. Ädeiı toqtap, şetteu tūrǧan bır-ekı adamdy sözge tarttym. Esımderın aitudy qalamaǧandyqtan, bız de taqaqtap sūramadyq.
–İä, auyldan keldım. Qalaǧa tırkelmegendıkten ornyqty jūmystyŋ retı kelmedı. Amalsyzdan osy jerge kelıp jūmys ıstep jürmın. Elde otbasym qaldy. Auylda jūmys bolmaǧandyqtan, jaz boiy elordaǧa kelıp eŋbek etemın. Är kün saiyn türlı jūmys ısteimız. Jer qazamyz, vagondaǧy jüktı tüsıremız. Qūrylys jūmystaryn atqaramyz. Bızdı jūmys beruşıler osy jerden alyp ketedı. Kündelıktı tapqan aqşamyz künkörısımızge jetedı. Jaldaǧan päterge beremız. Tamaǧymyzǧa töleimız. Qalǧanyn jinap, otbasyma jıberemın, – dedı jasy egde tartyp qalǧan kısı.
Osy jerde bır jas jıgıt te qosyla kettı:
– Ärine, bız būl jerge erıkkennen kelmeimız. Auylda jūmys joq. Sosyn, qalaǧa kelıp eŋbek etkımız keledı. Būl jerde kündelıktı jūmys bolady. Qalai eŋbek etesıŋ, solai aqşaŋyzdy alasyŋ, – dep öz pıkırın jasyrmady.
Bügıngı taŋda Astana qalalyq Jūmyspen qamtu ortalyǧy qyzmetkerlerınen jasaqtalǧan mobildı top müşelerı elordanyŋ adamdar köp şoǧyrlanǧan oryndarynda bolyp, aqparattyq şaralar jürgızude.
– Bızdıŋ mobildı top müşelerı elordadaǧy «Han şatyr» sauda ortalyǧy, Ortalyq bazar, Temırjol vokzaly jäne Saparjai avtovokzaly sekıldı adamdar köp jüretın oryndarda bolyp, tüsındıru jūmystaryn jürgızıp, tūrǧyndarǧa joldamalar ūsyndy. Ärine, Ortalyq bazar aumaǧynda bolǧanda zaŋsyz jūmys ıstep jürgen azamattarǧa da bardyq. Maqsatymyzdy jetkızdık. Jūmysqa ornalasu üşın joldama berdık. Köbıne onda tūratyndardyŋ qalalyq tırkeuı joq. Qalalyq tırkeusız bız olardy mekemelerge joldai almaimyz. Alaida, tūraqty tırkeuı bar jandarǧa jūmysqa ornalasuǧa mümkındık mol, – deidı Jūmyspen qamtu ortalyǧynyŋ baspasöz qyzmetınıŋ jetekşısı Didar Sadyqov.
Jalpy, memleket jūmyssyzdyq mäselesın şeşuge ärdaiym qoldau körsetıp keledı. «Jūmyspen qamtu jol kartasy – 2020» baǧdarlamasy da – sonyŋ jaqsy jemısı. Baǧdarlama aiasynda basqa mamandyq aluǧa talpynǧan azamattar daiyndyq kursynan ötedı. Arnaiy kuälık alady. Sonyŋ arqasynda qanşama adam jūmysqa ornalasyp, öz otbasyna bereke kırgızıp otyr.
Ärine, elımız naryqtyq ekonomikada bolǧandyqtan, ärkım öz künın özı köruge qūqy bar. Sondyqtan qazaq jastary bır mamandyqty jetık meŋgergen maman bolu qajet. Käsıbi mamanǧa sūranys qaşan da joǧary. «Etıkşı bolsaŋ da, öz käsıbıŋnıŋ şeberı bol» degen eken Djon Kennedi. Mümkın, sondai kezde jaldamaly jūmysşylardyŋ sany azaiyp, jūmyssyzdyq mäselesı de oŋ şeşıler.
Azamat ESENJOL
