«JAN JYLUY – IZGILIKTIŊ JARŞYSY
Halyqaralyq balalardy qorǧau künı merekesı qarsaŋynda Astana medisina universitetınde «Jan jyluy» atty jyl saiynǧy qaiyrymdylyq aksiiasy öttı.
Jetım, mügedek, tūrmysy tömen balalardyŋ taǧdyryna qoǧam nazaryn audaru, olarǧa qol ūşyn sozyp, qoldau körsetu maqsatynda ūiymdastyrylǧan şaraǧa «Nasledie» qoǧamdyq bırlestıgınıŋ qamqorlyǧyndaǧy mümkındıgı şekteulı balalar jäne äleumettık jaǧdai tömen, köp balaly otbasynan şyqqan balalar arnaiy şaqyryldy.
Astana medisina universitetınıŋ tärbie ısı jäne äleumettık qyzmet jönındegı prorektory G.Z.Hairli qaiyrymdylyq aksiiasynyŋ aşylu saltanatynda: «Jastyq şaq – ärbırımızdıŋ esten ketpes sätterımız. Olai bolsa, myna jetkınşekterımızdıŋ quanyşty sätterı köbırek bolsyn» dep tılek bıldırdı.
«Astana medisina universitetı» käsıpodaq komitetınıŋ qoldauymen «Nūr Otan» partiiasynyŋ «Örken» bastauyş partiia ūiymy jäne «Jas Otan» jastar qanaty bırlesıp ūiymdastyrǧan keşte «Vainah», «A7» bi studiialary men Berık Artyqbaev, Baqdäulet İmanqūlov, Rüstem Jügınısov, Ädılet Mailinov syndy änşıler öner körsettı.