Baiqauǧa 8 ben 12 jas aralyǧyndaǧy älemnıŋ 11 elınen 15 bala qatysty.
«Artek» balalar ortalyǧynda ötken «Balalardyŋ jaŋa tolqyny-2016» baiqauynda Qazaqstannyŋ atynan öner körsetken 11 jasar Jänel Säduaqas üşınşı oryndy ielendı. Ekı künge jalǧasqan älemdık muzyka saiysynda balǧyn änşımız otandastarynyŋ ükılegen ümıtın aqtady.
Jalpy, baiqauǧa 8 ben 12 jas aralyǧyndaǧy älemnıŋ 11 elınen 15 bala qatysty. Atap aitqanda, Resei, Armeniia, Abhaziia, Latviia, Malta, Qazaqstan, Qyrǧyzstan, Koreia, Rumyn elderı.
Esterıŋızde bolsa, Jänel «Aialaǧan Astana-2016» konkursynda top jarǧan bolatyn. Būdan bölek, ol «Jūldyzdy jol», «Lina Arifulinanyŋ balalar karaokesı» muzykalyq baiqaularynyŋ da jüldesın enşılegen.
Elımızdıŋ namysyn qorǧauǧa attanǧan qarşadai änşınıŋ basqa da qyrlary köp. Bos uaqytynda än aitumen qatar, fortepianoda oinap, kıtap oqidy, bi bileidı, suret salyp, keste tıgedı. At sporty, semserlesuden de qabıletı bar änşı qyz dämdı taǧamdar da äzırlei alady.
Qazaqstandyq änşı Ädemı İnstagramdaǧy paraqşasynda şäkırtın qoldap «Jänel – jaraisyŋ, alda senı talai jeŋıster kütıp tūr!» dep jazdy.
Jansaia SYDYQBAI
