Qai kezde de ırı megapolister üşın jolauşylar tasymaly bırınşı kezekte tūrady. Adamdarǧa sapaly qyzmet körsetude qoǧamdyq kölıktıŋ qozǧalysy men baǧdaryn retteu – kezek küttırmeitın mäselelerdıŋ bırı. Osy tūrǧyda Astana qalasy Jolauşylar kölıgı jäne avtomobil joldary basqarmasynyŋ jolauşylar tasymaly bölımınıŋ basşysy Äbdıhamit Tamabaev äŋgımeleidı.– Qaladaǧy jolauşylar tasymalynyŋ jai-küiı qandai?
– Bügıngı künı qalanyŋ qoǧamdyq kölıkterınde jürgızuşıler jetıspeuşılıgı oryn alyp otyr. Kün saiyn qalada tasymaldyŋ osy jelısın 520 myŋǧa tarta jolauşy paidalanatyndyqtan, keibır baǧdardaǧy avtobustardy jolauşylar aialdamalarda ūzaq kütıp qalatyn jaǧdailar bolatynyn da jasyruǧa bolmaidy. Qyzmet körsetu sapasy men mädenietın arttyru maqsatynda qalanyŋ qoǧamdyq kölıgıne bılıktı, täjıribesı qalyptasqan jürgızuşılerdı ırıktep alu jūmystary tūraqty jürgızılıp keledı.
Sonymen qatar, qalalyq jolauşylar kölıgınıŋ jüiesın jetıldırudı de ūdaiy nazarda ūstaimyz. Soŋǧy jyldary elordanyŋ jol-kölık infraqūrylymynyŋ keŋeitıluıne bailanysty auqymdy ıs-şaralar atqaryldy. Atap aitsaq, jaŋadan 50-den astam aialdama tūrǧyzylyp, 150-ge tarta avtobus satyp alyndy.
– Qalada qoǧamdyq kölıktıŋ jolaqysy qymbattai ma?
– Qalanyŋ qoǧamdyq kölıkterındegı jol jüru biletterınıŋ baǧasyn kötermei, ūstap tūru üşın biudjetten eşqandai qarjylai kömek bölınbeidı. Baǧanyŋ bır qalypty tūruy üşın käsıporynnyŋ ışkı rezervı esebınen qarjy qarastyrylyp, baǧyttyq jelılerdı oŋtailandyru esebınen kün körıp otyrmyz. Astana qalasynda qoǧamdyq kölıkterdıŋ jol jüru biletterı qymbattaityny ras, bıraq ol taiaudaǧy uaqytta bola qoimaidy. Öitkenı, mūndai öte maŋyzdy äleumettık mäselenı şeşu üşın qoǧamdyq ūiymdar men qalalyq mäslihat deputattarynyŋ talqylap, maqūldaulary qajet. Ärı ol bır ret emes, bırneşe ret ötkızıledı. Osy atalǧan qūzyrettı organdardyŋ közın jetkızıp, rūqsatyn alǧannan keiın ǧana bilet baǧasyn ösıre alamyz.
–Qoǧamdyq kölık qozǧalysyn baqylaityn qazırgı zamanǧy arnauly GPS-belgısı turaly ne aitasyz?
– Astananyŋ qoǧamdyq kölıgınde sputniktık GPS-baqylau jüiesı jūmys ıstep keledı. Atalǧan jüie boiynşa «Astana qalasynyŋ jolauşylar tasymaly ortalyǧy» JŞS jüzege asyratyn qala marşruttaryndaǧy qoǧas jiılıgı men jyldamdyqty saqtauyn retke keltırudıŋ naqty mümkındıkterı tudy. Aita berse, būdan basqa da jetıstıkterı barşylyq. Bır sözben aitqanda, ol zamanaui tehnologiialyq jaŋalyq boluda.
