Prezident Nūrsūltan Nazarbaev «100 naqty qadam» Ūlt josparynda äleumettık kömek pen onyŋ atauly sipatyn küşeite otyryp yntalandyrudy mındet etıp qoiǧany belgılı. Osyǧan bailanysty atauly kömek körsetu jüiesınıŋ tiımdılıgın arttyru qolǧa alyndy. Sonyŋ bırı – byltyrǧy qyrküiek aiynan bastap «Örleu» baǧdarlamasy şeŋberınde şartty aqşalai kömek körsetu jūmystary.
2015 jyly bas-aiaǧy 74 adamdy qūraityn 15 janūiaǧa kömek berıldı. Olardyŋ ışınde eŋbekke qabılettı 15 azamatqa jūmys jaǧynan järdem körsetıldı. Atap aitqanda, 14 adam «Jūmyspen qamtu – 2020 jol kartasy» baǧdarlamasy aiasynda jūmysqa ornalasty. Al bıreuı qoǧamdyq jūmysqa tartyldy. Osy jobany ıske asyru üşın 2015 jyly respublikalyq biudjetten 1 mln 900 myŋ teŋge somasynda maqsatty transfertter bölındı.
Qazaqstan Respublikasy Ükımetınıŋ «Respublikalyq biudjetten aǧymdaǧy maqsatty transfertterdı paidalanu Erejesın bekıtu turaly» qaulysyna säikes, 2016 jylǧa qatysty oblystyq biudjetten, Astana jäne Almaty qalalary biudjetınen «Örleu» jobasy boiynşa şartty aqşalai kömek körsetuge qatysty, az qamtylǧan otbasylarǧa şartty aqşalai kömek (būdan ärı-ŞAK) tölenedı.
ŞAK – aqşalai türde tölenedı, ol künkörıs deŋgeiınıŋ somasynan ailyq tabysy 60 paiyzǧa tömen bolatyn (2016 jyldyŋ ekınşı toqsanynda 13735 teŋge boldy) jeke tūlǧalarǧa nemese janūialarǧa otbasynyŋ belsendılıgın arttyrudyŋ qoǧamdyq kelısımşarty negızınde berıledı. Aqşalai järdemaqy otbasynyŋ belsendılıgın arttyrudyŋ qoǧamdyq kelısımşartyn oryndaǧan jaǧdaida ǧana berıledı. Kelısımşart boiynşa, otbasy äleumettık belsendılıktı arttyru kezınde kezdesetın kedergılerdı jeŋumen jūmys jasauǧa mındetteledı.
Qoǧamdyq kelısımşart – Qazaqstan Respublikasynyŋ jūmyssyz, özdıgınen jūmysqa ornalasqan jäne az qamtylǧan azamattar men oralmandardy jūmysqa ornalastyru jaǧynan kömektesetın, halyqty jūmyspen qamtu ortalyǧy arasyndaǧy qūqyqtar men taraptardyŋ mındetterın anyqtaityn kelısım bolyp tabylady.
«Örleu» jobasynda otbasyǧa (jeke tūlǧaǧa) şartty aqşalai kömek körsetu şaralarynyŋ keşenı – jūmyspen qamtuǧa järdemdesetın memlekettık ıs-şaralarǧa otbasynyŋ jūmysqa qabılettı müşesı qatysqan jaǧdaida jäne qajet bolsa, jūmysqa az qabılettı otbasy müşesı äleumettık beiımdelu şarasynan ötıp jatqan jaǧdaida ıske asyrylady.
«Örleu» jobasynyŋ mındetterı – az qamtylǧan jūmysqa qabılettılıgı tömen otbasylardy tek järdemaqymen qamtyp qana qoimai, olardyŋ qoǧamǧa beiımdelgen jäne käsıbi baǧdarlanǧan boluyna qol jetkızu, iaǧni passivtı aqşalai kömekten otbasynyŋ belsendı qoldauşysyna ainaldyru.
Qoǧamdyq kelısımşart resmi tabys aluǧa mümkındık beredı. Osylaişa, bolaşaqta äleumettık jaǧynan qosymşa qamtamasyz etıluı men medisinalyq kömek aluǧa mümkındık tuady. Qoǧamdyq kelısımşart jūmyssyz azamattyŋ jūmyspen qamtuǧa järdemdesetın memlekettık baǧdarlamaǧa (qoǧamdyq jūmys oryndary, jastar praktikasy, uaqytşa qoǧamdyq jūmystar) qatysuyna kepıldık beredı.
Kedeilıktı eŋseru – memleket pen individ arasyndaǧy bırlesken jauapkerşılık. Az qamtylǧan, jūmysqa qabılettılıgı tömen tūlǧalarǧa qoǧamdyq kömek körsetu olardyŋ kedeilıkten şyǧuǧa küş jūmsau belsendılıgıne qarai tölenedı.
Jūmys eŋ üzdık äleumettık kömek ekenı belgılı. Sondyqtan memleket «Örleu» jobasynyŋ barlyq qatysuşylaryna jūmyspen qamtu türınde qoǧamdyq kömek körsetedı, otbasynyŋ auqatty ömır süru deŋgeiıne jetuıne, belsendılıgın arttyruǧa järdemdesedı.
