Memleket basşysynyŋ «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» baǧdarlamasynda körsetılgen mındetter men talaptardy jüzege asyru jūmysy qalalyq äkımdıkke qarasty qūrylymdarda jüielı jürgızılıp keledı.
Köşpelı mäjılıste kürmeuı şeşıldı
Jūmyspen qamtu jäne äleumettık baǧdarlamalar basqarmasy baǧdarlamalyq maqalanyŋ mänı men maŋyzyn tüsındıru maqsatynda basqarmaǧa qarasty mekemelerdı aralap, köşpelı mäjılıs ötkızdı.
Köşpelı jiynǧa qalalyq mäslihat deputattary men käsıpodaq ūiymy ökılderı qatysty.
Qalamyzdaǧy «Balalar psihonevrologiialyq medisinalyq-äleumettık mekemesı», «Tūraqty tūratyn jerı joq tūlǧalaryn äleumettık beiımdeu ortalyǧy», Astana qalasy äkımdıgınıŋ «Jūmyspen qamtu ortalyǧy», «Qarttar men mügedekterge arnalǧan medisinalyq-äleumettık mekemesı» jäne «Psihonevrologiialyq medisinalyq-äleumettık mekemesıne» arnaiy at basyn būrǧan bilık ökılderı bırqatar maŋyzdy mäselelerdı ortaǧa salyp, talqylady.
Eŋbekkerler eŋbek zaŋdylyqtary jönınde keŋınen maǧlūmat beru üşın kei mekemelerge Almaty jäne Saryarqa audandyq prokuratura ökılderı de bas sūqty.
Aldaǧy uaqytta da mūndai tüsındırme jūmystaryna prokuratura ökılderı, memlekettık eŋbek inspektorlary bır kısıdei jūmyla atqaratyn bolady.
Bırlesken otyrysta qaraldy
Baǧdarlamalyq maqala jaryq körgen künnen bastap ony talqylau maqsatynda qalalyq äkımdık pen äkımdıkke qarasty mekemelerdıŋ qatysuymen 4 ret bırlesken otyrys ötkızılıptı. Būǧan jūmys beruşıler, jūmyspen qamtu baǧdarlamasyna qatysuǧa nietı bar özge de qūrylym ökılderı qatysqan. Mūndai bırlesken jiyndardyŋ maŋyzy zor. Öitkenı, bos jūmys oryndary, qai mekeme qandai mamanǧa zäru, aldaǧy uaqytta qandai mamandardy daiarlauǧa män bergen jön degen mäselelerdıŋ bärı osyndai bas qosular nätijesınde mälım bolady.
Jūmyspen qamtu jäne äleumettık baǧdarlamalar basqarmasynyŋ «Nūr Otan» HDP Astana qalalyq filialymen bırlesıp ötkızgen aşyq esık künı nätijesınde jūmyssyz jürgen jandar qamqorlyqqa alynyp, olardy jūmysqa ornalastyruǧa jaǧdai jasaldy. Aşyq esık künıne qalalyq äkımdıktıŋ qūrylymdary men Parlament Mäjılısınıŋ deputattary da qatysty.
*Derek pen däiek
- 2009-2010 jyldardaǧy Jol kartasy aiasynda oqytu kurstarynan ötken 1394 adam tügeldei jūmysqa ornalastyryldy.
- 2011-2012 jyldary 2219 adam käsıptık oqudy tämamdady. Onyŋ ışınde baǧdarlamaǧa qatysuşy 1535 jan jūmysqa ornalasty, 441-ı jūmysqa ornalastyrudy qajet etedı. 328-ı belgılı sebepterge bailanysty jūmys ısteuden bas tartsa, 104 adam oqytu kurstaryn tämamdaǧan soŋ öz betterınşe jūmys ızdeudı jön dep tapqan.
- «Jūmyspen qamtu – 2020» baǧdarlamasynyŋ bırınşı baǧytyna säikes Astana qalasynda 2012 jyly 483 adamdy sūranysqa ie mamandyqtar boiynşa oqytu qarastyrylǧan.
- Jūmyspen qamtu ortalyqtarynda oqytu, tūraqty jäne uaqytşa jūmys tabu, «Jūmyspen qamtu – 2020» baǧdarlamasy aiasynda jastar praktikasyna qatysu mäselelerıne qatysty 820-dan astam keŋes berıldı.
- 352 jūmys beruşımen niet hattamasy jasaldy.
- Jyl basynan berı üş ret «Bos jūmys oryndary» järmeŋkesı ūiymdastyryldy.
- «Sislab» jobasy aiasynda oqyp şyqqan 200 adamnyŋ 102-ı jūmysqa ornalasty, 9-y özınıŋ jeke ısın aşty. Joba boiynşa jūmysqa ornalastyru 57,5 paiyzdy körsetıp otyr.
Şynar DOSAN
