Keşe Astana qalasy mäslihatynyŋ kezekten tys 32-sessiiasy öttı. Sessiiany mäslihat hatşysy Erlan Kanalimov aşyp, jürgızdı. Jiynǧa qala äkımınıŋ orynbasary Eset Baiken qatysty.
Deputattar aldynda «Azamattardyŋ qauıpsızdıgın qamtamasyz etu jönındegı qūqyq qorǧau organdary jūmysynyŋ jai-küiı turaly Astana qalasy Polisiia departamentınıŋ basşysy, polisiia polkovnigı Marat Tölebaev baiandama jasady.
Qalalyq Polisiia departamentınıŋ basşysy öz sözınde qoǧamdyq tärtıptı saqtau salasynyŋ qazırgı jaǧdaiy men qūqyq būzuşylyqtardyŋ aldyn alu şaralaryna toqtaldy. Azamattardyŋ qauıpsızdıgın saqtauǧa bailanysty qolǧa alynyp otyrǧan jūmys josparlaryn aita kelıp, qylmyspen kürestegı bügıngı taŋda ıs-şaralarmen tanystyrdy, sondai-aq qoǧamdyq tärtıptı saqtau jäne jol qauıpsızdıgın qamtamasyz etu boiynşa atqarylyp jatqan jūmystar turaly keŋınen baiandady. Būdan özge, äkımşılık jäne qylmystyq ıs jürgızu qyzmetınde sifrlandyrudy engızuge köŋıl bölındı.
Işkı ıster organdaryndaǧy halyqpen etene jaqyn jūmys ısteitın sala qyzmetkerlerınıŋ bırı – kölık poliseilerı. Qazır osy baǧytta biylǧy 21 säuırden bastap köşedegı kölık qūraldarynyŋ qozǧalysyn baqylauda «Qorǧau» mobildı qosymşasy paidalanylady. Jaqynda ǧana jürgızılgen reid kezınde osy qondyrǧynyŋ kömegımen qalada 84 jürgızuşınıŋ jalǧan nömırmen jürgenı anyqtalyp, polisiia 1690 jol jüru erejesın būzuşyny toqtatty. Sondai-aq jyl basynan berı 13 myŋnan asa qoǧamdyq tärtıptı būzǧan azamatqa 42 million teŋgeden asa aiyppūl salyndy.
Būl negızde beinebaqylau kameralarynyŋ da kömegı orasan zor. Qazır qala köşelerınde 28 myŋ beinekamera ornatylǧan. Äsırese keiıngı kezde qala mektepterın beinekameramen jabdyqtauǧa basa köŋıl bölınude. Şaharda 318 bılım beru mekemesınde beinebaqylau jūmys ıstep tūr. Aldaǧy uaqytta būlardyŋ sanyn arttyru josparlanyp otyr.
Ūiymdasqan qylmyspen küres jönındegı basqarma jūmysy jandana tüsude. Ştaty keŋeitılıp, arttehnikalarmen jabdyqtaluda.
Qazır polisiia organynda «Sifrlyq polisiia» jobasyn keŋınen jüzege asyruǧa küş salynuda. Osy negızde beinetırkeu retınde smartfondardy jalǧa alu jüiesı qolǧa alynyp otyr.
Organda qyzmetkerlerdı äleumettık jaǧynan qoldap, moraldık kötermeleu jaǧy da oidaǧydai. Tek keiıngı ekı jyldyŋ özınde Memleket basşysy Jarlyǧymen 11 qyzmetker memlekettık nagradaǧa ie bolyp, ındetpen küreste belsendılık tanytqany üşın 75 polisei «Halyq alǧysy» medalıne ie boldy.
– Qalada Jedel basqaru ortalyǧynyŋ jūmysy jaqsy jolǧa qoiylǧan. Qiyn jaǧdai tuyndaǧanda, kömek kerek kezde azamattar osy ortalyqqa aryz-şaǧymy men ötınışın jıberedı. Bızdıŋ eŋ basty maqsatymyz – olardyŋ tynyştyǧy men qauıpsızdıgın qamtamasyz etu üşın barlyq qajettı şaralardy qabyldau, – dedı Marat Tölebaev.
