Qazaq muzyka önerınde özınıŋ erekşe qoltaŋbasy bar talantty kompozitor, Qazaqstannyŋ eŋbek sıŋırgen qairatkerı, Qazaqstan Respublikasy Memlekettık syilyǧynyŋ laureaty, Astana qalasynyŋ Qūrmettı azamaty Tölegen Mūhamedjanovtyŋ mereilı 75 jyldyǧyna orai «Astana opera» teatrynyŋ Küläş Baiseiıtova atyndaǧy Kameralyq zalda «Muzyka – sezım şyraǧy» keşı öttı.
Ūlttyq muzyka önerınde erekşe qyzmet etken kompozitor elordanyŋ alǧaşqy jyldarynda qala äkımınıŋ orynbasary bolyp, bas şahardyŋ ruhaniiaty men mädenietınıŋ damuyna aitarlyqtai üles qosty.
Tölegen Mūhamedjanov – klassikalyq jäne estradalyq janrdy qūstyŋ qos qanatyndai sättı alyp jürgen zamanymyzdyŋ eŋ tanymal, jarqyn avtorlarynyŋ bırı. Onyŋ şyǧarmaşylyq qorjynynda – simfoniialar, operalar, muzykalyq komediialar, ışektı aspaptarǧa arnalǧan kvartetter, simfoniialyq pesalar, Abai öleŋderıne arnalǧan vokaldyq toptamalar, romanstar, änder, kino men teatrǧa arnalǧan muzyka bar.
Konsertte kompozitordyŋ kameralyq-aspaptyq jäne vokaldyq şyǧarmalary tanymal opera änşılerınıŋ, sausaǧynan bal tamǧan aspapşylar men kameralyq ansamblderdıŋ oryndauynda şyrqalady.
Astananyŋ törınde ötken ädemı keşte Qazaqstannyŋ eŋbek sıŋırgen ärtısı, Qazaqstan Respublikasy Memlekettık syilyǧynyŋ laureaty Şahimardan Äbılov, Qazaqstan Respublikasynyŋ Halyq ärtısı, Qazaqstan Respublikasy Memlekettık syilyǧynyŋ laureaty Nūrjamal Üsenbaeva äsem änderımen körermenderdı baurasa, fortepianoda Qazaqstannyŋ eŋbek sıŋırgen qairatkerı Amir Tebenihin, fleitada Qazaqstannyŋ eŋbek sıŋırgen qairatkerı Bekbolat Baisaǧatov keremet öner körsettı. Fortepiano partiiasyn – Qazaqstannyŋ eŋbek sıŋırgen qairatkerı Rauşan Beskembirova men halyqaralyq baiqaulardyŋ diplomanty Janar Ahmetova şeber oryndap şyqsa, «FORTE TRIO» QR Memlekettık triosy fortepiano, skripka, violonchelmen oryndaǧan klassikalyq şyǧarmalarǧa jinalǧan qauym du qol şapalaqtap qolpaştap otyrdy.
Konsertte Ǧ.Jūbanova atyndaǧy Memlekettık ışektı aspaptar kvartetı öner körsettı. Memlekettık ışektı kvartettıŋ talantty muzykanttarynyŋ şyǧarmaşylyq ündestıgı ärdaiym köpşılıktıŋ nazaryn audaryp, olardyŋ är qoiylymy ünemı tyŋdauşylardyŋ jürekterınen oryn alyp keledı. Ūjym köptegen halyqaralyq festivalderge qatysyp, bırneşe ret eŋ bedeldı älemdık konserttık alaŋdarda Qazaqstannyŋ atynan öner körsetkenı mälım. Bügıngı keşte kvartettıŋ baǧdarlamasynda fortepianolyq pesalar toptamasy, fortepianolyq trio, Li Bonyŋ öleŋderıne arnalǧan vokaldyq toptama, Qairolla Jūmakenovtı eske aluǧa arnalǧan fleitanyŋ jeke oryndauyna arnalǧan sonatina, fortepianoǧa arnalǧan «Mimoletnosti»
Abai öleŋderıne arnalǧan vokaldyq toptamasy men Ǧaziza Jūbanovany eske aluǧa arnalǧan №1 ışektı aspaptar kvartetı, keşke qatysqan barlyq öner tarlandary kompozitor T.Mūhamedjanovtyŋ şyǧarmalaryn oryndap, elordalyqtar aldynda airyqşa klassikalyq muzyka keşınıŋ, muzyka merekesınıŋ aiqyn ülgısın körsettı.
Gazetımızdıŋ aldaǧy nömırlerınde keş iesı, kompozitor Tölegen Mūhamedjanovpen arnaiy sūhbatymyzdy oqi alasyzdar.
