Dünie jüzınde Halyqaralyq qarttar künı jyl saiyn 1-qazanda atap ötetının bılesızder. Osy aituly merekede bız abzal atalarymyz ben aiauly aq jaulyqty äjelerımızdı, ata-analarymyzdy qūrmettep, syi-syiapat jasaimyz. Sonymen qatar atalǧan būl mereke dünie jüzın jailaǧan qauıptı ındetke bailanysty egde adamdardyŋ tūrmystyq jaǧdailaryn qoldauǧa, olardyŋ densaulyǧyna nazar audaruǧa erekşe köŋıl bölude.
Qarttar künı – tek qana aldyŋǧy bügıngı ūrpaqqa ǧana maŋyzdy emes, sondai-aq ärbır azamatqa da oi salary ülken şara. Sebebı ärbır qariiaǧa qoldau körsetıp, jaǧdailaryn jaqsartuǧa baǧyttalǧan maŋyzdy şara bolǧandyqtan, ony mereke retınde ötkızudı josparladyq.
Jasynyŋ egde tartuyna, densaulyǧynyŋ syr beruıne bailanysty qarttardyŋ köptegen şeşılmegen mäselelerı tuyndaitynyn bılesızder, sondyqtan olarǧa qoldau körsetu tuǧan-tuystary men barşa qoǧamnyŋ mındetı.
Astana qalasynda jylda Qarttar künı keŋ auqymda ötkızıledı.
Qalalyq Ardagerler keŋesı ökılettı, atqaruşy organdardy, jūmys beruşılerdı, biznes qūrylymdarynyŋ ökılderın, erıktılerdı, qoǧamdyq ūiymdardy Qarttar merekesı qarsaŋynda jäne sol künderı egde jastaǧy azamattarǧa, äsırese mügedek ardagerlerge, jeke tūratyn zeinetkerlerge, az qamtylǧan qarttarǧa arnaiy köŋıl böluge şaqyrady. Olarǧa materialdyq tūrǧydan kömek körsetuge, äleumettık-tūrmystyq mäselelerın şeşuge jäne basqa da qoldau körsetudı üilestırıp kelemız.
Qūrmettı eŋbek ūjymdarynyŋ basşylary, biznes qūrylymdarynyŋ ökılderı, sızderdı bükıl ömırı men eŋbek joldaryn bızdıŋ süiıktı qalamyzdyŋ körkeiuıne qomaqty üles qosqan ardagerlerge qoldau körsetuge şaqyramyz!
Äsırese äleumettık – tūrmystyq jäne därı-därmekpen qamtamasyz etuge kömek etseŋızder eken. Bırde-bır qart jalǧyz qalmasyn.
Qūrmettı aǧa buyn ökılderı, soǧys jäne eŋbek ardagerlerı! Sızderdı töl merekelerıŋızben qūttyqtai otyra, adal da eren eŋbekterıŋız üşın, jastarǧa jasaǧan qamqorlyqtaryŋyz üşın alǧys aitamyz!
Sızderdı meiırımdı de jarqyn merekemen qūttyqtaimyz. Egde jasyŋyz qiyndyq tudyrmasyn, densaulyqtaryŋyz syr bermesın, ūrpaqtaryŋyz Sızderdı maqtan tūtsyn!
Sızderge baqytty da baiandy ömır, şaŋyraqtaryŋyzǧa qūt-bereke tıleimız jäne tuǧan-tuystaryŋyz ben jaqyndaryŋyzdyŋ ystyq yqylasy men jürek jyluyna bölene berıŋızder!
Astana qalasynyŋ Ardagerler keŋesı
