Кеше Нұр-Сұлтан қаласында елорданың дамуына үлес қосқан әлеуметтік қызметкерлер, мұғалімдер, педагог, медицина қызметкерлері, полицейлер салтанатты түрде марапатталды.
Нұр-Сұлтан қаласының әкімі Алтай Көлгінов қаланың түрлі салаларындағы қызметкерлерге, оның ішінде энергетиктер, құрылысшылар, экологтар, мұғалімдер, дәрігерлер, полиция, өрт сөндірушілер және басқа да қызметкерлерге алғыс хаттар табыс етті.
Қазақстанның астанасы тәуелсіздік жылдарында біздің мемлекетіміздің әлеуметтік-экономикалық және саяси жетістіктерін бейнелейді, еліміздің өсіп келе жатқан қуатын және оны одан әрі дамытудың жоғары әлеуетін көрсетеді. 21 жыл ішінде елордамыз табысты экономикалық дамудың үлгісі ғана емес, сондай-ақ халықаралық туризмнің тартымды орталығы болып табылатын әлемдік әлеуметтік, экономикалық және мәдени дамудың өзекті мәселелері бойынша халықаралық диалогтық алаңға айналды.
Осы орайда, қала әкімі елордамыздың серпінді дамуының басты күші – оның тұрғындары, әртүрлі салалардағы қызметкерлері, олардың шығармашылық және кәсіби дағдылары үлкен жетістікке қол жеткізетінін атап өтті.
«Бүгінгі астананың әрбір жетістігінің түбінде Сіздердің маңдай тер еңбектеріңіз бен еселі ерліктеріңіз жатыр. Бұл астанаға деген жан-жақты қамқорлықтарыңыздың нәтижесі» деді әкім.
Алтай Көлгінов жұмысшыларға олардың жұмысы мен қаланың дамуы мен өркендеуіне қосқан үлесі үшін алғысын білдірді.
Марапаттау рәсімінен кейін эстрада жұлдыздары өнер көрсеткен қатысушылар үшін мерекелік концерт ұйымдастырылды.
