А.С.Пушкиннің туған күні қарсаңында «Назарбаев орталығы» ММ кітапханасының оқу залында «Екі елдің мұрасымен тұтасқан, біз жақынбыз бауырлас ақындармен» атты оқырман конференциясы ұйымдастырылды.
Шараға Астанадағы Ресей ғылым және мәдениет орталығының өкілі С.Петрова, гуманитарлық колледж студенттері және елорданың орта мектеп мұғалімдері мен оқушылары қатысты.
Алдымен филология ғылымдарының докторы Күлпаш Бейбітова Абай мен Пушкин шығармашылығындағы диалогтың мәнін баяндап, қазіргі жас ұрпақтың Абай армандаған деңгейде өсіп келе жатқандығын тілге тиек етті. Ал, №53 орта мектеп мұғалімі Г.Рахымғазина оқушыларды ұлы ақындардың шығармашылығы арқылы қазақ еліндегі патриотизм мен толеранттылыққа тәрбиелеудегі №59 мектеп-лицейдің мұғалімі М.Тикенова өткізген «А.С.Пушкин және Абай – әлемдік мәдениеттің ақыны» тақырыбында өткізілген дәрісті ортаға салды. Өз кезегінде оқушылар да екі данышпан мұрасының өздері үшін аса құнды екенін атап өтіп, орыс және қазақ тіліндегі шығармаларын оқыды.
Ербол ЖАНАТ, Еркеғали бейсенов
