Астана қаласының әкімі И.Тасмағамбетовтың 2014 жылғы 19 ақпанда халықпен есептік кездесуі барысында «Интернациональный» тұрғын алабының тұрғыны, зейнеткер Қожантай Байкенов әкімге сауал жолдап, күрмеулі жайдың түйінін шешуді сұраған болатын.
Мәселе мынада, тұрғынжайдан 50 метрден кем қашықтықта қазандық орналасқан, яғни, үй қазандықтың санитарлық-қорғау аймағында тұр. Қазіргі уақытта күл үйіндісіне қоршау орнату жұмыстары жүргізіліп, қазандықтағы ағымдағы жағдайды жақсарту жөніндегі ұсыныстар қарастырылды: су қыздыру қазандықтарын ауыстырылып, сұйық отын қолдану, сонымен қатар, барлық қазандықтарға келесі жылыту маусымына дейін шаңнан, газдан тазалау қондырғыларын (циклондар) орнату көзделген.
Кездесу барысында тұрғындар қала басшысына жалпы және жеке тұрғыдағы түрлі сұрақтар қойды. Тұрғындар қозғаған әр мәселе егжей-тегжейлі зерттелгеннен кейін тиісті шаралар қабылданады.
Бұдан басқа, «Интернациональный» тұрғын алабындағы «Ескендiр» кешенінде аула клубы ашылды. Жалпы ауданы – 400 шаршы метр. Мекемеде күрес, теннис, би, жаттығу залдары, электронды кітапхана және ардагерлер мен зейнеткерлерге арналған үстел ойындары (шахмат, дойбы) үшін жабдықталған демалыс бөлмесі бар.
Сағи ОРАЛ
