Жаңалықтар
Жалпыұлттық ата-аналар жиналысы
Білім және ғылым министрлігінің бастамасымен 15 мамырда ата-аналардың жалпыұлттық жиналысы өтеді.
15 мамыр – Халықаралық отбасы күні. Министрлік ұйымдастыратын жиналыста еліміздегі мектеп және балабақшалар, ата-аналар, мұғалімдер және оқушылар арасындағы ортақ мәселелер талқыланады. Сонымен қатар жалпыұлттық жиналыс аясында ата-аналар мектепке келіп, мектеп басшыларымен, сынып жетекшілерімен және мұғалімдермен кездесіп, өздерін қызықтыратын сауалдарға жауап ала алады. Осыған орай, ҚР Білім және ғылым министрі Күләш Шәмшидинова ата-аналар балалары оқитын мектепке барып үлгеруі үшін жұмыс берушілерден осы күні қызметкерлерді жұмыстан ерте босатуды сұрады.