Нұр-Сұлтанда «Тіл мәртебесі – ел мәртебесі» атты пікір алмасу кездесуі өтті. Шара барысында Нұр-Сұлтан қаласы Тілдерді дамыту және архив ісі басқармасының басшысы Сәкен Есіркеп жастармен пікір алмасып, тілге қатысты сұрақтарға жауап берді.
Жастар ресурстық орталықтарының негізгі бағыттары шеңберінде бейресми білім беру арқылы жасөспірімдер мен жастардың жеке және әлеуметтік дамуына ықпал ету және жастардың бос уақытын ұйымдастыру, шығармашылық түрде өзін-өзі жүзеге асыруы және өзін-өзі растауы үшін жағдай жасау болып табылады.
«Бүгінгі кездесудің негізі – жастарға тіл саясатын түсіндіру, мемлекеттік тілді насихаттау және жастардың тіл саясатын жүргізуде әлеуетін көтерудегі идеяларымен танысу. Сонымен қатар мақсат-мүдделер болған жағдайда бірге жұмыс жасау. Қазіргі таңда бізде көп креативті идеялар бар. Мәселен, тик-ток пен инстаграмда жастардың арасында танымал платформаларда қандай жұмыстарды жасай аламыз, жастар бізге нендей көмек бере алады және олардың идеяларын қалай қолдай аламыз деген. Біз жастарды ұмытпауымыз қажет. Себебі олар – елдің болашағы, мемлекеттің тұтқасын ұстайтын азаматтар» деді С.Есіркеп.
