«100 жаңа есімге» кім лайық?
Нұр-Сұлтан қаласында «Қазақстанның 100 жаңа есімі» жобасының үшінші кезеңі өтіп жатыр. Елордалықтар 1 қарашаға дейін жобаға қатысу өтінімдерін бере алады.
2019 жыл Тұңғыш Президент – Елбасы ұсынысымен Жастар жылы болып белгіленгендіктен, биылғы жобаға 39 жасқа дейінгі жас қазақстандықтардың жетістіктерінің тарихын іздеуге және таңдауға ерекше назар бөлу жоспарланған.Үміткерлер 100janaesim.ruh.kz сайтында өтінім толтырып және қалауы бойынша өз жетістіктері туралы бейнероликті жүктеп жобаға қатыса алады. Өтінімдерді қабылдау 2019 жылғы 1 қазанынан 1 қарашаға дейін жүзеге асырылады. Осыған орай, ұйымдастырушылар елорданың мәдениет, денсаулық сақтау, ғылым, бизнес, спорт, қоғам саласында қызмет етіп, Қазақстанды көркейтуге үлес қосып жатқан азаматтарды жобаға қатысуға шақырады.