استانادا 13 قازاندا «سامۇرىق-قازىنا» جىلجىمايتىن مۇلىك قورى» اق «قولجەتىمدى تۇرعىن ءۇي – 2020» باعدارلاماسى بويىنشا باسپانا الۋعا قۇجاتتار قابىلداۋ باستايدى.
ەستەرىڭىزدە بولسا, تۇرعىن ءۇي قۇرىلىسىن دامىتۋ ماسەلەسىن كەشەندى شەشۋ ماقساتىندا قازاقستان رەسپۋبليكاسى ۇكىمەتىنىڭ 2012 جىلعى 21 ماۋسىمداعى №821 قاۋلىسىمەن «قولجەتىمدى تۇرعىن ءۇي – 2020» باعدارلاماسى بەكىتىلگەن بولاتىن. باسپاناعا مۇقتاج ازاماتتاردى باعاسى قولجەتىمدى پاتەرلەرمەن قامتاماسىز ەتۋدىڭ بىرنەشە جولىن قاراستىرعان باعدارلامانىڭ ءبىر باعىتى – «سامۇرىق-قازىنا» جىلجىمايتىن مۇلىك قورى» اق ارقىلى تۇرعىن ۇيلەردى ارزان باعاعا ساتۋ, جالعا وتكىزۋ. بيىل «سامۇرىق-قازىنا» جىلجىمايتىن مۇلىك قورى» اق قالا اكىمدىگى ارقىلى ءبىر شارشى مەترى 180 مىڭ تەڭگەلىك 678 پاتەردى پايدالانۋعا بەرۋدى جوسپارلاپ وتىر. ونىڭ ىشىندە: 347 ەكى بولمەلى (جالعا – 43, ساتىلىمعا – 304), 331 ءۇش بولمەلى (جالعا – 126, ساتىلىمعا – 205) پاتەر بار. وسىعان بايلانىستى استانا قالاسىنىڭ اكىمدىگى قازان ايىنىڭ 13-25-ءى ارالىعىندا ۇمىتكەرلەردەن قۇجات قابىلداناتىنىن حابارلايدى. ازاماتتارعا ىڭعايلى بولۋى ءۇشىن قۇجاتتار استانا قالاسى, رەسپۋبليكا داڭعىلى 34-ءۇي مەكەنجايى بويىنشا ورنالاسقان «جاستار» سارايىندا قابىلدانادى.
(دۇيسەنبى-جۇما ارالىعىندا ساعات 9.00-دەن 18.00-گە دەيىن, سەنبىدە – 9 .00-دەن 13.00-گە دەيىن).
استانا قالاسىندا «سامۇرىق-قازىنا» جىلجىمايتىن مۇلىك قورى» اق-نىڭ تۇرعىن ۇيلەرى باعىتى بويىنشا باعدارلاماعا قاتىسۋعا قۇقىعى بار ازاماتتار ساناتتارى
باعدارلامانىڭ اتالمىش باعىتى بويىنشا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان جانە مەملەكەتتىك قىزمەتكەرلەر, بيۋدجەتتىك ۇيىم قىزمەتشىلەرىنە, اسكەري قىزمەتكەرلەر, عارىشكەرلiككە كانديداتتار, عارىشكەرلەر, ارناۋلى مەملەكەتتiك ورگان قىزمەتكەرلەرi جانە مەملەكەتتiك سايلانبالى قىزمەت اتقاراتىن ادامدار, حالىقتىڭ الەۋمەتتىك ءالسىز توبىنا جاتاتىن ازاماتتار (ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن جاندار, 1-ءشى جانە 2-توپتاعى مۇگەدەكتەر, مۇگەدەك بالالارى بار نەمەسە ولاردى تاربيەلەۋشى وتباسىلار, قازاقستان رەسپۋبليكاسىنىڭ ۇكiمەتi بەكiتكەن اۋرۋلار تiزiمiندە اتالعان كەيبiر سوزىلمالى اۋرۋلاردىڭ اۋىر تۇرلەرiمەن اۋىراتىن ادامدار, جەتىم بالالار مەن اتا-اناسىنىڭ قامقورلىعىنسىز قالعان بالالار, ورالماندار, ەكولوگيالىق زiلزالالار, تابيعي جانە تەحنوگەندi سيپاتتاعى اپاتتار سالدارىنان باسپاناسىنان ايىرىلعان ادامدار; كوپ بالالى وتباسىلار, مەملەكەتتiك نەمەسە قوعامدىق مiندەتتەرiن, اسكەري قىزمەتiن ورىنداۋ كەزiندە, عارىش كەڭiستiگiنە ۇشۋعا دايىندالۋ نەمەسە جۇزەگە اسىرۋ كەزiندە, ادام ءومiرiن قۇتقارۋ كەزiندە, قۇقىق ءتارتiبiن قورعاۋ كەزiندە قازا تاپقان (قايتىس بولعان) ادامداردىڭ وتباسىلارى, تولىق ەمەس وتباسىلار) ساناتىنا جاتاتىن جاندار قاتىسا الادى.
ەسكەرتۋ: باعدارلامانىڭ اتالمىش باعىتى بويىنشا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدىلار ەسەبىندە تۇرعان ۇلى وتان سوعىسىنا قاتىسۋشىلار مەن قازاقستان رەسپۋبليكاسى زاڭدارىندا بەلگىلەنگەن تارتىپتە جالعىز تۇرعىن ءۇيى اپاتتى دەپ تانىلعان ازاماتتار قاتىسا المايدى.
تۇرعىن ءۇي كوميسسياسىنىڭ ۇمىتكەرلەردى ىرىكتەۋ ءتارتىبى:
باعدارلاما قاتىسۋشىلار اراسىندا ىرىكتەۋدى تۇرعىن ءۇي كوميسسياسى جەرگىلىكتى اتقارۋشى ورگانى تۇزگەن كوممۋنالدىق تۇرعىن ءۇي قورىنان تۇرعىن ۇيگە مۇقتاج ازاماتتار تىزىمىندەگى كەزەكتىلىك ءتارتىبىن ەسكە الا وتىرىپ جۇرگىزەدى.
بۇل رەتتە, قۇجاتتاردى تاپسىرۋ كۇنى ۇمىتكەرلەردى ىرىكتەۋگە ەش اسەرىن تيگىزبەيدى.
قابىلدانعان قۇجاتتار نەگىزىندە, سونداي-اق, كوممۋنالدىق تۇرعىن ءۇي قورىنان تۇرعىن ۇيگە مۇقتاج ازاماتتار ءتىزىمىن تۇگەندەۋ بويىنشا جۇمىس جۇرگىزىلەتىن بولادى. ەگەر كەزەكتە تۇرۋشىنىڭ قازاقستان رەسپۋبليكاسى اۋماعىندا تۇرعىن ءۇي ساتىپ الىنعاندىعى, تۇرعىن ءۇيدى يەلىكتەن شىعارۋ قارەكەتىنە بارعاندىعى نەمەسە كوممۋنالدىق تۇرعىن ءۇي قورىنان تۇرعىن ءۇي بەرۋ ءۇشىن نەگىزدەمەسى جويىلعان جاعدايدا باعدارلاماعا قاتىسۋشى كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىنەن شىعارىلادى جانە ىرىكتەۋدەن وتكەن باعدارلاماعا قاتىسۋشىلارىنىڭ تىزىمىنە ەنگىزىلمەيدى.
قاتىسۋشىلاردىڭ وتىنىشتەرىن تۇرعىن ءۇي كوميسسياسى قۇجاتتاردى تاپسىرۋ ساتىندە ءوتىنىشتە كورسەتىلگەن پاتەرلەردىڭ ءتيىستى تۇرلەرى بويىنشا قاراستىراتىن بولادى (پاتەرلەر تۇرلەرى تومەندە كورسەتىلگەن).
تۇرعىن ءۇي ەكى باعىت بويىنشا بەرىلەتىن بولادى:
1) بىرتىندەپ ساتىپ الۋ قۇقىعىمەن جالعا بەرۋ
بىرتىندەپ ساتىپ الۋ قۇقىعىمەن جالعا 169 پاتەر بەرىلەدى, ونىڭ ىشىندە:
43-ءى ەكى بولمەلى;
126-سى ءۇش بولمەلى.
بىرتىندەپ ساتىپ الۋ قۇقىعىمەن بەرىلەتىن جالدامالى پاتەرلەردى ساتىپ الۋعا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان جانە مەملەكەتتىك قىزمەتكەرلەر, بيۋدجەتتىك ۇيىم قىزمەتشىلەرى, اسكەري قىزمەتكەرلەر, عارىشكەرلiككە كانديداتتار, عارىشكەرلەر, ارناۋلى مەملەكەتتiك ورگان قىزمەتكەرلەرi جانە مەملەكەتتiك سايلانبالى قىزمەت اتقاراتىندار, حالىقتىڭ الەۋمەتتىك ءالسىز توبىنا جاتاتىن ازاماتتار (ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن تۇلعالار, 1-ءشى جانە 2-توپتاعى مۇگەدەكتەر, مۇگەدەك بالالارى بار نەمەسە ولاردى تاربيەلەۋشى وتباسىلار, قازاقستان رەسپۋبليكاسىنىڭ ۇكiمەتi بەكiتەتiن اۋرۋلار تiزiمiندە اتالعان كەيبiر سوزىلمالى اۋرۋلاردىڭ اۋىر تۇرلەرiمەن اۋىراتىن ادامدار, جەتىم بالالار مەن اتا-اناسىنىڭ قامقورلىعىنسىز قالعان بالالار, ورالماندار, ەكولوگيالىق زiلزالالار, تابيعي جانە تەحنوگەندi سيپاتتاعى توتەنشە جاعدايلار سالدارىنان تۇرعىن ۇيiنەن ايىرىلعان ادامدار; كوپ بالالى وتباسىلار, مەملەكەتتiك نەمەسە قوعامدىق مiندەتتەرiن, اسكەري قىزمەتiن ورىنداۋ كەزiندە, عارىش كەڭiستiگiنە ۇشۋدى دايىنداۋ نەمەسە جۇزەگە اسىرۋ كەزiندە, ادام ءومiرiن قۇتقارۋ كەزiندە, قۇقىق ءتارتiبiن قورعاۋ كەزiندە قازا تاپقان (قايتىس بولعان) ادامداردىڭ وتباسىلارى, تولىق ەمەس وتباسىلار) ساتىپ الۋىنا بولادى.
«سامۇرىق-قازىنا» جدىلجىمايتىن مۇلىك قورى» اق 2014 جىلعا بىرتىندەپ ساتىپ الۋ جولمەن جالعا بەرۋ ءۇشىن سالعان پاتەرلەر:
بىرتىندەپ ساتىپ الۋ قۇقىعىمەن تۇرعىن ءۇي جالعا 15 جىل مەرزىمگە دەيىن بەرىلەتىن بولادى, بۇل رەتتە جالعا الۋدىڭ ەڭ مينيمالدى مەرزىمى – 3 جىل ء(ۇش جىل وتكەن سوڭ جالعا الۋشى پاتەردى مەزگىلىنەن بۇرىن ساتىپ الۋعا قۇقىعى بار).
قۇجاتتارىن تاپسىرار الدىندا ءوتىنىش بەرۋشى ءوز بەتىمەن قوردىڭ www.fnsk.kz. سايتىندا تولەمقابىلەتتىلىگىن الدىن الا تەكسەرىپ كورۋىنە بولادى.
2)ءوز قارجىسى ەسەبىنەن, تۇرعىن ءۇي قۇرىلىس جيناق بانكى جەلىسى, ەكىنشى دەڭگەيلى بانكتەردەن كرەديت رەسىمدەۋ ارقىلى تىكەلەي ساتىپ الۋ.
ءوز يەلەگىنە قولما-قول ساتىپ الۋ ءۇشىن 509 پاتەر ءبولىنىپ وتىر, ونىڭ ىشىندە:
–304-ءى ەكى بولمەلى;
–205-ءسى ءۇش بولمەلى.
اتالعان باعىت بويىنشا تۇرعىن ءۇيدى تەك قانا استانا قالاسىندا مەملەكەتتىك تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان مەملەكەتتىك قىزمەتكەرلەر, بيۋدجەتتىك ۇيىم قىزمەتكەرلەرى, عارىشكەرلىككە ۇمىتكەرلەر, عارىشكەرلەر, ارنايى مەملەكەتتىك ورگان قىزمەتكەرلەرى جانە مەملەكەتتىك سايلانبالى لاۋازىمداعى تۇلعالار ساتىپ الۋىنا بولادى.
ءبىر شارشى مەتردىڭ قۇنى – 180 مىڭ تەڭگە.
«سامۇرىق-قازىنا» جىلجىمايتىن مۇلىك قورى» اق سالعان جانە 2014 جىلعا ءوز قاراجاتى ەسەبىنەن, تۇرعىن ءۇي قۇرىلىس جيناق بانكى جەلىسى, ەكىنشى دەڭگەيلى بانكتەردەن كرەديت راسىمدەۋ ارقىلى قولما-قول ساتىپ الۋعا ارنالعان پاتەرلەر:
باعدارلاما قاتىسۋشىلارىنا قويىلاتىن نەگىزگى تالاپتار:
استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرۋ جانە «تۇرعىن ءۇي قاتىناستارى تۋرالى» قر زاڭىندا كورسەتىلگەن تۇلعالار ساناتىندا بولۋ;
ءوتىنىش بەرۋشى مەن ونىڭ وتباسى مۇشەلەرىنىڭ مەنشىك قۇقىعىندا قازاقستان رەسپۋبليكاسى اۋماعىندا تۇرعىن ءۇيدىڭ بولماۋى;
تۇرعىن ءۇي جاعدايلارىن قاساقانا ناشارلاتۋ فاكتىلەرىنىڭ بولماۋى, ياعني, قازاقستان رەسپۋبليكاسى اۋماعىندا سوڭعى بەس جىلدىڭ ىشىندە ءوتىنىش بەرۋشىنىڭ, سونداي-اق, ونىڭ وتباسى مۇشەلەرىنىڭ مەنشىك قۇقىعىندا تيەسىلى تۇرعىن ءۇيدى يەلىكتەن شىعارۋ فاكتىسىنىڭ ورىن الماۋى;
ءوتىنىش بەرۋشى مەن ونىڭ بارلىق وتباسى مۇشەلەرىنىڭ تۇرعىلىقتى جەرى بويىنشا استانا قالاسىندا تىركەۋدە بولۋى;
بىرتىندەپ ساتىپ الۋ قۇقىعىمەن بەرىلەتىن جالدامالى ءۇي اقىسىن تولەۋگە قابىلەتتىگى نەمەسە تۇرعىن ءۇيدى ءوز قاراجاتى ەسەبىنەن نەمەسە قارىزدانۋ ارقىلى ساتىپ الۋعا دايىندىعى.
تۇرعىن ءۇي بەرۋ ءراسىمىنىڭ ايقىندىلىعىن قامتاماسىز ەتۋ ماقساتىندا بارلىق قاتىسۋشىلار ءتىزىمى تىركەۋگە تۇرعان كۇنى كورسەتىلە وتىرىپ, استانا قالاسى اكىمدىگىنىڭ www.astana.kz. جانە استانا قالاسى تۇرعىن ءۇي باسقارماسىنىڭ uzh.astana.kz رەسمي سايتتارىنا ورنالاستىرىلادى, كەيىننەن ىرىكتەۋدەن وتكەن (ۇمىتكەرلەر) ازاماتتار ءتىزىمى باق-تا ينتەرنەت رەسۋرستاردا (astana.kz, uzh.astana.kz) جاريالانادى.
باعدارلاماعا قاتىسۋ ءۇشىن قاجەتتى قۇجاتتار ءتىزىمى:
1) باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ جەكە باسىن كۋالاندىراتىن قۇجات (نوتاريالدى راستالعان كوشىرمەسى);
2) نەكە (نەكەنى بۇزۋ) تۋرالى قۇجات, جۇبايىنىڭ/زايىبىنىڭ قايتىس بولۋى, بالالارىنىڭ تۋ تۋرالى كۋالىكتەرى (نوتاريالدى راستالعان كوشىرمەسى);
3) باعدارلاماعا قاتىسۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعىندا جىلجىمايتىن مۇلكىنىڭ بولۋى نەمەسە بولماۋى تۋرالى انىقتاما (حقو-دان الىنادى);
4) باعدارلاما قاتىسۋشىلارىندا تۇرعىن ۇيگە ۇلەسى بولعان جاعدايدا تۇرعىن ۇيگە مەنشىك قۇقىعىن راستايتىن قۇجات, تەحنيكالىق جوسپارى (نوتاريالدى راستالعان كوشىرمەسى);
5) باعدارلاماعا قاتىسۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ استانا قالاسىندا تۇراتىنىن راستايتىن مەكەنجاي انىقتاماسى;
6) ءوتىنىش بەرۋشىنىڭ جەڭىلدىگىن راستايتىن نوتاريالدى راستالعان قۇجاتتار كوشىرمەسى (چەرنوبىل اتوم ەلەكتر ستانساسىنداعى اپاتتىڭ سالدارىن جويۋعا قاتىسۋشى كۋالىگى, اۋعانستان دەموكراتيالىق رەسپۋبليكاسىنداعى اسكەري ۇرىس– قيمىلدارعا قاتىسۋشى كۋالىگى, ورالمان كۋالىگى, زەينەتاقى كىتاپشاسى, كوپ بالالى انا كىتاپشاسى, 1 جانە 2 توپتاعى مۇگەدەكتىلىگى بويىنشا دكك انىقتاماسى, اكەلىگىن انىقتاۋ تۋرالى كۋالىك نەمەسە تولىق ەمەس وتباسىلار ءۇشىن №4 انىقتاما, اتا-اناسىنىڭ قايتىس بولعاندىعى جونىندەگى كۋالىك, سوتتىڭ اتا-انا قۇقىعىنان ايىرۋ تۋرالى شەشىمى, قورعانشىنى تاعايىنداۋ تۋرالى قاۋلى نەمەسە انا-اناسىنىڭ قامقورلىعىنسىز قالعان بالالار مەن جەتىم-بالالار ءۇشىن بالالار ۇيىنەن انىقتاما);
7) جۇمىس ورنىنان انىقتاما جانە مەملەكەتتىك قىزمەتكەرلەر, بيۋدجەتتىك ۇيىم قىزمەتكەرلەرى, اسكەري قىزمەتشىلەر ءۇشىن كادرلار قىزمەتىمەن كۋالاندىرىلعان ەڭبەك كىتاپشاسىنىڭ كوشىرمەسى;
8) استانا قالاسى بويىنشا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە كەزەكتە تۇرۋشىنىڭ انىقتاماسى (اتالعان انىقتامانى استانا قالاسىنىڭ تۇرعىن ءۇي باسقارماسىنان نەمەسە استانا قالاسى اكىمدىگىنىڭ ينتەرنەت-سايتىنان www. e.astana.kz شىعارىپ الۋعا بولادى);
9) ەگەر ءوتىنىش بەرۋشى تۇرعىن ءۇيدى تىكەلەي ساتىپ الۋعا تىلەك بىلدىرگەن جاعدايدا, تۇرعىن ءۇيدى ءوز قاراجاتى ەسەبىنەن ساتىپ الۋعا دايىندىعى تۋرالى ءوتىنىش ۇسىنۋى قاجەت.
10) قۇجات تىگىلەتىن پاپكا.
