جاڭالىقتارقالا تىرشىلىگى
«ءار تۇرعىنعا – قاۋىپسىز ازىق-تۇلىك»
كەشە ەلورداداعى «استانالىق بازار», «شاپاعات», «اسەم» بازارلارىندا وسى اتتاس اكتسيا باستالدى. بۇل شارا ءۇش كۇن بويى وتكىزىلەدى.
اكتسيانىڭ العاشقى كۇنىندە 278 تاعام ءونىمىنىڭ سىناماسى تەكسەرىلدى, سونىڭ ىشىندە 210 سىناما جەمىس-جيدەك پەن كوكونىستەردى نيتراتتىڭ قالدىعىنا, 69 سىناما تاعام ونىمدەرىنىڭ ميكروبيولوگيالىق لاستانۋىن انىقتاۋعا تەكسەرىلدى. تەكسەرۋلەر قورىتىندىسى بويىنشا بارلىق ونىمدەر تالاپتارعا سايكەس كەلەتىنى جانە قولدانۋعا قاۋىپسىز ەكەنى انىقتالدى.
اكتسيا بارىسىندا 74 ساتىپ الۋشى استانا قالاسى تۇتىنۋشىلار قۇقىقتارىن قورعاۋ دەپارتامەنتى قىزمەتكەرلەرىنە وزدەرىن مازالاعان ماسەلەلەر بويىنشا سۇراقتارىن قويدى. اتاپ ايتقاندا, تاۋاردى قالاي قايتارۋعا, ءسۇتتىڭ, شۇجىقتىڭ, ىرىمشىكتىڭ ساپاسىن قالاي انىقتاۋعا بولاتىنى تۋرالى كەڭەستەر بەرىلدى.