ادام بالاسىنىڭ بويىنان تەك جاقسىنى كورۋمەن عانا تىنباي, ءوزi دە اينالاسىنداعىلارعا iزگiلiك نۇرىن سەۋiپ, جاقسىلىق جاساۋعا دايىن تۇراتىن جاندار بولادى. استانالىق ءاپريزا قۇسايىنقىزى سولاردىڭ قاتارىنان.
نەگiزi, استانانىڭ بايىرعى تۇرعىندارى ءاپريزانى جاقسى تانيدى. ويتكەنi, ول – وسى جەردiڭ تۋماسى. قىزمەت بابىمەن, باسقا دا ماقساتتارمەن ەلورداعا بەرتiندە كەلگەن كوپشiلiككە دە ونىڭ ەسiمi تاڭسىق ەمەس. سەبەبi, ول ۇنەمi قالانىڭ مادەني ومiرiنە قاتىستى وقيعالاردىڭ باسى-قاسىندا جۇرەدi. سوندىقتان, بۇل قالادا ءاپريزانى تانىمايتىن ادام كەمدە-كەم. دەگەنمەن, ماعىنالى عۇمىرىن مادەنيەت سالاسىندا ەڭبەك ەتۋگە ارناعان ادامنىڭ ءومiرiن, ءجۇرiپ وتكەن جولىن بiلمەيتiندەر دە بار شىعار دەگەن نيەتپەن ونىڭ ونەگەلi iستەرiنە از-كەم توقتالعاندى ءجون كوردiك.
ۇستازداردىڭ وتباسىندا تاربيەلەنگەن قىز جاسىنان العىر بولىپ وسەدi. العاشقى ەڭبەك جولىن باستاۋىش سىنىپتارىندا مۇعالiم بولىپ قىزمەت ەتۋدەن باستاعان ول كوپ ۋاقىت وتپەي-اق, بەلسەندiلiگiمەن كوزگە تۇسەدi. ءسويتiپ, سول كەزەڭدەردەگi پيونەر, كومسومول ۇيىمدارىنا جەتەكشiلiك ەتەدi. كەيiننەن تسەلينوگراد اۋداندىق كومسومول كوميتەتiنiڭ حاتشىسى, تسەلينوگراد وبلىستىق كومسومول كوميتەتiنiڭ مادەنيەت جۇمىستارىن ناسيحاتتاۋ سالاسىندا ەڭبەك ەتەدi. بۇدان كەيiن اۋداندىق پارتيا كوميتەتiنiڭ ۇگiت-ناسيحات ءبولiمiنiڭ مەڭگەرۋشiسi مiندەتiن ابىرويمەن اتقار-عان ءاپريزا قۇسايىنقىزى ەلiمiزدە ەكونوميكالىق اياقتان تۇرۋ دەپ تانىلعان 1990 جىلداردىڭ باس كەزەڭiندە قالالىق مادەنيەت ءبولiمiنiڭ جەتەكشiسi قىزمەتiنە تاعايىندالادى. وسى سالانى باسقارا ءجۇرiپ, ەل ءۇشiن ەڭ جاۋاپتى, اۋىر كەزەڭدەردە رۋحاني سالانىڭ قۇلدىراپ كەتپەۋiن قاداعالاپ, كiتاپحانالارداعى كiتاپ قورىنىڭ ساقتالۋى مەن تولىقتىرىلۋىن, كiتاپحانا جەلiسiندەگi ماتەريالدىق-تەحنيكالىق بازانىڭ نىعايۋىنا ۇلەس قوستى.
1992 جىلدان بەرi قالامىزدا ەلوردا كۇنi شەڭبەرiندە وتكiزiلiپ جۇرگەن ءداستۇرلi فولكلورلىق-ەتنوگرافيالىق «قىمىزمۇرىندىق» مەرەكەسiن ۇيىمداستىرۋشىلاردىڭ بiرi دە – وسى اپامىز. بۇل شاراعا ەلباسىنىڭ ءوزi قاتىسىپ, كەزiندە ۇلكەن باعا بەرگەنi بار.
اراعا التى جىل سالىپ ءاپريزا قۇسايىنقىزى «يسپات-كارمەت» مەكەمەسiمەن بiرلەسە وتىرىپ, قالالىق مادەنيەت ساياباعىنىڭ اشىلۋىنا مۇرىندىق بولدى. كۇنi بۇگiنگە دەيiن حالىق يگiلiگi ءۇشiن قىزمەت ەتiپ كەلە جاتقان ءما-دەنيەت جانە دەمالىس ساياباعىنىڭ ديرەكتورى قىزمەتiن اتقارا ءجۇرiپ, ول قالا كولەمiندە ۇيىمداستىرىلاتىن قوعامدىق جۇمىستاردان دا قول ۇزگەن جوق.
1997 جىلى رەسپۋبليكالىق مادەنيەت قىزمەتكەرلەرiنiڭ كاسiبي بiلiكتiلiگiن ارتتىرۋ ينستيتۋتىن «ەكونوميست-مەنەدجەر» ماماندىعى بويىنشا بiتiرiپ شىققان ءاپريزا قۇسايىنقىزى 2001جىلدان باستاپ قازاقستان رەسپۋبليكاسىنىڭ «يۋنەسكو» جانە «يسەسكو» ۇلتتىق كوميسسياسىنىڭ قۇرمەتتi مۇشەسi, رەسەي فەدەراتسياسىنىڭ حالىقارالىق پسيحولوگيالىق عىلىم اكادەمياسىنىڭ قۇرمەتتi مۇشەسi, «استانا-بايتەرەك» ايەلدەر كلۋبىنىڭ ۆيتسە-پرەزيدەنتi, «نۇر وتان» پارتياسىنىڭ مۇشەسi. ەلورداداعى م.گوركي اتىنداعى ورىس دراما تەاترىنىڭ ديرەكتورى قىزمەتiنە تاعايىندالعان كەزەڭدە دە ول ءوزiنiڭ قانداي iستە بولماسىن ۇيىمداستىرۋشىلىعىمەن ەرەكشەلەنەتiندiگiن كورسەتە بiلدi. سول كەزدە تەاتر العاش رەت ماسكەۋ, موردوۆيا, سانكت-پەتەربۋرگ, يسپانيا جانە قازاقستان اۋماعىنداعى اقتاۋ, پەتروپاۆل, قىزىلوردا, قاراعاندى جانە ت.ب. قالالارعا بiرقاتار گاسترولدiك ساپارلارعا شىقتى. «الجير» مۇرا-جايىنىڭ ديرەكتورى بولىپ قىزمەت اتقاردى.
– قازاق ايەلi قاشاننان قاستەرلi. ولار وسى كۇندە وتباسى بەرەكەسiن ساقتاۋمەن بiرگە ەل تاۋەلسiزدiگiنiڭ نىعايۋىنا دا سۇبەلi ۇلەس قوسىپ كەلەدi. ۇلان-عايىر دالادا ۇرپاق ماقتانىشىنا اينالعان تالاي ۇلاعاتتى انالار وتكەنi بەلگiلi. ەل مەن ەرگە سىن بولعان كەزەڭدە ايەلدەر قوعام جۇگiن قايىسپاي كوتەرە بiلدi. الەمدەگi اسەمدiك پەن سۇلۋلىق ايەل كوركi مەن انا مەيiرiمiنەن ءنار الاتىنى دا سوندىقتان بولار, – دەيدi ءا.قۇسايىنقىزى.
راسىندا ادامزات ءومiرiنiڭ iرگەتاسى ايەل قولىمەن قالاناتىنىن ەسكەرسەك, تiرشiلiكتiڭ شىرايى دا, وتباسىنىڭ شىراعى دا – ايەل قولىندا. وسى قاعيدانى بەرiك ۇستانعان ءا.قۇسايىنقىزى وتباسىندا سۇيiكتi جار, ەكi ۇلىنا ارداقتى انا, نەمەرەلەرiنە اياۋلى اجە اتانىپ وتىر. قالا كولەمiندە قايىرىمدىلىق شارالار وتكiزۋدi دە داستۇرگە اينالدىرعان ول بۇل كۇندە استاناداعى بەيبiتشiلiك جانە كەلiسiم سارايىنىڭ iشiنەن اشىلعان تۇرiك مۋزەيiنiڭ ديرەكتورى قىزمەتiن اتقارىپ ءجۇر.
گۇلبارشىن وكەشقىزى
