ارنايى بولىمگە – 15 جىل
استانا قالاسىنىڭ ءىىد «ارلان» ارنايى ءبولىمىنىڭ قۇرىلعانىنا 15 جىل تولدى.
وسى جىلداردا ارنايى بولىمشە قىزمەتكەرلەرى تالاي كۇردەلى تاپسىرمالاردى ورىندادى. اتاپ ايتقاندا, ەسىرتكى تاسىمالداۋشىلار مەن قاۋىپتى قىلمىسكەرلەردى ۇستادى, كەپىلدىككە الىنعان ادامداردى بوساتتى, قارۋ جاراقتاردى, ەسىرتكى زاتتارىن, كوپ ءمولشەردە وق-دارىلەردى قولعا ءتۇسىردى. وسى جىلداردا ءبولىمشە بىرنەشە قىزمەتكەرىن دە جوعالتتى. سونىمەن قاتار, ارنايى «ارلان» جاساعى مەملەكەت باسشىسى مەن
ەلورداعا كەلگەن رەسمي تۇلعالاردىڭ دا قاۋىپسىزدىگىن قامتاماسىز ەتەدى.
«ارلان» بولىمشەسى ساربازدارىن قالالىق پوليتسيا باستىعى امانتاي اۋباكىروۆ قۇتتىقتاپ, ولاردىڭ كەز كەلگەن تاپسىرماعا ساقاداي ساي تۇراتىنىن اتاپ كورسەتتى. بۇعان 15 جىل بويى ارنايى بولىمشە قىزمەتكەرلەرىنىڭ گارنيزوندىق, قالالىق, رەسپۋبليكالىق بىرىنشىلىكتەر مەن قر ءىىم چەمپيوناتتارىندا جۇلدەلەرگە يە بولعاندىقتارى دالەل.
مەرەكە قۇرمەتىنە «ارلاننىڭ» ايرىقشا كوزگە تۇسكەن قىزمەتكەرلەرى ءىىم مەن استانا قالاسى ءىىد باستىعىنىڭ بۇيرىعىمەن ماراپاتتالدى.
سايان ەسجان,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى