اسەم اۋەندەر اۋەلەدى
قازاقستان رەسپۋبليكاسىنىڭ تۇڭعىش پرەزيدەنتى كۇنى «قازاقستان» ورتالىق كونتسەرت زالىندا ءۇلكەن مەرەكەلىك كونتسەرت ءوتتى.
جاسىنان حالىق اندەرىنىڭ قاينارىنان سۋسىنداپ ءوسكەن ەلباسىنىڭ مەرەكەلىك كۇنىنە ورايلاستىرىلعان سالتاناتتى شارا قاراقات ءابىلدينانىڭ ورىنداۋىندا حالىق ءانى «يليگايمەن» اشىلدى. سونداي-اق, ايگۇل قوسانوۆا, ارداق بالاجانوۆا, «مۋزارت» ءانسامبلى, «بايتەرەك» توبى سەكىلدى ەلىمىزگە بەلگىلى ەسترادا جۇلدىزدارى دا ءان شىرقادى. بۇل كەشتە حالىق اندەرىمەن قوسا نۇرسۇلتان ءابىشۇلىنىڭ سوزىنە جازىلعان التىنبەك قورازباەۆتىڭ «ۇشقوڭىر», «سارىارقا» سەكىلدى تانىمال اندەرى دە حالىق نازارىنا ۇسىنىلدى. ال, رەسەي, بەلورۋسسيا, ارمەنيا, وزبەكستان, باشقۇرتستان, قىرعىزستان مەملەكەتتەرىنەن وسى مەرەكەگە ارنايى كەلگەن ونەر جۇلدىزدارى استانا قالاسىنىڭ «سازگەن سازى» ەسترادالىق-سيمفونيالىق وركەسترىنىڭ سۇيەمەلدەۋىمەن قازاقتىڭ حالىق اندەرىن قازاق تىلىندە شىرقاپ, كوپشىلىك قوشەمەتىنە بولەندى. مولداۆيا مەملەكەتىنىڭ حالىق ءارتىسى كونستانتين موسكوۆيچ مولداۆان ەلىنىڭ ۇلتتىق اسپابىنا حالىق اندەرىن سالىپ, جينالعان قاۋىمدى تامساندىردى. ول قازاق حالقىنا جانە ونىڭ كوشباسشىسى نۇرسۇلتان نازارباەۆقا دەگەن ءىلتيپاتىن قازاق تىلىندە جەتكىزدى.
ەلباسىنىڭ جانە ونىڭ زامانداستارىنىڭ سۇيىكتىسىنە اينالعان «كوماندا مولودوستي ناشي» ءانىن قايرات باەكەنوۆ ورىنداپ, وتكەن كۇندەرگە شەگىنىس جاسادى. سونداي-اق, ەلباسىنىڭ ومىرىنەن سىر شەرتەتىن دەرەكتى فيلم كورسەتىلدى.
حاميت ەسامان