اتا – انالاردىڭ نازارىنا!
استانا قالاسىنىڭ ءبىلىم باسقارماسى سىزدەردىڭ نازارلارىڭىزعا قىسقى كەزەڭدەگى اۋا-رايىنىڭ قولايسىز جاعدايلارىنا بايلانىستى قالا بويىنشا ءبىلىم ۇيىمدارىنداعى (جالپى ءبىلىم بەرەتىن مەكتەپتەر, كاسىپتىك ليتسەيلەر جانە كوللەدجدەردىڭ 1-2 كۋرس وقۋشىلارى) ساباقتاردى توقتاتۋ پارامەترلەرىن ۇسىنادى.
وقۋ جىلىنىڭ قىسقى كەزەڭىندە ءبىلىم الۋشىلاردىڭ قاۋىپسىزدىگى مەن دەنساۋلىعىن ساقتاۋ ماقساتىندا ءبىلىم ۇيىمدارىندا ساباقتى توقتاتۋدىڭ تومەندەگىدەي پارامەترلەرى استانا قالاسى اكىمدىگىمەن كەلىسىپ بەلگىلەندى:
1-4-سىنىپتاردا اۋانىڭ تەمپەراتۋراسى -25 گرادۋس جانە ودان تومەن (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس) بولعاندا;
1-9-سىنىپتاردا اۋانىڭ تەمپەراتۋراسى -30 گرادۋستان تومەن بولعاندا ;
1-11(12)-سىنىپتاردا, كاسىپتىك ليتسەيلەردە, كوللەدجدەردە (1-2 كۋرس وقۋشىلارى ءۇشىن) – 35 گرادۋستان تومەن بولعاندا;
ساباقتى توقتاتۋ تۋرالى اقپارات:
– «31 – كانال», ستۆ تەلەديدار ارناسىنىڭ جۇرگىرتپە جولىندا ساعات 6.30-تەن 7.00-گە دەيىن ء(بىرىنشى اۋىسىم ءۇشىن) جانە 12.15-تەن 12.45-گە دەيىن (ەكىنشى اۋىسىم ءۇشىن);
– سونداي-اق ساباقتى توقتاتۋ تۋرالى اقپاراتتى 118-01 (9. 00-دەن – 18.00-گە دەيىنگى ارالىقتا), 169 (اقىلى) قىزمەتى تەلەفوندارىنان الۋعا بولادى.
– اتا-انالار ءۇشىن بالالارى وقيتىن مەكتەپتىڭ كەزەكشى تەلەفونىنا, سىنىپ جەتەكشىسىنە, مەكتەپ اكىمشىلىگىنە حابارلاسۋعا بولادى.
ساباق توقتاتۋ پارامەترلەرى تۋرالى ءبىلىم باسقارماسىنىڭ bilim.astana.kz سايتىنان وقۋعا بولادى.