استانادا شاحماتتان الەم چەمپيوناتى وتۋدە. بايراقتى باسەكەدە جەر جاھانعا اتى ءماشھۇر شاحماتشىلارىمەن دارالانعان 10 ەرلەر جانە 10 قىزدار كوماندالارى باقتارىن سىناپ جاتىر.
بەس كەزەڭنىڭ قورىتىندىسى بويىنشا قازاق ەلىنىڭ نامىسىن قورعاپ جاتقان ەرلەر كومانداسى العاشقى كەزدەسۋدە ۇلىبريتانيا كومانداسىنا جول بەرىپ السا, اقش پەن ازەربايجان كوماندالارىمەن تەڭ ويىن وتكىزىپ, شۆەتسيا مەن رەسەي كوماندالارىن ويسىراتا ۇتىپ, ەكى جەڭىستى قورجىنعا سالدى.
ال قازاقستاندىق قىزدار كومانداسى رەسەي مەن قىتاي كوماندالارىنان جەڭىلىس تاۋىپ, ۇندىستاندىقتارمەن تەڭ تۇسسە, اقش كومانداسىمەن اراداعى ويىندا جەڭىستى ەنشىلەپ, ۇپاي سانىن ارتتىردى.
ايتا كەتۋ كەرەك, الەمنىڭ كىل مىقتىلارى قاتىسىپ جاتقان چەمپيوناتتا ەرلەر كومانداسى بويىنشا ازىرگە رەسەي, ال قىزدار كومانداسى بويىنشا قىتاي ەلدەرىنىڭ شاحماتشىلارى كوش باستاپ تۇر. التىنشى كەزەڭدە قازاقستاندىق قىزدار ۆەنگريالىقتارمەن, ال ەرلەر ۇندىستاندىقتارمەن كەزدەسەدى.
الەم چەمپيوناتى 14 ناۋرىزدا ءمارەسىنە جەتەدى.
