بايان جاس كەزiندە تەڭiز تولقىنى تۇستەس كيiمدi كورiپ, قاتتى قىزىعاتىن. تانىستارىنان سۇراستىرا كەلە, ول كەدەنشi قىزداردىڭ كيiم ۇلگiسi ەكەنiن بiلگەن. ءوز دەگەنiنەن قايتپايتىن قايسار قىز بويجەتكەننەن الماتى قالاسىنىڭ كەدەن باسقارماسىنا تارتادى. كەڭەس وداعىنىڭ ىدىراپ جاتقان تۇسىندا كەدەنشiلەردi جۇمىسقا الۋ قارقىندى ءجۇرiپ جاتقان كەز. بايان دا سولاردىڭ تولقىنىنا iلەستi. زاڭگەرلiك ماماندىعى ەسكەرiلiپ, بiردەن حالىقارالىق جونەلتiلiمدەر بولiمiنە جۇمىسقا قابىلدانعان.
قازاقستاندىق كەدەن قىزمەتiنiڭ iرگەسi قالانا باستاعانىندا كەدەندiك باقىلاۋدىڭ باعامى السiزدەۋ بولدى. حالىقارالىق پوشتا جونەلتiلiمدەرiن رەنتگەن اپپاراتى, ودان قالدى يiسشiل يتتەر تەكسەرگەنمەن, زاڭسىز تاسىمالدىڭ قارقىنى باسەڭدەمەدi. ۆاليۋتا, ەسiرتكi, قارۋ-جاراق, پورنوگرافيالىق سيپاتتاعى بەينەتاسپالاردىڭ تاسىمالداۋىنا تىيىم سالىنىپ, سىرتتان كەلەتiن, قازاقستان رەسپۋبليكاسى اۋماعىنان شىعارىلاتىن بارلىق پوشتالىق جونەلتiلiمدەرگە تەكسەرiس كۇندەلiكتi جۇرگiزiلiپ تۇردى. كەدەنشiلەر دامىلسىز, ءاربiر زاتتى جiتi قاراپ, تەكسەرiپ وتىردى.
بايان ەسiمحانقىزىنىڭ ايتۋىنشا, اپتاسىنا كەم دەگەندە ون كەلiگە دەيiن ەسiرتكi زاتتارى تابىلىپ وتىرعان. «بiردە وزبەكستاننان كەلگەن 10 كەلiلiك قاپتا «بايالدى, قىزاناق تۇقىمدارى بار» دەپ كەدەندiك دەكلاراتسيادا كورسەتiلگەن جونەلتiلiم كەزدەستi. ءاربiر قاپتى تەكسەرگەندە, اناشاعا لىق تولى ەكەنiن انىقتادىم. وسىنداي «جولدامالاردىڭ» تالايىنىڭ جولىن كەستiك. جۇمىس بارىسىندا قىلمىسكەرلەردiڭ نەبiر قۇيتىرقى ادiستەرiن بiلiپ الدىق.
بiر كۇنi جەمiس-جيدەك سالىنعان اعاش جاشiكتەر جامبىل وبلىسىنان كەلدi. رەنتگەن اپپاراتى ەسiرتكiنi انىقتاۋ جاعىنان ءالi دە جەتiك ەمەس. يiسشiل يتتەردiڭ جەمiس-جيدەكتەردi سەزiنۋ قابiلەتi تومەن بولعاندىقتان, ءوز قولىممەن قاعازعا ورالعان ءاربiر جەمiستi مۇقيات قارادىم. كۇمانiم كەلدi. اقىرى قاز-قاتارىنان تiزiلگەن المانىڭ iشiنە وعان پiشiندەس قىپ وپيۋمنىڭ (ەسiرتكiنiڭ بiر ءتۇرi) ورالعانىن تاپتىم», – دەيدi ول.
ول كەزدەرi ەسiرتكi كوبiنە وڭتۇستiك ايماقتاردان جەتكiزiلiپ جاتسا, ەۋروپادان پورنوگرافيالىق سيپاتتاعى بەينەونiمدەردiڭ زاڭسىز تاسىمالى قىزىپ تۇرعان ەكەن. الگiنi جiبەرگەن ادامنىڭ نە بولماسا جەتكiزiلەتiن مەكەنجايى ادەيi كورسەتiلمەيتiن كورiنەدi. كەيiن 1999 جىلدارى پوشتا ارقىلى جاسىرىن «سالەمدەمەسiن» جولدايتىندار قاتارى ازايا باستاعان. الا جiپتi اتتاعاندار جازاعا تارتىلىپ, باقىلاۋدىڭ باعامى كۇشەيتiلەدi. تەكسەرiستiڭ تەگەۋرiنi قاتايعان سايىن, ادامداردىڭ زاڭسىزدىققا بوي العىزۋى كۇرت تومەندەپتi.
ەڭبەك جولىندا ءارتۇرلi باسقارمالاردا جەتەكشi بولعان بايان ەسiمحانقىزى استانا قالاسى بويىنشا كەدەندiك باقىلاۋ دەپارتامەنتiنiڭ «سارىارقا» كەدەن بەكەتiنiڭ باس مامانى قىزمەتiن اتقارعان. «ەلباسىنىڭ تiكەلەي جارلىعىمەن قۇرىلعان ارنايى ەكونوميكالىق ايماقتىڭ قارىشتاپ دامۋى كوز قۋانتارلىق. بiرiنشi ماماندىعىم قۇرىلىسشى بولعاندىقتان, باس قالانىڭ قۇرىلىس نىساندارىنىڭ كەرەمەت ۇلگiلەرi تامساندىرادى. ءوزiم ەڭبەك ەتiپ جاتقان اۋماقتا ەلوردانىڭ كوركەم دە كەربەز ساۋلەتiن ايشىقتايتىن «ساراندا» كوپفۋنكتسيونالدى كەشەنi سالىنىپ جاتىر. زەينەتكەرلiككە دەيiن كەدەندە كەلەلi قىزمەت ەتiپ, جاستارعا بiلگەنiمدi دارiپتەۋدەن جالىقپايمىن», – دەيدi اڭگiمە سوڭىندا.
ەلiمiزدiڭ ەكونوميكالىق قاۋiپسiزدiگiن قامتاماسىز ەتۋدە ەڭبەگiمەن ەلەنگەن بايان اۋباكiروۆا كونتراباندالىق تاسىمالدى تۇساپ, كەدەن تولەمدەرi مەن سالىقتان جالتارعانداردى تارتiپكە شاقىرىپ قانا قويماي, كوپكە ۇلگi بولا بiلگەن اياۋلى جان.
گۇلميرا ايماعانبەت
