بۇگىننەن باستاپ «ناۋرىز» جاڭا تۇرعىن ءۇي باعدارلاماسىنا ءوتىنىم بەرۋ باستالدى, دەپ حابارلايدى astana-akshamy.kz
وتىنىمدەردى قابىلداۋ 25 ساۋىردەن 30 ماۋسىمعا دەيىن جالعاسادى.
«ناۋرىز» باعدارلاماسىنىڭ شارتتارى:
- باستاپقى جارنا 20%;
- تۇرعىن ۇيگە كەزەكتە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت بويىنشا مولشەرلەمە-7% (جەس 7,3%-دان 8,9%-عا دەيىن);
- ازاماتتاردىڭ بارلىق ساناتتارى ءۇشىن كرەديت بويىنشا مولشەرلەمە-9% (جتپم 9,3%-دان 11,8%-عا دەيىن);
- نەسيە مەرزىمى 19 جىلعا دەيىن.
الماتى, استانا, شىمكەنت جانە وبلىس ورتالىقتارىندا تەك باستاپقى تۇرعىن ءۇي ساتىپ الۋعا بولادى. مونوقالالار مەن اۋىلداردا جىلىنا بولىنەتىن قاراجاتتىڭ جالپى كولەمىنىڭ 30%-نان اسپايتىن قايتالاما تۇرعىن ءۇي ساتىپ الۋعا بولادى.
باعدارلاما 8 جىلعا باعىتتالعان. جىل سايىن «ناۋرىز» باعدارلاماسىنا 200 ملرد تەڭگە بولىنەدى.
جالپى وسى ۋاقىت ىشىندە قازاقستاننىڭ 68 000 ازاماتىن ءوز تۇرعىن ۇيىمەن قامتاماسىز ەتۋ جوسپارلانۋدا. بيىلعى جىلى قونىس تويىن 12 مىڭ قازاقستاندىق تويلاي الادى.
بۇدان بولەك ءوتىنىم بەرۋ ۋاقىتى مەن كۇنى ماڭىزدى ەمەس ەكەنىن ايتا كەتكەن ءجون. بانك سالىمشىلارى ەكى اي بويى «ناۋرىز» باعدارلاماسىنا قاتىسۋعا ءوتىنىم بەرۋىنە بولادى.
