س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ وقىتۋشىلارى مەن ستۋدەنتتەرى ەندى ەلىمىزدىڭ تۇكپىر-تۇكپىرىنە ەركىن تەلەفون شالىپ, عالامتوردى قالاعانىنشا پايدالانا الاتىن بولدى. كۇنى كەشە «استاناتەلەكوم» قتو وسى ۋنيۆەرسيتەتتە زاماناۋي كامپۋستىق اقپاراتتىق جەلى قۇرىلىسىن اياقتادى.
قازىرگى زامانعى زاماناۋي تەحنولوگيا ادامداردىڭ دا جۇمىسىن جەڭىلدەتتى. بۇرىن ستۋدەنتتەر الىستاعى اكە-شەشەسىنەن حابار الۋ ءۇشىن سويلەسۋ پۋنكتتەرىندە كەزەككە تۇرۋشى ەدى. قالتاسىنداعى سوڭعى اقشاسىن قاعىپ, تەلەفونعا تولەيتىن. ال عالامتورعا ەنىپ, قاجەتتى اقپاراتىڭدى الۋ دەگەنىڭىز تىپتەن كۇردەلى ءىس بولاتىن. مۇنداي جەلى كىتاپحانا سەكىلدى ساناۋلى ورىنداردا عانا بار-تىن. ونىڭ ءوزى ۇزىن-سونار كەزەك ءارى عالامتورعا كىرۋ باقىتى بىرەر ساعاتقا عانا سوزىلادى.
ال قازىر شە؟ ستۋدەنتتەر ەندى جاتاقحاناداعى بولمەسىنەن ۇزاپ شىقپاي-اق, ۇيىنە, تۋعان-تۋىستارىنا تەلەفون سوعا الادى, كومپيۋتەرىمەن عالامتوردى ەركىن شارلاي الادى.
≪استاناتەلەكوم≫ قتو-نىڭ ارقاسىندا س.سەيفۋللين اتىنداعى قازاق اگروتەحنيكالىق ۋنيۆەرسيتەتى 4 ستۋدەنتتىك جاتاقحاناسىنا, ونىڭ ءار بولمەسىنە, 2 وقۋ عيماراتىنا 500 ءىD TV جانە ءىD Phone بايلانىس نۇكتەلەرىن ىسكە قوسىپ الدى. جىلدامدىعى دا جاقسى – 50مبيت/س .
اتالعان بايلانىس جەلىسى امبەباپتىعىمەن, بارلىق اقپارات تۇرلەرىن (دىبىستىق, بەينەاقپارات, مۋلتيمەديا جانە تەلەمەتريكالىق) ءبىر مەزگىلدە تاراتۋىمەن ەرەكشەلەنەدى.
كامپۋستىق جەلى قۇرىلىسىنىڭ جوباسى تۋرالى اڭگىمە العاش رەت وتكەن جىلدىڭ 6 جەلتوقسانىندا ≪قازاقتەلەكوم≫ اقباسقارما توراعاسى قۋانىشبەك ەسەكەەۆ پەن س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى اقىلبەك كۇرىشباەۆتىڭ ءوزارا كەزدەسۋىندە قوزعالعان ەكەن. وسى كەزدەسۋدە كاسىبي-تاجىريبەلىك بايلانىستى ارتتىرۋ, زاماناۋي اقپاراتتىق جانە تەلەكوممۋنيكاتسيالىق تەحنولوگيالار سالاسىندا بىلىكتى ماماندار دايىنداۋ, ستۋدەنتتىك جاتاقحانالار مەن ۋنيۆەرسيتەت عيماراتتارىنداعى عالامتور رەسۋرستارىنىڭ ساپاسىن جاقسارتۋ جونىندەگى ەكى جاقتى مەموراندۋمعا قول قويىلعان.
قوس تاراپتىڭ كەلىسىمى نەگىزىندە ىسكە قوسىلعان جوبا پروفەسسور-وقىتۋشىلار قۇرامىنا, ستۋدەنتتەرگە زاماناۋي تەلەكوممۋنيكاتسيالىق, اقپاراتتىق تەحنولوگيا مۇمكىندىكتەرىن وقۋ ۇدەرىسىندە كەڭىنەن قولدانۋعا مۇمكىندىك بەرىپ وتىر.
كامپۋستىق جەلى قۇرىلىسىنىڭ اياقتالۋىنا بايلانىستى ۋنيۆەرسيتەتتە وتكەن جيىندا ≪استاناتەلەكوم≫ قتو باس ديرەكتورى ەرمەك قۋانىشبەكوۆ ءوزى باسقارىپ وتىرعان مەكەمە قازىرگى زامانعى بايلانىس تەحنولوگياسى سالاسىنداعى تىڭ جاڭالىقتاردى قولدانىسقا ەنگىزۋگە ءاردايىم ءازىر ەكەنىن, وسى باعىتتاعى جۇمىستار توقتاۋسىز جالعاسا بەرەتىنىن اتاپ ءوتتى. ≪يننوۆاتسيالىق تەحنولوگيالار ءبىلىم ساپاسىن جاقسارتىپ قانا قويماي, وسكەلەڭ ۇرپاقتىڭ بiلiكتىلىگىن ۇشتاپ, شىعارماشىلىق قابiلەتiن ارتتىرارى ءسوزسىز. سوندىقتان ءبىز ەنگىزىپ وتىرعان جوبا وتاندىق ءبىلىم بەرۋدىڭ ساپاسىن كوتەرۋگە تىرەك بولاتىنىنا سەنىمدىمىن≫ دەدىەرمەك بولاتۇلى.
ۋنيۆەرسيتەت رەكتورى, پروفەسسور اقىلبەك كۇرىشباەۆ اتالعان جوبانىڭ بولاشاق مامانداردىڭ ساپالى ءبىلىم الۋىنا نەگىز بولىپ, اقپاراتتىق بايلانىستار ارقىلى ءبىلىم, عىلىم, كاسىبي بىلىكتىلىك باعىتىندا تاجىريبە الماسۋدى جەتىلدىرۋگە ۇيىتقى بولاتىنىن ايتتى.
ەڭ باستىسى, زاماناۋي جەلى ستۋدەنتتەردىڭ وقۋىنا ۇلكەن كومەك بولعانى انىق. ولار وزىندىك جۇمىستاردى, رەفەراتتاردى, قاجەتتى اقپاراتتاردى الىستان ىزدەپ اۋرە بولمايدى. ءتىپتى جەلىلەردەگى ىشكى بايلانىستار ارقىلى ۋنيۆەرسيتەتتىڭ كىتاپحانالىق قورىن اقتارىپ, دارىستەردى تىڭداپ, زەرتحانالىق ىزدەنىستەرگە قول جەتكىزە الادى ەكەن.
جاتاقحانانىڭ ءار بولمەسىندە تەلەفونى بار ستۋدەنتتەر بايلانىس پەن عالامتور جەلىسىنە ون ايعا نەبارى 7 مىڭ تەڭگە, ياعني ايىنا 700 تەڭگە عانا تولەيدى.
قىمبات نۇرعالي
