كەمەل كەلەشەكتىڭ كەپىلى
ەلباسى ن.نازارباەۆتىڭ تاۋەلسىزدىك كۇنى قارساڭىندا جارىق كورگەن «قازاقستان — 2050» ستراتەگياسى بارشا قازاقستاندىقتاردىڭ, ۇلتجاندى ازاماتتاردىڭ نازارىنان تىس قالمادى, بارلىعىمىزعا ايرىقشا جاۋاپكەرشىلىك جۇكتەلدى. بۇل باعدارلاما — قازاقستاننىڭ وركەندەۋىندەگى جاڭا كەزەڭنىڭ باعدارلاماسى.
ەلباسىنىڭ ساليقالى ساياساتى, ىسكەرلىگى مەن كورەگەندىگىنىڭ ارقاسىندا وسىدان 15 جىل بۇرىن قابىلدانعان «قازاقستان – 2030» باعدارلاماسىن جەدەل قارقىنمەن جۇزەگە اسىردىق. اتقارىلعان يگى ىستەردىڭ ناتيجەسىندە مول تابىسقا قول جەتكىزىپ, الەمگە تانىلدىق, دۇنيەجۇزى مويىنداعان ساياسي ىرگەسى نىق قالانعان مەملەكەتكە اينالدىق, العا قويعان ماقساتتارىمىزعا قول جەتكىزدىك.
ەلباسىنىڭ «قازاقستان – 2030» ستراتەگياسىندا باسىمدىلىقتىڭ ءبىرى – ءبىلىم سالاسى بۇل باعدارلامادا دا نازاردان تىس قالمادى. ەلباسىنىڭ ارقاسىندا جاستارىمىزدىڭ بىلىمگە دەگەن قۇشتارلىعى ارتىپ, الەم تانىپ, جەر كورۋىنە مۇمكىندىكتەر الدى. ءوز سوزىندە ن.نازارباەۆ «ءححى عاسىر –قازاقتىڭ التىن عاسىرى» دەپ, بىرنەشە رەت قايتالاپ ايتتى. جاڭا عاسىرمەن تۇسپا-تۇس 2000 جىلى استانادا «باسقارۋ كوللەدجى» بوي كوتەردى. 8 ءتۇرلى ماماندىق بويىنشا ءبىلىم جەتىلدىرۋگە باعىتتالعان ءبىلىم ورداسى جىل سايىن تۇعىرىن تەرەڭدەتە تۇسۋدە. وقۋشىلار مەن وقىتۋشىلار سانى ارتىپ, زامان تالابىنا ساي جاڭا ماماندىقتار قوسىلدى.
بۇگىنگى تاڭدا ەلباسىنىڭ تالابىنا ساي, قوعامعا قاجەتتى دەپ تانىلعان12 ءتۇرلى ماماندىق يەسىن, اسىرەسە, تەحنيكالىق باعىتتا بىلىكتى مامان دايىنداۋدامىز. بىلتىرعى وقۋ جىلىندا «ەلەكتر جابدىقتاۋ», ال بيىلعى وقۋ جىلىندا «راديوەلەكترونيكا جانە بايلانىس» ماماندىعى اشىلدى.وسىلايشا, ەلباسى تاپسىرمالارىنا ءوز ۇلەسىمىزدى قوسۋدامىز.
جولداۋدىڭ «جاڭا قازاقستاندىق پاتريوتيزم – ءبىزدىڭ كوپۇلتتى جانە كوپ كونفەسسيالى قوعامىمىز تابىسىنىڭ نەگىزگى» اتالاتىن بولىمىندە كورسەتىلگەندەي, پاتريوتتىق تاربيەنى نەگىزگە الا وتىرىپ, 2065 ستۋدەنت دايىنداۋدامىز. استانا قالاسىنىڭ ءبىلىم سالاسى بويىنشا ايرىقشا ورىنعا يە كوللەدجىمىزگە بيىل 936 ستۋدەنت قابىلداندى. ارينە, بۇل – ءبىز ءۇشىن ۇلكەن قۋانىش. استانا قالاسى بويىنشا ستۋدەنت قابىلداۋ كورسەتكىشى جونىنەن بيىل دا الدىڭعى ورىندامىز. قازاقستان كوپۇلتتى مەملەكەت بولعاندىقتان بىزدە وقىتۋ ورىس جانە قازاق تىلدەرىندە جۇرگىزىلەدى.
جىل سايىن كوللەدجدە عىلىمي-تاجىريبەلىك كونفەرەنتسيالار وتكىزىلىپ تۇرادى. بيىل تۇڭعىش رەت ديرەكتوردىڭ عىلىمي-يننوۆاتسيا جونىندەگى ورىنباسارى ءلاززات شارىپحانقىزىنىڭ باسشىلىعىمەن رەسپۋبليكا كولەمىندە عىلىمي-تاجىريبەلىك كونفەرەنتسيا وتكىزىلىپ, وعان كوكشەتاۋ, بالقاش, قاراعاندى قالالارىنان وقۋشىلار كەلىپ قاتىستى. اسكەري-پاتريوتتىق تاربيە بويىنشا كوللەدج ءبىلىم باسقارماسى ۇيىمداستىراتىن قالالىق ءىس-شارالارعا ۇنەمى قاتىسىپ, جىل سايىن ءجۇلدەلى ورىندارعا يە بولادى. وسى وقۋ جىلىندا حور, بي, ۇلت اسپاپتار ۇيىرمەلەرى اشىلىپ, وقۋشىلاردىڭ جان-جاقتى دامۋىنا جاعداي جاسالدى. ەلباسىنىڭ «قازاق قازاقپەن قازاقشا ءسويلەسسىن» دەگەن قاناتتى ءسوزىنە ەرەكشە ءمان بەرىلىپ, كوللەدجدە وسى ءسوزدى ۇستانىپ, وقۋشىلاردان ۇلتىمىزدىڭ انا تىلىندە باسىمىراق سويلەۋىنە كوڭىل ءبولىپ كەلەمىز. مەملەكەت جاستار ساياساتىن قولداپ, ولارعا زور مۇمكىندىكتەر بەرۋدە. جاس ۇرپاق ەلباسى ءۇمىتىن اقتاپ, ەلىمىزدىڭ ەرتەڭىنە سەنىممەن قاراي الاتىن سانالى دا ءبىلىمدى بولىپ ءوسىپ, ەل تۇتقاسىن بەرىك ۇستايتىن ازاماتتار بولسا ەكەن دەيمىن.
راۋشان تۇرلىبەكقىزى,
استانا قالاسى باسقارۋ كوللەدجى ديرەكتورىنىڭ تاربيە ءىسى
جونىندەگى ورىنباسارى