استانا قالاسىنىڭ جۇمىسپەن قامتۋ جانە الەۋمەتتiك باعدارلامالار باسقارماسى حالىقتى الەۋمەتتiك قورعاۋ جانە جۇمىسپەن قامتۋ سالاسىندا ۋاكiلەتتi ورگان بولىپ تابىلادى. باسقارما ازاماتتاردىڭ ءال-اۋقاتىن, تۇرمىس دەڭگەيىن ارتتىرۋ, كەدەيشىلىك, جۇمىسسىزدىقتى تومەندەتۋگە باعىتتالعان الەۋمەتتىك قامتاماسىز ەتۋدىڭ ءتيىمدى, پارمەندى جۇيەسىن جاساۋمەن شۇعىلدانادى.
«جەرگiلiكتi وكiلەتتi ورگانداردىڭ شەشiمدەرi بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتiك تولەمدەر» باعدارلاماسى شەڭبەرىندە جەرگىلىكتى بيۋدجەت قاراجاتىنان اقشالاي تولەمدەر مەن تەگىن قىزمەت كورسەتۋ قاراستىرىلعان. 2013 جىلى 63 مىڭنان استام ازاماتقا الەۋمەتتىك قولداۋ كورسەتۋ جوسپارلانۋدا.
وسىعان وراي, قالالىق جولاۋشىلار كولىگىندە تەگىن جول ءجۇرۋ بيلەتتەرى 54000 ادامعا بەرىلىپ, 1578 ادام ءتىسىن تەگىن پروتەزدەدى. جەكە تۇرعىن ۇيلەردە تۇراتىن 181 زەينەتكەرگە كومىر ساتىپ الۋعا جاردەماقى تولەنگەن. ال, 20471 استانالىق تۇرعىنعا مەرەكەلiك جانە اتاۋلى كۇندەرى بiرجولدىق اقشالاي كومەك كورسەتىلدى.
ودان بولەك, قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمەسىندە, پسيحونەۆرولوگيالىق سىرقاتتارعا ارنالعان مەديتسينالىق-الەۋمەتتىك مەكەمەسىندە تىركەۋدە تۇرعان جانە ءۇيسىز-كۇيسىز جاندارعا ارنالعان الەۋمەتتىك بەيىمدەلۋ ورتالىعىنداعى ازاماتتار مەملەكەت ەسەبىنەن قامقورلىققا الىنعان. ولارعا الەۋمەتتىك-پسيحولوگيالىق, مەديتسينالىق, تۇرمىستىق, زاڭگەرلىك قىزمەتتەر تەگىن كورسەتىلەدى.
استانا قالاسى بويىنشا باقىلاۋ جانە الەۋمەتتىك قورعاۋ دەپارتامەنتىنىڭ مەديتسينالىق-الەۋمەتتىك ساراپتاما كوميسسياسى مۇگەدەكتى جەكە وڭالتۋ باعدارلاماسىن ازىرلەدى. وسىعان سايكەس جەرگىلىكتى بيۋدجەت ەسەبىنەن سوڭعى جارتى جىلدىقتا 139 مۇگەدەككە اربا بەرىلدى. 372 ادام پروتەزدىك ورتوپەديالىق وپەراتسيالار جاساتسا, قۇلاعى مۇكىس 1022 ادام تيفلوتەحنيكالىق جانە سۋردوتەحنيكالىق قۇرالمەن قامتىلدى. باعدارلاما اياسىندا شيپاجايلىق-كۋرورتتىق ەمدەلۋ دە قاراستىرىلعان. رەسپۋبليكالىق شيپاجايلاردا 257 ەرەسەك پەن 79 مۇگەدەك بالا دەنساۋلىعىن تۇزەپ قايتتى. سونىمەن قاتار, 625 مۇمكىندىگى شەكتەۋلى جاندار كۇتۋشى قىزمەتىمەن قامتاماسىز ەتىلىپ, سۋردو-اۋدارماشى قىزمەتىنە 205 ادام جۇگىنگەن ەكەن.
مۇمكىندىگى شەكتەۋلى جاندار مۇگەدەكتەر كۇنىندە دە نازاردان تىس قالمايدى. ولارعا بەلگىلى ءبىر كولەمدە ماتەريالدىق كومەكتەر كورسەتىلەدى. مەملەكەتتىك الەۋمەتتىك تاپسىرىس شەڭبەرىندە, ءجۇرىپ-تۇرۋى قيىن ازاماتتار «ينۆاتاكسيعا» تاپسىرىس بەرىپ, قالا ىشىندە ەركىن قوزعالاتىن بولدى.
ايگۇل ۋايسوۆا
از-كەم انىقتاما:
ەلوردادا
55814 زەينەتكەرلەر;
285 ۇوس ارداگەرلەرى مەن مۇگەدەكتەرى;
1920 ۇوس قاتىسۋشىلارى مەن مۇگەدەكتەرىنە تەڭەستىرىلگەن جاندار;
4531 تىل ەڭبەككەرلەرى;
4390 18 جاسقا دەيىنگى ءتورت جانە ودان دا كوپبالالى وتباسىلار;
3619 «التىن القا», «كۇمىس القامەن» ماراپاتتالعان كوپبالالى انالار بار;
17963 مۇمكىندىگى شەكتەۋلى ازاماتتار بار.
