جۇزۋدەن جارىس ءوتتى
استاناداعى «قازاقستان» سپورت سارايىندا مۇمكىندىگى شەكتەۋلى جاندار اراسىندا جۇزۋدەن «Astana Open Cup» اشىق كۋبوگى ءوتتى. سپورتتىق ءىس-شارا كونستيتۋتسيا كۇنىنە ورايلاستىرىلعان. باعدارلاماعا 50 جانە 100 مەتر قاشىقتىقتارعا ەركىن, براسس, باتتەرفلياي ستيلىندە جانە شالقالاپ جۇزۋدەن, 200 مەتر قاشىقتىققا كەشەندى جۇزۋدەن جارىستار ەنگىزىلدى. تۋرنير قورىتىندىسىندا حالىقارالىق دارەجەدەگى سپورت شەبەرى استانالىق ءانۋار احمەتوۆ توپ جاردى.
ءبىلىم جانە عىلىم ءمينيسترى اۋىستى
كەشە مەملەكەت باسشىسى نۇرسۇلتان نازارباەۆتىڭ جارلىعىمەن باقىتجان تۇرسىنۇلى جۇماعۇلوۆ قازاقستان رەسپۋبليكاسىنىڭ ءبىلىم جانە عىلىم ءمينيسترى قىزمەتىنەن بوساتىلدى.
ونىڭ ورنىنا قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ اسلان باكەنۇلى ءسارىنجىپوۆ تاعايىندالدى.
پوليتسەيلەر سىيلىعى
ءبىلىم كۇنى قارساڭىندا استانا قالاسى ءىىد اكىمشىلىك پوليتسيا باسقارماسىنىڭ ينسپەكتورلارى جەكە قاراجاتتارىنىڭ ەسەبىنەن كوپ بالالى وتباسىلاردان شىققان بالالارعا كيىم-كەشەكتەر, سومكەلەر مەن كەڭسە زاتتارىن تابىس ەتتى. ءىس-شارا 30 قىركۇيەككە دەيىن جالعاساتىن جىل سايىنعى «مەكتەپكە جول» رەسپۋبليكالىق اكتسياسى اياسىندا وتكىزىلدى. ماقساتى – از قامسىزداندىرىلعان, كوپ بالالى وتباسىلاردان شىققان بالالارعا, جەتىم جانە اتا-اناسىنىڭ قامقورلىعىنسىز قالعان بالالارعا كومەك كورسەتۋ بولىپ تابىلادى.
كومپيۋتەرلىك ساۋات اشۋ – تەگىن
استانا قالاسىنىڭ اكىمدىگى قالا تۇرعىندارى ءۇشىن «اقپارتتىق قازاقستان – 2020» مەملەكەتتىك باعدارلاماسىن جۇزەگە اسىرۋ اياسىندا قازاق جانە ورىس تىلدەرىندە كومپيۋتەرلىك ساۋات اشۋ نەگىزدەرىنە تەگىن وقىتادى. وقۋ مەرزىمى – كۇنىنە ءۇش اكادەميالىق ساعات بويىنشا 1 اپتا. ساباق – 9.00-11.30, 11.30-14.00, 14.00-16.30, 16.30-19.00 ساعاتتاردا وتەدى. وقۋ اياقتالعاسىن تەستىلەۋ نەگىزىندە بەلگىلەنگەن ۇلگىدەگى سەرتيفيكاتتار بەرىلەدى.
مەكەن-جايى: استانا قالاسى, م.اۋەزوۆ كوشەسى, 36 ءۇي
(استانا گۋمانيتارلىق-قۇرىلىس كوللەدجىنىڭ عيماراتى).
الدىن الا: 70-12-35; 70-12-33; ۇيالى: 8-778-145-22-60;
8-705-281-21-15 تەلەفوندارى بويىنشا جازىلا الاسىز.
كەشە
استانادا قر پارلامەنتى پالاتالارىنىڭ بىرلەسكەن وتىرىسى ءوتتى.
بۇگىن
تاۋەلسىزدىك سارايىندا حالىق سۋرەتشىسى اۋباكىر ىسمايىلوۆتىڭ 100 جىلدىعىنا ارنالعان حالىقارالىق كونفەرەنتسيا مەن كورمە وتەدى.
ەرتەڭ
كونگرەسس حوللدا «كۇلكى الەمى» ءازىل-سىقاق كەشى وتەدى.
سانسويلەم
100 استانادا جاڭا وقۋ جىلىنىڭ قارساڭىندا جەتىم جانە از قامسىزداندىرىلعان وتباسىدان شىققان وسىنشا بالاعا كيىم-كەشەك, اياق كيىم مەن مەكتەپكە قاجەتتى جابدىقتار بەرىلدى.
ەركەجان ساتىمبەك
