قر ۇەم تابيعي مونوپوليالاردى رەتتەۋ كوميتەتىنىڭ اقپاراتى بويىنشا, استانادا جىلۋمەن جابدىقتاۋ قىزمەتتەرى ءۇشىن نەگىزسىز ەسەپتەۋ فاكتىلەرى انىقتالدى.
ەلوردا تۇرعىندارى كوميتەتكە قاڭتار ايىنداعى تۇبىرتەكتەردە كورسەتىلگەن جوعارى جىلۋ تولەمدەرىنە شاعىمدانعان بولاتىن. وسىعان وراي باس قالادا جىلۋمەن جابدىقتاۋ قىزمەتىن كورسەتەتىن «استاناەنەرگوسبىت» جشس تابيعي مونوپوليالار سۋبەكتىسى انىقتاما بەردى.
«ەلوردا تۇرعىندارىنان كەلىپ تۇسكەن وتىنىشتەرى نەگىزىندە قر ۇەم تابيعي مونوپوليالاردى رەتتەۋ كوميتەتىنىڭ استانا قالاسى بويىنشا دەپارتامەنتى «استاناەنەرگوسبىت» جشس-گە قاتىستى جوسپاردان تىس تەكسەرۋ جۇرگىزدى, ونىڭ قورىتىندىسى بويىنشا اسپاپتارى جوق تۇتىنۋشىلار ءۇشىن جىلۋمەن جابدىقتاۋ جونىندەگى كوممۋنالدىق قىزمەتتەردى تۇتىنۋ نورمالارىن ساقتاماۋ بولىگىندە قازاقستان رەسپۋبليكاسىنىڭ تابيعي مونوپوليالار تۋرالى زاڭناماسىنىڭ تالاپتارىن بۇزۋ انىقتالدى, بۇل جىلۋدى نەگىزسىز ەسەپتەۋگە اكەلدى» دەدى ۆەدومستۆودان.
«تابيعي مونوپوليالار تۋرالى» زاڭدى بۇزعانى ءۇشىن «استاناەنەرگوسبىت» جشس اكىمشىلىك قۇقىق بۇزۋشىلىق جاساۋ ناتيجەسىندە الىنعان تابىستىڭ ء(تۇسىمنىڭ) 10% مولشەرىندە ايىپپۇل تۇرىندە اكىمشىلىك جازا قولدانىلىپ, اكىمشىلىك جاۋاپكەرشىلىككە تارتىلدى, سونداي-اق نەگىزسىز الىنعان تابىستى قايتارۋ ءۇشىن 209 365 تەڭگە مولشەرىندە قايتا ەسەپتەۋ تۋرالى نۇسقاما بەرىلدى.
كوميتەت جىلۋ ەنەرگياسىمەن جابدىقتاۋ قىزمەتى ءۇشىن تولەماقى مولشەرىن ايقىنداۋ ەسەبى وسى زاڭناماعا سايكەس تابيعي مونوپوليالار سالاسىنداعى زاڭنامامەن رەگلامەنتتەلگەنىن, تابيعي مونوپوليا سۋبەكتىسى ۋاكىلەتتى ورگان بەكىتكەن تاريف بويىنشا رەتتەلەتىن قىزمەت كورسەتۋگە مىندەتتى ەكەنىن ءتۇسىندىردى.
«جىلۋمەن جابدىقتاۋ قىزمەتىنىڭ تۇپكىلىكتى ءتاريفى تۇتىنۋشىدا ۇيگە ورتاق جىلۋدى ەسەپكە الۋ قۇرالىنىڭ بولۋىنا نەمەسە بولماۋىنا بايلانىستى ەسەپتەلەدى. وسىلايشا, جىلۋ ەنەرگياسىن ەسەپكە الۋدىڭ جالپىۇيلىك اسپابى بولعان كەزدە جىلۋ ءۇشىن تولەم مولشەرى اي سايىنعى كورسەتكىش پەن بەكىتىلگەن تاريف نەگىزىندە ايقىندالادى» دەدى ۆەدومستۆودا.
كوپپاتەرلى تۇرعىن ۇيگە ورتاق ەسەپكە الۋ اسپابى بولماعان كەزدە جىلۋ ءۇشىن تولەماقى مولشەرى جەرگىلىكتى اتقارۋشى ورگان بەكىتەتىن تۇتىنۋ نورماسى مەن ەسەپكە الۋ اسپاپتارى بار تۇتىنۋشىلارعا قاراعاندا 20%-عا جوعارى ءتاريفتى نەگىزگە الا وتىرىپ, ەسەپتەلەدى. كوميتەت تۇتىنۋشى ءۇشىن ۇيگە ورتاق جىلۋ ەنەرگياسىن ەسەپكە الۋ اسپابىنىڭ بولۋى ۇنەمدەۋگە مۇمكىندىك بەرەتىنىن, ويتكەنى ناقتى تۇتىنىلعان كولەم تىركەلەتىنىن جانە جىلۋ ەنەرگياسىن ەسەپكە الۋ اسپاپتارى ءۇشىن تاريف قولدانىلاتىنىن ايتتى.
سونىمەن قاتار, جىلۋ ەنەرگياسىن تۇتىنۋ كولەمىنىڭ ارتۋى جانە تولەم سىرتقى تەمپەراتۋراعا تىكەلەي بايلانىستى. جىلۋ ەنەرگياسى ءۇشىن تولەم اۋا رايىنا بايلانىستى اي سايىن وزگەرەدى, سىرتقى تەمپەراتۋرا نەعۇرلىم تومەن بولسا, جىلۋ ەنەرگياسىن تۇتىنۋ كولەمى سوعۇرلىم كوپ بولادى. مىسالى, وتكەن جىلدىڭ قاراشا ايىندا ورتاشا ايلىق تەمپەراتۋرا +2,2 گرادۋس, جەلتوقساندا -8,9 گرادۋس, ال اعىمداعى جىلدىڭ قاڭتار ايىندا تەمپەراتۋرا -11,9 گرادۋس بولدى.
ەلوردا تۇرعىندارى ەسەپكە الۋ اسپاپتارى مەن جىلىتۋ اقىسىن ەسەپتەۋ كورسەتكىشتەرىنە قاتىستى سۇراقتار تۋىنداعان كەزدە ءمان-جايدى انىقتاۋ ءۇشىن «استاناەنەرگوسبىت» جشس-نە, ال قۇقىقتار بۇزىلعان جاعدايدا قر ۇەم تابيعي مونوپوليالاردى رەتتەۋ كوميتەتىنىڭ پەتروۆ كوشەسى, 5-ءۇي مەكەنجايى بويىنشا دەپارتامەنتىنە نەمەسە ازاماتتاردىڭ بارلىق وتىنىشتەرىن قابىلداۋ مەن وڭدەۋدىڭ بىرىڭعاي پلاتفورماسى ارقىلى «ە-Otinish» پورتالىنا جۇگىنە الادى.
